لقت قداما احمد واشتياق… والدهشه علي وجوهم…… كانت تمني في حاله مزريه ملابس شبه ممزقه وشعرها مبعثر وعيونها مليانه دموع
اشتياق…… صرخت في خوف… تمني… حبيبتي… في شنو ؟ منو العمل فيك كدا ؟
تمني بكت بصوت عالي وحضنت اشتياق في قوه……
اشتياق في الم…… اهدي حبيبه قلبي نحن معاك مافي زول ح يلمسك…… بس منو العمل فيك كدا…… قبل م تجاوب……
نادر جا من جوه وهو فاقد توازن يمشي حبه ويقيف يتسند علي شي…… ماسك راسه النازف…… اتجمد مكانه لما شاف احمد واشتياق…… قدامه…
احمد مشي عليه ومسكه من قميصه…… انت كلب…… لا والله الكلب افضل منك….. لولا الفضيحه وعشان بتك تاليه كان خليتك تقضي عمرك كله في السجن واحد مريض……
اشتياق : ي خايب ي عايب…… انت راجل انت ؟ بدل تحميها تحاول تعتدي عليها تفووووو عليك وعلي تربيتك حتاله البشر انت وحتي اشباه الرجال م لامي فيهم……
احمد اتلفت عاين لي امه واشتياق…… امشو العربيه انا بحصلكم……
اشتياق…… لا انا م بخليك وراي دا كلب م يسوي م تخسر يدك فيه…… اما منال انا عندي تصرف تاني معاها لمن تجي يلا ي تمني…… عايزه تقعدي مع دا ؟ في بيتك عايشه معززه ومكرمه……
تمني…… حنت راسا ومشت ركبت في العربيه واحمد طار بيهم علي البيت……..
اشتياق : احمد اتصل علي امتنان…… اعصابي دي منهاره م قادره اعمل حاجه…احمد اداها التلفون وقف العربيه قدام البيت……
اشتياق…… ردت…… إمتنان كيفك ي روحي… هبه وين ؟ في غرفتها ؟ طيب نحن في البوابه تعالي افتحي الباب بدون م مره اخوك دي تحس بي حاجه……دخلت تمني الڤيلا… وبسرعه علي غرفتا… غيرت ملابسا بسرعه وعملت مكياج خفيف……
جات إمتنان حضنتا وهي بتبكي…. حبيبتي دا بيتك وكلنا بنحبك م قادره اتخيل البيتدا بدونك…… اول م شفتك حسيت انك ح تكوني اختي التانيه موش مره اخوي بس
تمني…… تسلمي حبيبتي فعلا لقيت دفء عمري م لقيتو حتي في بيت امي…..
إمتنان مدت يدها ومسحت دموع تمني…… عليك الله م تبكي………فجأه سمعو صوت ضجه تحت… نزلو بسرعه لقو منال تجوط وتكورك واول م شافت تمني…… مشت عليها وقالت….. كده ي تمني…… تمشي بدون م تكلميني ؟ عايزه ترجعي لي راجلك ارجعي مالو دا حق من حقوقك ومافي زول يقدر يحرمك منو… بس حرام عليك تتهمي نادر الراجل القدر ابوك والرباك من عمرك تلاته سنه… بالتحرش........عيب عليكم عاينتي لي اختك تاليه موش حرام عليك تشوهي صوره والدها قداما……
تمني بقت واقفه تعاين لي امها والدموع متجمده في عيونا وهي م مصدقه معقوله تدافع عن زوجها وتنصرو علي بتها ؟ لا اكيد دا كابوس… مستحيل امها تعمل كدا
اشتياق م اتحملت صرخت في وشها…… عيب عليك تصدقي الناقص راجلك وتكذبي بتك الزي النسمه البريئه وبي شهادتي انا وولدي لقيناها تترعب من الخوف واذا م جينا في الوقت المناسب كان تمني لا سمح الله في المستشفي… ياخ المثل بقول انصر اخاك ظالما او مظلوما… فما بالك دي بتك بت حشاك خذلتيني والله م قايلاك كدا ………
تمني…… جرت غرفتها ومنال بكت في تشنج وهي بتنادي في تمني…… بس بدون فايده وبعدها حملت روحها ومشت والدموع ماليه عيونا …..
اتمددت تمني في سريرها وهي محطمه منكسره…… خجلانه… ضعيفه… يائسه…… هناك نار وهنا جحيم… صحيح الكل بحبها وبحترمها م عدا احمد وهبه….. ضربه قاضيه وجهها ليها احمد…… اتزوج عليها وهي لسه عروس مافي اهانه اكبر من كدا…… قبل لحظات نجت من عمليه اغتصاب مؤكده……… يعني كالمستجير من الرمضاء بالنار…… لطفك يارب وعفوك ورضاك
وصلت منال البيت وعيونها متورمه من البكي ولقت نادر قداما… عاينت ليه بكل كره وقالت : ان شاء الله تكون مرتاح خربتها وقعدت علي تلها ؟ يلا انتظر النتايج… كل الخير النحن فيه دا من خير ابو تمني… احتمال تآخد موقف مني والقي نفسك ومعاي انت طبعا وتاليه في الشارع والعربيه البتتباهي بيها للسكاري وحتي المغلق بح……
نادر نطط عيونو : في الحاله دي علي وعلي اعدائي……
منال…… يعني شنو ؟
نادر… ..يعني بلعب بآخر كرت… بفشي السر……
منال وهي ماشه علي غرفتها… ..ربنا يريحني منك ان شاء الله
نادر : ههههههه اهون عليك ..
حست تمني بصداع شديد ونزلت تحت عشان تعمل ليها فنجان قهوه……
لقت امجد وإمتنان في الهول كمان بشربو في قهوه….. امجد ابتسم…. حماتك بتحبك وفي نفس الوقت محظوظه عشان ح تشربي من البن بتاعي تمني…..
شكرا حسيت بي راسي عايز يطير قلت اعمل لي فنجان ..
إمتنان في احتجاج : اتخيلي لي ساعه بحنس فيه عشان يعملي قهوه معاه رفض…. بصراحه قهوتو غير…… م بتشبه قهوه زينب ..
ابتسمت تمني وقالت لي امجد في رجاء : ح تعمل ليهاعشاني صاح ؟
امجد : حاااضر
إمتنان : طيييب يا امجد بنتلاقي يعني البركه في تمني خلتك تشربني من قهوتك ...
امجد مد الفنجان لي تمني…… وهو مرتعش ولاحظت إمتنان وقالت : مالك بترتعش يعني من الادب الكاتلك ؟
امجد جراها من شعرها وبقت تكورك… حرام عليك ياخ فك لي شعري تمني بتضحك مبسوطه وهي بتراقب تصرفاتهم وبعدها امجد قال : موش درستي تقنيه معلومات ؟
تمني : ايوه امجد : رايك شنو تشتغلي معانا في المصنع ؟
تمني : والله فكره حلـِۈۋوھّ بس يا تري احمد بوافق؟
إمتنان : وليه م يوافق بدل تشتغلي في حته تانيه ومع زول غريب احسن ليك هنا 😊😊
امجد : رايك شنو؟
تمني : اوك
إمتنان : طيب ي توتو بكره عازماك قهوه في شارع النيل.
تمني : اوك 😊 امجد ح يودينا بي عربيته ؟
إمتنان : لا انا عازماك انتي بس…
امجد : شارع النيل براكم بالليل مافي وانتي عارفه كدا كويس… بوصلكم وعندي كم مشوار اخلصهم وارجع آخدكم البيت…
يتبع…
