اكتر شي يضعفنا ويسلب ارادتنا ،،،،، ويطلي حياتنا بلون اسود قاتم ،،،، ويجلعنا تائهين ،،،، بلا مأوي ،،،، بلا هويه ،،،،، حتي وإن امتلكنا الدنيا ومافيها،،،،،،فقدان الام ،،،،، حزن دائم ودمعه لا تجف وجرح لا يندمل ،،،،،،
😭😭😭😭😭😭😭😭
اشتياق… جرت علي الغرفه وهي بتسمع صرخات تمني… 😩 صرخات قاتله ،،، صرخات تعلن ان الحياه لم تعد كما كانت ابدا ،،،، عاينت للجسد المسجي المغطي ،،، معقوله دي منال ؟ الجسد الضعيف الذي لا حول له ولا قوه ،،،، كل من عليها فان ،،،،انا لله وانا اليه راجعون ،،، حضنت تمني وحاولت تطلعها من الغرفه وهي في حاله انعدام وزن ،،، وفجأه سقطت علي الارض وصرخت اشتياق….. الحقني ي امجد 😰 ،،،
امجد بسرعه البرق خطف تمني ووداها علي غرفه الدكتور ودموعه في عيونه ،،، حزين علي موت منال ومشفق علي حاله تمني وخايف عليها… المهم بعد اسعفوها رجعو البيت والجثمان مشي قدامهم ،،،،دخلت
ناديه واشتياق عشان يغسلوها اما تمني…… من دخلت اغمي عليها… وتاني م صحت الا بصوت البكي لمن خلاص عايزين يرفعو الجثمان في العربيه ،،، جرت علي العنقريب وحاولت تمسك الرجل بس الرجال بقو يكوركو ،،،، ي جماعه زول يمسك البت دي اكرام الميت دفنه ،،،، مشت اشتياق ومسكتا ودخلتها جوه وبتحاول تصبر فيها وهي نفسها عايزه اليصبرها 😩 😩 😩 دخلت تمني غرفتها وم قابلت اي زول وكانت معاها اشتياق… اما تاليه بتصرخ من شالو الجنازه لحدي م ضاع صوتها ،،،،
❤❤❤❤❤❤❤❤
ناديه بقت مقسمه م بين العزاء في البيت وهاشم في المستشفي لحدي م خفت الناس وفي يوم جات من المستشفي ووشها ضاحك بشوش وقالت : تمني الحي ابقي من الميت والدوام لله… كلنا لها ي بتي الحزن عمره م برجع ميت ،،، الحمد لله الدكتور طمني علي ابوك وهو محتاج ليك وعايني لي اختك دي ،،، فقدت امها وانتي بعيده منها تفتكري ح تقدر تتجاوز المحنه دي… البت لسه صغيره كلنا معاها وم فارقناها لحظه بس م بنبقي ليها زيك ،،،،، وانتي عارفه هي بتحبك قدر شنو ومتعلقه بيك لي ياتو حد ،،، بعدين نسيتي انها نازله امتحان بعد يومين ؟ ودا تحديد مصير يعني داخله علي المرحله الثانويه ،،،،،،
تمني عاينت لي ناديه…… كأنها بتشكرها علي كلامها دا وطوالي مشت غرفه تاليه ولقتا حاضنه صوره امها ونايمه ،،، العبره مسكتها شالت منها الصوره براحه ومسحت دموعا ولمست شعرها في حنان… بس فجأه تاليه صحت مخلوعه وقالت : ماما……
تمني كتمت الدموع وحضنتها وقالت : كلنا فاقدنها بس لازم نتماسك ونكون يد واحده ،،، انتي عارفه ماما الله يرحمها وصتني عليك… وانتي ح تسمعي وصيتها وتنزلي امتحان عشان ترتاح في مثواها الاخير ،،،، واثقه انو اختي م حتخذلني ح تنجح وتفرح روح ماما ،،،
تاليه حصنت تمني…… وقالت : انا بحبك شديد انتي وماما بس م بحب بابا لانو قتل ماما وكان بزعلك انتي كمان…
تمني : لا حبيبتي دا مهما كان ابوك ولازم تدعي ربنا انو يغفر ليه
تاليه : هو في السجن صاح ؟
تمني : م تشغلي نفسك بي المواضيع دي الليله نبدا مراجعه وان ماشاء الله متفوقه وح تنجحي وتجيبي مجموع كبير ،،،
💜💜💜💜💜💜💜💜
مشت تمني عشان تزور ابوها في المستشفي ولقتو بقي عال العال اتعالج من الحساسيه وحالته النفسيه استقرت ،،،،
تمني : بابا معليش الايام الجايه ح ازورك بعد الساعه 1 ظ عشان تاليه ممتحنه ادعي ليها تنجح وتجيب مجموع كبير ،،،
هاشم هز راسه بمعني اوك وتمني باستو في راسه ومشت ،،،،،،
طلعت من غرفه ابوها متجهة علي البوابه بس لمحت امجد بعيد ومعاه احمد ومشت عليهم وبعد سلمت قالت في قلق : خير ؟ احمد انت عيان ؟
احمد : يعني انا شايف نفسي كويس بس الاطباء بحاولو يهولو المواضيع ،،،
تمني : الف سلامه ليك
امجد : كيف اخباركم ؟
تمني : الحمد لله بس تاليه شايله همها في زحمه الحاجات دي نسيت انها ممتحنه ،،
امجد : اذا حابه ممكن اجي اساعدها في المراجعه…
تمني : شكرا انتو م قصرتو كفايه الوقفه الوقفتوها معاي ربنا يقدرني ارد جمايلكم ،،
احمد : ربنا يقدرنا نحن نكفر عن اخطاءنا معاك… انتي مشغوله ولسه الناس بتجي تعزي خلي امجد يدرسها كلها اسبوع ،،،،
تمني : طيب مافي مشكله ،،، يلا سلام…
امجد : تسلمي…
💜💜💜💜💜💜💜💜
اشتياق راقده في السرير م قادره ترفع راسها من الصداع ،،،،،،
إمتنان : ماما لسه الصداع معاك ؟
اشتياق : بروح ي بتي م تخافي بلعت البندول بعد شويه ببقي كويسه وين اخوانك ؟
إمتنان : احمد عنده مقابله وامجد مشي معاه…
اشتياق : م كلموني ليه ؟
إمتنان : ماما ادعي ليه النتيجه دي البتحدد المرض انتشر ولا لسه.
اشتياق قامت علي حيلها وقالت في خلعه : نتيجه شنو ؟ وياتو مرض دا الانتشر ولا م انتشر ؟
إمتنان حست انها في مأذق فاكره انو امها عندها علم بمرض احمد ..
اشتياق : احكي ي بت 😩 ووووب الترابه في خشمك ي اشتياق
إمتنان : امي استهدي بالله في البدايه كانو فاكرنها حصوه في الكليه بس الدكتور قال ورم وان شاء الله بتعالج…
اشتياق : ووووب علي ي حبيبي 😩 اوع يكون محل الولد ضربو زمان لمن كان بقرأ في اولي ثانوي ؟
إمتنان انهارت : لا ي امي احمد ح يعيش وح يتزوج ويملا ليك البيت دا اولاد ارجوك م تقولي ولا تفكري في حاجه تانيه…
اشتياق…انا كنت بحلم بيهو واقع في هوه وم قدر يطلع منها 😩 يا الله تكضب الشينه 😭😭
قرر الطبيب عمليه مستعجله لي احمد عشان يمنع انتشار الورم في باقي اجزاء الجسم ،،،،
امجد بعد معاناه شديده حتي قدر يكلم اشتياق وهي عملتها مناحه ورفضت تقبل الوضع تماما ودا اكتر شي كان موتر احمد ومخليه يشعر بالحزن ،، خايف تحصل ليه حاجه ويتفطر قلب امه بس بينه وبين نفسه اتأكد من حبها الكبير ليه ،،،
يتبع…
إمتناني ❤
بت محمد جمال الدين
