اتصل امجد علي رقم اشتياق وردت بعد مسافه ،،، الوو
امجد : كيفك ي حجه شنو يعني فاتحين لينا كدا ،،،، مافي حمد لله علي السلامه ؟
اشتياق : اهلا ي ولدي…… اخوك لقيتو كيف ؟
امجد : خير ي حجه في شنو؟ إمتنان وتمني كويسين ؟
اشتياق : خالتك منال حصل ليها حادث وحالتها خطيره وهي في العنايه المكثفه ،،،
امجد في تردد : وتمني ….. كيف ؟
اشتياق : منهاره ي ولدي…… الله يكون في عونها 😞😞😞
امجد : احمد كمان عيان ،،،، بنجي بكره ان شاء الله…..
اشتياق : اديني اخوك اتكلم معاه…
امجد شال التلفون ووداهو لي احمد ،،،،،،
اشتياق : حبيبي 😭 كيف اخبارك انا قلبي م مطمن عليك انت كويس ؟
احمد : كيفك ي امي انا كويس والحمد لله… جايي السودان وتاني م راجع ابدا .
اشتياق : ربنا يوصلك بالسلامه ،،، عايزاك تحت عيني الدنيا دي اقصر من نضيعها في الفراق ،،،،
❤❤❤❤❤❤❤❤
ناديه وقفت مخلوعه واتذكرت انها لازم تمشي البيت ،،، تمني لاحظت ليها وقالت في خوف : بابا مخبينو في البيت صاح ؟ نفس المكان الحصل فيه الخلاف بين ماما ونادر وامكن يكونو اتشاكلو في موضوعو ،،،،، انا خلاص عرفت اي حاجه مافي تخبي عني انتي كمان……
ناديه : انا بمشي اشوفه وانتي خليك مع امك ،،،،،
تمني : امي في غيبوبه م حاسه بي شي لازم امشي معاك….. بعدين بصراحه بقيت م بثق في اي زول حتي انتي لانك كنتي عارفه اي شي… وساكته حتي م اشفقتي علي وانا بفتش في بابا ليل نهار ....
ناديه طلعت قداما بدون م تقول حاجه…… اصلا كل القالتو صحيح ،،،،،
تمني مشت لي اشتياق… كلمتها ومشت مع ناديه……
طول الطريق مافي زول قال ولا كلمه ومرت الدقايق بطيئه لحدي م وصلو البيت ،،
ناديه دخلت وتمني وراها بخطي متخاذله وقلب مرتجف واعصاب متوتره منهاره ودموع متجمده ،،،،
طلعت السلم….... درجه درجه وناديه دخلت الشقه وبعد شويه بقت تكورك ،،،،، تمني تمني اطلبي الاسعاف بسرعه ابوك بموت 😰
تمني جات داخله وعاينت في السرير ووقعت علي الارض…… وبقت تصرخ في تشنج…… ابوها كان راقد زي الشبح ،،، جسد هزيل وعيون تائهة ونفس منكسره ،،، اول م شاف تمني…… بقي يصرخ في هيستريا ،،،،، تمني اتذكرت دا نفس الصوت… نفس الصوت… انا غبيه غبيه غبيه…. لو كان عندي قلب كان حس انو دا بابا… يااااه طول عمري بفتش وابحث وهو قدام عيوني 😩😩 آآآآه 💔 ي وجعي ويا حسرتي ،،،، ابكي علي منو ؟ امي البين الحياة والموت ولا ابوي الحي المدفون بدون رحمه ،،
ناديه صرخت في وشها وهي طالعه عليهم : زحي من الطريق خلي رجال الاسعاف يشوفو شغلهم ،،،، قلت ليك ابوك بين الموت والحياه ،،،،
رجال الاسعاف شالو هاشم وجسمو فيه جروح السرير ،،،، وبعد نزلو الهول غمض عيونو من الاضاءة وم فتح لحدي م دخل الاسعاف ،،،،،
تمني واقعه في الهول وحست انها مشلوله م قادره تتحرك ،،،،
تاليه جات جاريه تصرخ : ماما ناديه تمني واقعه في الارض ليه؟ وماما وين ؟ صحي بابا قتل ماما ؟ م بسامحه انا ،،،،،
ناديه ضمتها عليها وهي بتبكي وتقول : الله يكون في عونكم ي بناتي…… يلا نحصل الاسعاف ،،،،
ركبو امجاد واتجهو علي المستشفي ،،،،
تاليه في خوف : ماما ناديه دا منو عمو النزلوه من فوق دا ؟
ناديه : دا ابو تمني اختك ي بتي ؟
تاليه : ماما مخبياه فوق ليه ؟
ناديه : هو عيان ،،،
❤❤❤❤❤❤❤❤
وصلو احمد وامجد مطار الخرطوم وبعدها لمحو إمتنان في العربيه وطوالي جات عليهم في لهفه ،،،،
بعد سلمت وصلتهم البيت وهي فرحانه وقالت : فرحتي كبيره اخواني الاتنين معاي بس فضل تكتمل بي شفاء خالتو منال ،،،،
امجد واحمد : آمين يارب العالمين ،،،،
💜💜💜💜💜💜💜💜
وقفت تمني وهي مقلقه بتسأل من وضع ابوها…… للاسف الدكتور م طمنها ،،،، القفله سنين اثرت علي الجسم عامه واصيب بعده انواع من الامراض الجلديه وخلل كبير في العظام بالاضافه لي المرض النفسي والعصبيه والضغط والسكر ،،،، انهارت تمني وبقت تبكي وتقول ،،، يعني بابا م حيقدر يتعرف علي ولا ح يقدر يضمني عليه ؟ 😩 طول عمري عايشه علي امل الاقي بابا واعيش معاه باقي عمري 😩 لما القاهو يكون م حاسي بي وجودي ،،،، يارب لطفك وعفوك ورضاك ،
💜💜💜💜💜💜💜💜
مرت اسبوع والوضع زي م هو مافي تحسن وتمني مقيمه في المستشفي واشتياق وإمتنان وامجد م تركوها ،،، امجد من الشغل بجي المستشفي
ومتابع مع احمد من مستشفي لي مستشفي وبعمل في التحاليل من جديد ،،،، بس في يوم طلع احمد من الصباح وتم كم ساعه وبعدها جا البيت ولقي امجد عايز يغير ويطلع
امجد : وين ي زول خوفتنا عليك…
احمد : عندي مشاوير كدا قضيتها وجيت وبالصدفه لقيت زين العابدين عم هبه الساكنين اهل هبه في بيتو ،،،
امجد : ايوه ايوه
احمد : سألتو عن موضوع جيتو الخرطوم هو واولاده والجامعه وكدا ،،، القصه الحكتها لي هبه ديك…. اتخيل لقيت انو م عنده اي علم او فكره يجي يستقر في الخرطوم دي خالص وقال لي اولادي قدمت ليهم في جامعه دنقلا بعدين مستحيل اشرد اولاد اخوي انا مرتاح في بلدي شديد ،،،،
امجد : يعني هبه كذبت عليك وشالت قروشك ساي ،،،
احمد : بالاضافه لي الدولارات حقت امي ودهبا ،،،،
امجد : طيب ح تتصرف كيف ؟
احمد : م عايز منها حاجه مهما كان مرتي حتي لو ح اطلقها وببقي افضل منها ودا حق تمني ،،، بدلت الدهب بالصفيح ،،، وتمني كمان م عايز اعذبها اكتر واظلمها معاي ،،،
امجد في حزن : ممكن تبدو انت وتمني من جديد ،،،،
احمد : انا وتمني م كان في بينا قديم عشان نرجعو وعمره م ربطنا حب هي قلبها معاك وانتي كمان… وعارف انو لا انت ولا هي عندكم ذنب القلب وم يريد 😅 وانا م زعلان كل همي ابقي كويس عشان اكفر عن اخطائي ،،،
امجد سكتت وم قال حاجه وطلعو الاتنين ع المستشفي ،،،،
💜💜💜💜💜💜💜💜
كانت تمني قاعده في ركن بعيد ،،، امجد واحمد جو عليها وسلمو وقعدو جنبها في هدوء ،،،،
احمد : شده وتزول ان شاء الله…
تمني في حزن : شكرا
امجد مشي علي مكتب الدكتور واحمد عاين لي تمني في ندم وقال : عارف لا الزمان ولا المكان مناسبين للكلام الح اقولو بس لازم اتكلم معاك…
تمني مسحت دموعها : اتفضل ،،،
احمد : انا ظلمتك وامي ظلمتنا الاتنين بدون قصد فاكره انها اختارت لينا السعاده ،، انتي زوله رقيقه ونقيه وجميله في كل شي ظاهرك وباطنك ولو م هبه دخلت حياتنا احتمال كان حبيتك وعشت معاك اجمل سنوات عمري ،،، بس للاسف خسرت انتي وهبه ضيعتني ،،، انا بديك حريتك تكفير عن ذنبي لاني م بستحقك ،،،
طلع ظرف من جيبه وناولو ليها……
تمني مسكتو في حذر وهي بتعاين ليه وبسرعه فتحت الظرف وكانت وثيقه الطلاق ،، طلاقها من احمد ،،،، عيونها اتملت دموع فجأه شافت الاطباء بتجارو علي غرفه امها رمت الورقه وجرت تشوف الحاصل شنو😳 قلبها دق بقوه وخوف ،،، الممرضه قفلت الباب،،،،، منها وقالت ممنوع ي مدام دي عنايه مكثفه ممكن تمشي تعايني بالقزاز ،،
مشت بسرعه علي القزاز امجد وكلهم جو عليها ،،، الاجهزه محيطه بي امها من كل جانب بس كأنها شافت امها مفتحه عيونها… لا وكمان حركت شفايفها .. الممرضه جات طالعه وقال تمني…… امك فاقت وطلبت تشوفك ،،، تمني بالفرحه نطت في رقبه امجد وحضنتو وجرت علي العنايه وبقت تبكي وتقول ماما…… انتي كويسه ؟ الحمد لله ،، الحمد لله…
منال بصوت واهن وضعيف سامحيني ي بتي …… وابقي عشره علي نفسك واختك وابوك ،،،،
بعد شويه صوت الاجهزه اتغير القلب توقف ،،،، الاطباء حاولو ينقذو حياتها ولكن هيهات ... رفض القلب ان يستأنف الخفقان وماتت منال….......
يتبع…
إمتناني ❤
بقلم بت محمد جمال الدين
