اشتياق عاينت ليه وهي مستغربه وقالت…… البخلي امجد يكون معاها شنو؟ اكيد انت م قاصد الفهم الوصل لي…. لو كنت قاصد تبقي كارثه…..
احمد شال الجاكيت تبعه ومفتاح العربيه بس اشتياق وقفته….. خير… ماشي وين ؟
احمد…… ماشي اجيب تمني…
اشتياق : اسي ؟ في الوقت دا ؟ بكره الصباح بتجي…
احمد…… لا بمشي اجيبا اسي وخليها تبقي مره تكررا تاني وطلع بسرعه……
وكلها ربع ساعه وكان قدام البيت وبقي يضرب في الجرس بعصبيه…… بعد فتره جات تمني وفتحت الباب…… احمد ؟ خير…. ماما اشتياق حصل ليها حاجه ؟……
احمد جراها من يدها وهو بقول .. يلا علي البيت وتاني مره مافي مبيت بره البيت فاهمه ؟
تمني : م كلمت ماما لحظه طيب البس عبايتي…
احمد : انتي ماشه بيتك ! يعني ماشه بيت غريب؟… امها
جات طالعه من غرفتا ومغمضه عين ومفتحه عين وقالت…… احمد ؟ خير في حاجه ؟
احمد في خجل : لا بس جيت اسوق مرتي…
منال مبتسمه : طيب مافي مشكله
تمني… باست امها ومشت مع احمد وهي محتاره…امجد وقف العربيه في الجراج ودخل الفيلا واستغرب لما لقي اشتياق… في الهول صاحيه…...
امجد : خير ي حجه شاعره بي حاجه لا سمح الله ؟
اشتياق : لٱ حبيبي انا كويسه منتظره اخوك…… وحكت ليه الحكايه كلها حتي زواج احمد من هبه و…… امجد غضب لما ملامحه اتغيرت وقبل م يقول حاجه احمد دخل ومعاه تمني وطبعا استغربو جدا لمن شافو تمني بي فستان البيت وم لابسه عبايه او طرحه……
تمني خجلت وجرت بسرعه علي السلم ودخلت غرفتها وامجد اتفجر في احمد…… انت م ممكن تكون بني آدم حرام عليك البتعلو في بت الناس دي…… وكمان عايز تتزوج عليها…
احمد قرب منو في هدوء وقال في غيظ : مرتك ولا مرتي ؟ عايز افهم…… انت المدخلك شنو؟ انا م بحبها وغصبا عنك وعنها ح تقعد تحت رحمتي…… و… وريني ح تقدر تعمل شنو؟
امجد مسكو من رقبته وعايز يضربه بس اشتياق صرخت فيهم بصوت عالي…… كفايه كأنك ي امجد نسيت انو البتتكلم معاه وكنت عايز تضربه دا اخوك الكبيرخلاص بقي مافي احترام لي ؟ وانت ي احمد… م علي كيفك مافي زول بقيف في طريقك اذا كنت عايز تتزوج…….. بس مستحيل اسمح ليك تعذب تمني او تظلما… واذا طلبت الطلاق بعد تعرف موضوع زواجك دا…… ساعتها انا م بقدر اعمل حاجه ممكن احاول اقنعا تصرف النظر عن الطلاق بس اذا رفضت م بقدر اجبرها…
نادر صحي النوم بكورك : ي تمني…….. ي زفت وين القهوه حقتي….. منال طلعت من غرفتا وهي بتقول : هييي انت قايل نفسك وين ؟ تمني دي خلاص انسي موضوعها بقت مره راجل وراجل بحبها جدا لدرجه م بقدر يكون في حته هي م فيها
نادر عايز يتفجر من الغيظ وقال : طيب امشي كلمي حنان تعمل لي كبايه قهوه راسي دا داير يطير
منال… خلي السم الهاري البتشربو دا وراسك م بوجعك بعدين عليك الله م تكورك الصباح انا بتشآئم بي صوتك دا
نادر : ههههههه بتتشآئمي بصوتي ؟ طيب والبوم البسمعو كل يوم دا بشعرك بالتفآؤل ؟ امشي جيبي لي 5 مليون خسرتها في القمار ...
منال في خلعه : شنووووو ؟ اكيد لسه السكره م فكت منك انا م تعبانه ومساهره في الشغل عشان تجي تضيع لي قروشي في القمار والسكر والنسوان… انا عندي بنات وعايزه اامن ليهم مستقبلهم الدنيا م معروفه……
نادر : هي دي قروش ؟ تمن التوب في بيت الازياء حقك كم ؟ مستخسره فيني كم مليون محلك شغال زي خليه النحل ينكت زباين…
منال : الله اكبر الله اكبر
نادر صرخ في وشها : اسمعي انا م بترجاك ح تديني فوق عينكوالا…تلفون مني لي بتك تاني م بتعاين ليك في وشك وح تطردنا انا وانتي وحتي بيت الازياء البتتبوبري بيه دا نص قروشه من تمني…
منال والدموع في وشها : خلاص…... ربنا يريحنا منك ان شاء الله…… و… دخلت تجيب المبلغ…
تمني بكت وانهارت لمن بلغا احمد بمواعيد الزواج… وما قالت حاجه وطلع هو خلاها بتبكي…… اشتياق سمعت الكلام ومشت غرفه تمني بعد احمد مشي الشغل ولقتا بتلم في ملابسا وهي بتبكي في صمت…… اشتياق حضنتا وبقت تبكي وبعدها قالت…… حبيبه قلبي يعلم ربنا انك زي إمتنان بتي وحبيتك ومن زمان عاجباني واتمنيتك زوجه لي واحد من اولادي… احمد ولدي كبير لكن متهور وسارقاه السكينه بكره يعرف قيمتك……
تمني مسحت دموعا وقالت : عندي سؤال محيرني… ليه م خطبتي ليه البت القال عايزا ؟ موش كان افضل ؟ اسي هو ماشي يتزوجا… 😭 كان علي الاقل م بعرس فيها…
اشتياق : م بتناسبه م عارف مصلحته…… وافقت بيه عشان قروشه…… مافي واحده بتقبل بي وضع زي دا الا لو عندها هدف تاني…
تمني في اصرار : آسفه ماما 😭 م بقدر اعيش مع واحد م بحبني لانو لو بحبني م بجيب فيني واحده تانيه 💔 كل البطلبو يرسل لي ورقه ال
قاطعتا اشتياق ومنعتا تتكلم بعد ختت يدها في فمها وقالت : م تكمليها ي بتي عشان خاطري انا امك التانيه ادي نفسك فرصه تانيه فكري وم تستعجلي والبتصلي ليه بلغيني انا بيه………
فضلت تحاول معاها مده طويله وبعدها تمني قالت…… طيب ماما عشان خاطرك بس بفكر تاني رغم اني م بوعدك اغير رايي…… في الفتره دي بمشي بيتنا عشان اقعد مع نفسي وبعدها بقول قراري…
يتبع…
إمتناني ❤
