منال قعدت جنب تمني... وقلبها حزين... كفايه ي روحي قطعتي قلبي 💔 قبيل حابسه نفسي م اجيك...... قلت اخليك تاخدي راحتك...... بس من جيتي دموعك م جفت 😔......
تمني... رفعت راسا ومسحت دموعا...... ماما انا مح ارجع البيت داك تاني... احمد دا شخص م طبيعي...... بغض النظر عن موضوع زواجه من هبه دا...... بعاملني تعامل غريب...... حتي في العلاقه الخاصه بين الراجل ومرته...... بتعامل معاي...... صدقيني ي ماما م قادره اوصف 😰 بحس انو زي البنتقم مني..... بحس انو بكرهني 😩 بتعامل معاي بعنف م عادي... سكتت م قدرت تكمل بكت في حرقه......
منال حضنتا في حنيه وبعد هدت شويه...... اسمعي اذا عمك اتصل م تجيبي ليه سيره العرس دي خالص... عمك دا اصلا داير سبب عشان يلومني رغم اني م عندي اي ذنب...... م تشيلي هم بنحل مشاكلنا لوحدنا م عايزين مساعده من اي زول حتي لو كان عمك......
تمني... طيب ماما ح تطلقيني منو صاح ؟
منال في خلعه..... طلاق ؟ الناس تقول عليك شنو؟ بعدين عايزه تقعدي في البيت الكئيب دا مع نادر اذا بتضمني تعيشي مرتاحه انا م عندي مانع......
تمني... ياااه ي ماما كل الهماك الناس يعني سعاده بتك م عندها قيمه ؟
منال... حبيبتي نحن م عايشين في صحراء اهو عايشين مع الناس بعدين خالتك اشتياق م حتقبل احمد يطلقك لانها بتحبك جدا...... انا طول اليوم في الشغل وتاليه دي لو ما بتو من صلبه م كنت بخليها معاه بعد تجي من المدرسه...... فكري تاني وما تستعجلي...
❤❤❤❤❤❤❤❤
بعد كم اسبوع احمد رجع من شهر العسل وهبه جات البيت علي طول وحبت تفرض سيطرتها علي الكل بس هيهات...... اشتياق طلبت من زينب تنادي احمد من غرفته ولما جا قالت...... اسمع ي ولدي موش خلاص آن الأوان انك تمشي ترضي تمني وتشيل ليها معاك هديه......
احمد......بس ي امي...
قاطعته اشتياق... بس شنو؟ م تبسبس لي... وافقت علي زواجك من بت فخريه الدلاليه بعد وعدتني تعدل بينهم صاح ؟
احمد اتلفت علي الباب... ي امي الشغل م عيب كونها امها دلاليه دا م شي بعيبها......
اشتياق...... م تمسك لي بالوحده انا م قصدي اسيئ لي امها وخليك من الكلام دا... والمساء جهز نفسك عشان نمشي نجيب تمني ونجي طولت واشتقنا ليها البيت من غيرها ماعنده نكهة😍
احمد طلع من الغرفه وهو بقول : الله يلعن اليوم الجات فيه تمني للدنيا 😡😡...
🖤🖤🖤🖤🖤🖤🖤🖤
هبه واقفه قدام المرايه وتتأمل في جمالها وتقول : عسسسسل تمني شنو البقارن نفسي بيها😌......
احمددخل الغرفه...... بقيتي تكلمي نفسك ولا شنو؟......
هبه...... طبعا انت طول الوقت مافي وخاليني براي يعني ح اكلم منو غير نفسي 😔......
احمد في شرود...... هبه انا اول راجل في حياتك ؟...... هبه...... ارتبكت...... بقت تتمتم...... ااا... ط طبعا...... انت قصدك شنو؟.........
احمد...... طيب لي ليله الدخله ..... 🤔 تحبي نمشي دكتور ؟
هبه...... وشها عمل الوان....... دكتور ؟ انت شاكي فيني ولا شنو؟
احمد.... لا... م شاكي بس ليطمئن قلبي.....
هبه...... في دلال مصطنع...... انا واثقه في نفسي مافي زول لمسني غيرك بس اذا حابي تتأكد بمشي معاك بس من الدكتور ولي بيتنا طوالي 😔 بقصد بيت امي وبعدها تطلقني......
احمد قرب منها ضماها في حنان...... معقوله ي عمري 💔 قدرتي تطلعي الكلمه دي كيف ؟ انا اتحديت الدنيا دي كلها عشانك ولسه مستعد اعمل اي شي عشان تكوني معاي للابد .....
❤❤❤❤❤❤❤❤
امجد...... بقي يشغل كل وقته وتفكيره بالشغل...... بكري لاحظ...... البتعمل فيه دا حرام ياخ ارحم نفسك...... امجد اخد نفس عميق...... اتخيل اتزوج زي الماحاصل شي 😞😞...... وجاب مرته البيت...... كل البتمناه تمني ترفض ترجع ليه تاني
بكري : احتمال ترجع مجبوره...
امجد : كيف مجبوره
بكري : والله البت دي عندها راجل ام اعوذ بالله منه ... النوع السكران طول اليوم وسمعت انو بتحرش بيها... ياخ دا الشيطان يعمل منو حسابه......
امجد شال مفتاح العربيه واتجه علي الباب
.............بكري : علي وين ؟ والله انتو عايله المهندس دي كلها باين عليها مجانين .
امجد : عايزني اقعد بعد السمعتو عن راجل ام تمني دا ؟ لازم امشي اجيب تمني منه .
بكري : اهدا ياخ وانتظر...... موش قلت احمد والحاجه ماشين يجيبوها ؟ تاني شنو طيب ؟ ! بعدين تجيبا بي اي صفه ؟ اتريث م تخلي حبك يعمي عيونك وتنسي انو دا اخوك.... حاول خت الحقيقه دي قدامك......❤❤❤❤❤❤❤❤
لبست هبه فستان ضيق طويل بس فيه خطوات لحدي فوق الركبه ولابسه حجل وزمام وعامله كل زينتا وجات قعدت في الهول وطلبت من زينب تعمل ليها... نسكافي......
احمد جا من الشغل...... سلم عليها ومشي غيرملابسه بسرعه ونزل... هبه استغربت... نحن طالعين ؟
احمدشال نفس عميق وقرب منها وباس يدها... لا ي روحي انا وحاجه اشتياق الطالعين...
هبه : مشوار خاص يعني 🤔 م تكون ماشي تعرس فيني ؟😔
احمد : ههههههه معقوله 💔 انا م صدقت لقيتك...... مفروض اجيب تمني... طولت في بيت اهلها وكدا حرام ..
هبه عيونا اتملت دموع : يعني لازم تجيبا الليله 😔 كان تخليني افرح شويه...عشان خاطري خليها تاني اسبوع ان شاء الله...احمد قرب يغير رايه لما شاف دموع هبه بس اشتياق م امهلته جات جاهزة وطوالي طلع معاها وهو بعتذر لي هبة...........
❤❤❤❤❤❤❤❤
نادر جا من بره وهو بتفقد القاعد منو وفرح لما اتأكد انو منال م جات وتاليه في سابع نومه وحنان الشغاله مشت بيتا......
. بقي يقول لي نفسه # تمني براها في البيت...... البت بعد اتزوجت زادت حبه 😍 وبقت جميله شبه التركيات لازم القي حاجه الليله... فتح باب غرفتا براااحه وكانت نايمه رغم انو الساعه سبعه م جات...... عاين ليها في رغبه ومد يده براحه ولمس خدها ورجع الشعر من وشها عشان يتأمل ملامحها البريئه...... وقرب منها شديد لما حس بي انفاسها...... فجأه شعرت بيه وقامت مخلوعه وصرخت في وشه 😡 انت الجابك غرفتي شنو ؟ انت شخص م محترم وبقت تنادي...... ماما... ماما ونزلت بسرعه من السرير بس هو كان اسرع منها ومسكا وبقت تصارع فيه وبتمعنو من تقبيلها ومسك نصها وجراها عليه وخلاص قرب يصل لي مبتغاه بس مسكت فازه كانت قريبه منها وضربته علي راسه وفكاها واترمي علي الارض وهو بصرخ من الالم...... وبسرعه جرت تمني... علي باب الشارع عشان م يحصلها تاني...... واول م فتحت الباب لقت قداما......
يتبع...
