امجد عاين لي تمني من بعيد…… وكانت تايه في عالم تاني وهي بتسمع صوت ضحكات هبه المتعمده بتجلجل في راسا ... وقطع عليها شرودها امجد وهو بسمع في صوت الضحك.. حاول يشغلها وسأل : كلمتي احمد بي موضوع الشغل في المصنع ؟………
تمني… ايوه كلمتو من بكره ان شاء الله بداوم معاكم .
امجد : جميل 🙂🙂بقو يتونسو علي العشا واشتياق تحكي ليهم ويضحكو واخرشي قالت وهي بتضحك : قبل م الد إمتنان بتي دي ولدت بت عسوله سمتها آيات بس مرضت كتير وماتت قبل تتم السنتين وحزنت عليها جدا وابوها كان مقهور عليها شديد بس ربنا عوضني بعد شهرين بقيت حامل بي إمتنان ولمن ولدتها كل اهلي قالو لي سميها عوضيه عشان ربنا عوضك بيها بدل آيات 😅 لكن انا قلت ليهم برري م بعقد بتي لمن تكبر… دا اسم كبير علي جيلها ممكن اسميها اسم عصري ويأدي نفس المعني قمت سميتها إمتنان .
امجد ضحك وقال : كان تسميها عوضيه عشان تقعد في الواطه دي وتخلي الافتراء حقها دا 😅
إمتنان :حرام عليك😔
بقو يضحكو وبعدها تمني استأذنت وقالت ليهم تصبحو علي خير .
امجد : شنو يعني ونستنا م عجبتك ولا شنو ؟
تمني : معقوله بس ! احلي ونسه والله بس تعبانه وناسي بكره عندي شغل ؟😅
دخلت غرفتها ورقدت في السرير واطلقت العنان لدموعها 😩 بكت حد الاكتفاء وبعد الانهيار وهي بتلوم في نفسها ليه هي متحمله الحاصل دا ؟ عشان م عندها حته تمشي ليها ؟ 😭◾◾◾◾◾◾◾◾
صحت تمني بدري وصلت وجهزت نفسها عشان تمشيةالشغل وفي المطبخ لقت امجد بكب في الشاي ووقفت لحدي م يخلص… بس هو سألها : علي حد علمي بتشربي شاي ساده صح ؟ 😅
تمني : ايوه وسكر خفيف 😊
امجد : اوك .. علي فكره انا كمان بشرب شاي ساده بس شاي زينب دا م بنفع معاي بحب اعمل الشاي حقي براي .
تمني : حظها مرتك بعدين ح تريحها جدا.
امجد شال نفس طويل وختت الشاي في سفره المطبخ واشر ليها عشان تقعد وقال : انا عرس قريب دا م مفكر فيه بالمره .
تمني وشها اتغير وعيونا كستها ملامح حزن رهيبه وقالت وهي شارده : عندك حق يعني العرسو عملو شنو ؟
امجد حس بيها وقال : انا مقدر الانتي فيه بس انا واثق انك اكبر من اي حزن .
تمني ابتسمت وقالت : يلا اتأخرنا علي الشغل كدا م ينفع .قامت تمني عشان تمشي بس لقت هبه في وشها وقالت ليها وهي طالعه : يسعد صباحك .
هبه بي غطرسه وسخف : و صباحك .
امجد سلم عليها وطلع بس هي وقفتو وقالت : ما حتعزمني شاي معاك ؟ ولا العزومه خاصه بي تمني بس……
امجد : زينب جهزت الشاي… عن اذنك تمني منتظره بره اتأخرنا علي الشغل .
بعد مشي هبه غضبت شديد لانها لاحظت الكل بحب تمني وبحترمها وهي متجاهلنها تماما ودا خلاها تتعصب وتضرب التربيزه وترميها بالكبابي علي الارض وتعمل صوت فظيع… اشتياق وإمتنان وزينب جو جارين ولمن لقتهم قداما حست بالخجل وحاولت تداري علي عملتها وتقول : انا آسفه فجأة فقدت توازن ووقعت في التربيزه 😔 اشتياق قالت ليها بعد زينب مشت تلم في القزاز : معليش ي بتي حصل خير البركه في سلامتك ……
هبه مشت غرفتها وهي بتقول في سرها " اصبري لي انتي كمان ي عجوز غابرين 😡 لمن اقضي علي الشبح تمني بفضي ليك 😒
◾◾◾◾◾◾◾◾
وصل امجد المصنع ومشي علي مكتبو وبعدها ساق تمني عشان يعرفها علي الموظفين…❤❤❤❤❤❤❤❤
قعدت تمني علي مكتبها وفتحت اللاب توب وحاولت تآخد فكره عن الحسابات.. والوقت مر والشغل كتير لانو المهندس المعاها اخد اجازه طويله ..دا الكلام القالو ليها امجد… حاولت كل جهدها عشان تفهم حاجه وبدت تنجح وفرحت لانها قدرت تستوعب حاجات كتيره في زمن قياسي ... عاينت للساعه وكانت قريب تلاته واتذكرت انها م فطرت… رفعت السماعه وطلبت من المراسله يجيب ليها ساندوتش…… مع وضعها للسماعه الباب دق…..وكانت السكرتيره وقالت باش مهندس امجد طالبها في المكتب…
◾◾◾◾◾◾◾◾
تمني شالت اللاب توب معاها ومشت مكتب امجد ودقت الباب ودخلت… لقت امجد شغال وقال ليها اقعدي وبعد خمسه دقايق قفل الكمبيوتر وقال : معليش الشغل كتير م لقيت طريقه اجي اسألك عن اول يوم شغل معاك كيف ؟ 😅
تمني ابتسمت……
حلو بس في حاجات م فهمتها… انت عارف الدراسه حاجه والتطبيق علي ارض الواقع حاجه تانيه خالص… شوف دا تقرير حسب المعلومات الوجدتها…امجد عاين للتقرير وبدا يقلب في الصفحات وبعد مده رفع راسه وعاين ليها في اعجاب وقال : ممتاز 😍 والله م مصدق انك عملت دا كله من اول يوم انا فخور بيك وثقتي في اختيارك في محلها .. تاني مستحيل اتخلي عنك…
تمني في فرح : شكرا… بتمني اكون دايما عند حسن ظنك .امجد طلع الفلاش ونقل التقارير كلها فيه.. بعد شويه جا المراسله وجاب الساندوتش ومعاه بيبسي وقال ليها… بعتذر لقيتك مافي في المكتب والسكرتيره قالت انك هنا……
امجد : معقوله لكن فطور الساعه تلاته ؟ آخر مره يحصل منك كدا………
تمني في ابتسام : الوقت سرقني والشغل ممتع ولقيت نفسي فيه 😍…..
امجد : عازمك غدا في مطعم بعمل اكل حلوو رأيك شنو ؟
تمني : موافقه 😅
امجد : معليش نحن مصنع جديد لسه لكن الحمد لله شغلنا عال العال وسلمنا طلبيات كتيره ولسه باقي كتيره .
تمني : قول ماشاء 😍فجأة جا داخل احمد وامجد عاين للساعه وقال : معقول لكني احمد شوف الساعه كم دي م طريقه شغل .
احمد عاين لي تمني وقال : البركه فيكم انت وتمني .
امجد في ضيق : اذا م بتلتزم بالشغل مضطرين نعين موظف لانو باش مهندس هاشم ماخد اجازه…احمد عاين للساندوتش وقال : دا منو العايز يتغدي في المكتب دا؟ ولا دا فطور ؟ معقوله لكن في زول لحدي الساعه 3 م يفطر ياخ حرام عليكم .
تمني : اندمجت في الشغل ونسيت الفطور
احمد : بتين بقتي تندمجي في الشغل ؟ يعني بقصد يداب نزلتي 😅
امجد وهو بعايت لي تمني: خلاص اتصبري بي حاجه بسيطه لحدي م نمشي نتغدا بره……احمد بستمع للكلام و بكل برود قال : الليله نسابتي جايين علي العشاء م تتأخرو بره لانها م حلوه منكم.
امجد عاين لي احمد عين غضبانه ... وتمني شالت اللاب توب حقها واستأذنت تمشي مكتبا وهي وشها حزين وشاحب بس امجد لحقا الساندوتش وبعد قفلت الباب
اتفجر في احمد : ياخ انت زول مجرد من الانسانيه والذوق 😡 م قادر تحبها دي حاجه م عندك يد فيها وعذرناك بس راعي شعورها ياخ والله البت ذنبها في رقبتك انت وامي ولو في محلك اذا لسه فيك حبه ضمير تطلق صراحها وتخليها تشوف حياتا😡😡😡😡 .احمد عاين ليه في دهشه مستنكر رده فعلو وقال : تشوف حياتا كيف ؟ يعني مثلا تتزوجها انت؟
يتبع ..
