امجد لقي اشتياق في الهول ومعاها نفيسه سلم عليهم وردت بي برود : اهلا
امجد حكي عن رغبه حسام سليم وبس خلص كلامه اشتياق هاجت : شنوووو ؟ خلاص كلكم عايزين تفرحو بعد اخوكم مات ؟ كان هو العقبه في طريقكم ؟ حسبي الله ونعم الوكيل 😩
امجد : ي امي احمد غالي علينا كلنا وموتو ح يفضل جرح في قلبي لحدي م اموت واحصله… بس الحياة م بتقيف ،،، من حقها إمتنان تفرح وتتستر وتمشي بيت حلالها مع الراجل الاختارو قلبها ،
اشتياق : مافي زول مجروح زيي انا مافي زول شالو في بطنو تسعه شهور انا الوجعتي كبيره ..
نفيسه : بصراحه ي اشتياق ي بتي م ليك حق… احمد الطير في سماه وجعو وبكي عليه فمابالك اخوانه .. عمري م شفتك مهزوزه كدا… نار الحشي حاااره وربنا يبرد عليك بس اولادك ديل عايني ليهم… ليه بتحملي امجد ذنب حاجه هو م عنده دخل فيها… البت دي طليقه اخوه هو كان بحبها من بعيد وقبل حتي م يشوفها المرحوم واتفآجأ يوم العقد انها مقسومه لي اخوه،،، ساعه مشيتي وطلبتيها للزواج امجد كان في كوريا يعني م شافا الا ساعه الزفاف وكانت صدمته كبيره بس كتم في قلبه وسكت وصبر واتحمل وعمره م غلط ولا عاين ليها عين خيانه او غدر… اتقي الله ظلمتي ولدك وظلمتي تمني الكانت اغلي من روحك…
راجعي نفسك وولدي دا قلبو اتكسر كم مره م تزيديها عليه ..
💜💜💜💜💜💜💜💜
هاشم اتعافي تماما والدكتور قرر ليه جلسات دلك طبيعي في الاسبوع مرتين وممكن تتعمل في البيت عادي ،،،
ناديه ملتزمه بي علاجه واكله وشرابه وم مقصره فيه خالص…
تاليه جابت مجموع كبير ونزلت اولي ثانوي وكانت مجتهده بس دائما بتسأل تمني عن ابوها ليه قتل امها والبنات في المدرسه بعايروها بالحاجه دي بس تمني قالت ليها : ابوك م قصدو يقتل ماما وقعت غصبا عنو.. سامحيه عشان ربنا يسامحه…
تاليه : لا انا بخاف منو م عايزه اشوفو لانو ح يكتلني زي م كتل ماما بعدين اذا كان م قاصد ليه الشرطه مسكتو ؟
💜💜💜💜💜💜💜💜
في اسئله كتيره في راس تمني بتبحث ليها عن اجابه ومافي زول بجاوب عليها الا نادر لذلك قررت تمشي تزوره في السجن ،،،، اتصلت بي امجد عشان يجيب ليها اذن زياره وكان ردو : تمني م تمشي للراجل دا .. بصراحه انا م مطمن عليك واذا اصريتي لازم ادخل معاك ،،،
تمني : لا في كلام م بينفع يتقال الا بيني وبينه .
امجد وبدا عليه الحزن : ايوااا انا آسف
تمني : لا ارجوك م تفهمني غلط… انت عارف مكانتك عندي بس في حاجات م بحكيها لي وانت معاي عايزه اجوبه كتيره علي اسئله ضلت جواي
امجد : طيب بكره بمشي اوديك وانتظرك لحدي م تخلصي واذا اتأخرتي بحصلك ودا شرطي ومافي نقاش .
تمني : هههه طيب حاضر زي م تحب
💜💜💜💜💜💜💜💜
سونا ولجين جو زياره لي تمني وسلمو علي ابوها وقعدو اتونسو معاه مسافه وبعدها مشو غرفه تمني……
لجين : ابوك وجيه وصغير 😍
سونا : البت دي بتتغزل في ابوك علني 😂😂
تمني : انتو حبيباتي وم بنسي وقفتكم معاي كنتو نعم الاخوات ربنا يخليكم لي ان شاء الله.
لجين : عندي ليكم خبر 😍
سونا وتمني : خير
لجين : باش مهندس هاشم رضا..
تمني : هاشم صديق امجد ؟ حلووو
سونا : عايز يتزوجك ؟😊
لجين : اكيد… من اول نظره وطلبني للزواج
تمني : ربنا يسعدك شاب ممتاز ..عقبال حبيبتي التانيه سونا يارب .
سونا : تسلمي حبيبتي بس نحن عازين نطمن عليك انتي كمان… بس القلبه حقت نسيبتك اشتياق دي غريبه 🤔🤔
تمني في حزن : اكتر شي معذبني انها فاكره انا وامجد عندنا علاقه مع بعض اثناء زواجي من المرحوم احمد 😔
لجين : طيب انتي حاولت تاني قابليها ووضحي ليها الحاصل.
تمني : الايام دي معاها عمتها نفيسه ودي م بتحبني وح تكون المهمه صعبه لانها بتأثر عليها…
سونا : يلا هي م بتحبك بس بتخاف الله ومستحيل تبهتك وهي ما متأكده ،،،
لجين : سونا عندها حق .. رايك شنو تكتبي ليها رساله اكيد ح تقراها ..
تمني : فكره حلوه
💜💜💜💜💜💜💜💜
صحت تمني بدري وجهزت نفسها ومشت لي ابوها في الغرفه وباست راسه وقالت : حبيب قلبي كيف الليله ؟😊
هاشم : انا كويس ي بتي انتي كيف امورك ماشه ؟
تمني : انا كويسه بس عندي مشوار ادعي لي ربنا يوفقني ..
هاشم : ربنا يديك الفي مرادك ي بتي .
طلعت تمني من الفيلا بعد اتصل عليها امجد ومشت ركبت معاه ومشو علي السجن ...
قعدت تمني في مكتب الضابط والعسكري جاب نادر وطلع هو والضابط وتركوهم لوحدهم ..
نادر كان متغير شديد دقن طويله ووزنو نقص النص .. المهم سلم عليها وقعد ،،،
تمني : كيفك ؟
نادر : كويس… شكرا علي شهادتك في المحكمه ..
تمني : انا قلت الحقيقه انت رغم كل شي مستحيل تقصد تقتل ماما ،،،
نادر بكي في تشنج وقال : والله كنت بتناقش معاها في موضوع هاشم قلت ليها انتي ساجناه جنبك عشان بتحبيه وم قدرتي تنسي ولا لحظه.. صرخت في وشي قالت لي ايوه بحبه لانو ارجل منك وعمري م حبيتك لانك قاعد معاي عشان قروشي…
سكت مسافه وقال… لمن اعترفت لي بحبه الدم في عروقي وضربتها كف ويظهر انها كانت واقفه في حافه السلم فقدت توازن ووقعت 😭😭😭 انا خلاص ضعت ودا انتقام ربنا في حقك وحق امك .. بس خلي بالك من اختك عارفك بتهتمي بيها احسن مني… وانتي بت اصيله كان ممكن تحكي عن مشاكلنا انا وامك وتثبتي دافع القتل بس شهادتك شالت مني الاعدام .. صاح السجن سنين طويله بس علي الاقل استغفر ربي عسي ولعل يقبل توبتي ..
تمني : آمين يارب م تشيل هم تاليه هي حبيبتي والفضل لي من ريحه ماما… والزياره الجايه بجيبا اخليك تسلم عليها ..
تبيع ،،،
إمتناني ❤
