ختت تمني مبلغ كبير في الامانات عشان يتصرف بيها نادر وطلعت من السجن وركبت عربيه امجد وقبل م تصل البيت .. امجد : ممكن اعزمك علي فنجان قهوه في شارع النيل ؟
تمني : بس كدا بنثبت التهمه حقت الخيانه .
امجد : طيب سؤال… نحن عملنا غلط… يعني كان في علاقه بينا ؟
تمني : لا اكيد…
امجد : رغم اني…
تمني : انك شنو ؟
امجد : نمشي شارع النيل ؟
تمني : طيب
اتحرك امجد بالعربيه بس م مشي شارع النيل ،،،
تمني : موش قلت ماشي شارع النيل ؟
امجد : ايوه بس في مشوار ضروري لازم نمشيه الاول.
تمني ; شكلك كدا ماشي جامعتي 😅
امجد م قال شي واصل سيرو عادي لحدي م وصل الجامعه ووقف في حته كدا ونزل من العربيه وفتح لي تمني الباب،،،،،
تمني : الله رجعتني ورا كتييير .
امجد : في الحته كنت بجي اشوفك سنه ونص ... البت البريئه العسوله الرقيقه وحتي م عارف اسمك ،،، صاح امي صديقه المرحومه ومن زمان بس م حصل شفتك وحتي عارف احمد خطبو ليه بت خالتو منال بس م كنت عارف زوجه احمد هي البت البحبها
تمني في خجل : امجد
امجد : يوم زواج اخوي كان يوم موت حبي ودماري الشامل كنت بموت وامي بتحكي لي عن تمني…… وكيف احمد محظوظ… وهي عايزاك تملي البيت كلو اولاد ،،، بس صدقيني عمري م اتمنيت يموت اخوي عشان افوز بي حبك… احمد غالي جدا علي واخوي الوحيد بحبه وبحبك ،،، سألت الطبيب من امكانيه زراعه كلي واكون انا المتبرع بس للاسف قال لي هو عنده ورم خبيث وم بنفع زراعه كلي ،،،
تمني : انا كمان كنت بتمني انك تقرب وتصارحني بي حبك عشان اصارحك انا كمان…
امجد في اهتمام : انتي كمان شنووو؟
تمني في خجل : امجد .. انت عارف 😊
امجد مسك يدها : عليك الله كملي… كتيره علي كلمه زي دي…
تمني زحت يدها في خجل وقالت : لٱ… بس
امجد : بس شنووو؟
تمني : بقولو الزول الصادق في مشاعره م بقدر يقولها 😊
امجد مشي علي العربيه وهو مضايق وقال في هدوء : ي ستي م مشكله
تمني : زعلت مني؟
امجد : لا وازعل ليه اصلا الحاجات دي م بتجي بالقوه 😔
ركبت تمني جنبو في العربيه وهي بتعاين ليه في حب وشوق وهو بعاين في الطريق قدامه وساكت م نطق بي كلمه حتي ردودو عليها قصيره ووشو هادي وفي نفس الوقت حزين ،،،
تمني قربت منو حبه وعاينت ليه شديييد وقالت : ايوه بحبك خلاص ❤
امجد اخد نفس عميق وبدون م يشعر ضماها عليه في حنان وباس شعرها وقال : آخيرا ❤
تمني : اتملصت منو وهي بتقول في فرح وتعاين للطريق : امجد عاين قدامك انت سايق 😊
امجد : ياخ ان شاء الله اموت بعد دا م هاممني شي آآه بحبك وعمري م ح اكون غير ليك 💔
تمني : وانا كمان 😊
امجد : انتي كمان شنو ؟
تمني : امجد…
امجد : حبيبه روح امجد… رديتي فيني الروح… واوعدك اعمل المستحيل عشانك وعمري كلو فدا سعادتك ي منيتي ❤
تمني : غيرت رايك من القهوه ؟😊
امجد : انا اسعد زول وحاسي اني مكتفي من اي شي وتاني م بفارقك لحظه واليحصل يحصل ،،،،
تمني : ههههه مجنون .
مسك امجد يدها وقبلها وقال : حتكوني ملكي وللابد واتحدي اي قوه في الارض تقدر تفرقنا ❤
تمني سكتت مده وبعدها قالت في حزن : اكتر شي جارحني موقف ماما اشتياق معاي 💔 في رساله كتبتها وعايزاك توصلها ليها……
امجد : طيب حاضر .. انا عايز افتح معاها موضوع زواجي منك…
تمني : لٱ ارجوك اديها فرصه تقرأ الرساله .
امجد : حاضر ،،، بس انا ح اتزوجك حتي لو م وافقت ،،،
تمني : امجد عيب تقول كدا… هي مهما كان امك التعبت وكافحت وربت وعلمت مستحيل نعمل حاجه بدون رضاها .. بعدين م تنسي هي امي الثانيه…..
❤❤❤❤❤❤❤❤
دخلت تمني الڤيلا وهي فرحانه ورمت شنطه اليد في الكنبه وطلعت الطرحه وفكت شعرها وبقت تلف في الهول… فجأه جات ناديه طالعه وقالت وهي بتضحك : المجانين في نعيم 😅
تمني نطت في رقبه ناديه وحضنتها وهي بتقول : انا اسعد زوله في الدنيا دي وخلاص الدنيا ضحكت لي وعاد لي نور عيني ❤❤
ناديه : ربنا يفرحك كمان وكمان ان شاء الله… انتي اتظلمتي ي بتي وربنا اكيد ح يعوضك ويديك الرايدو قِلًبُكً♥
تمني : آمين ماما ناديه
سكتت مده وبعدها قالت عايزاك في موضوع مهم بعد ترجعي من بيت الازياء بنتظرك م بنوم عازماك شاي بي بسكويت اليانسون ،،،
فجأه بقت تبكي ناديه جات ضمتها وقالت : مالك ي روحي… افرحي م عايزه اشوف دموعك الفرح من حقك انتي وبس بعدين كلما تتذكري امك امشي اتوضي واقري قرءآن اوهبيه لي روحها وادعي ليها……
تمني : كانت بتجيب لي بسكويت اليانسون لانها عارفاني بحبه😭
ناديه : امك مافي منها بعد فقدت زوجي وامي حياتي انتهت اتصلت عليه واقنعتني اجي اعيش معاها وفعلا م بخلت علي بي حاجه وكانت اكتر من بت الام .. جابتني ومشت خلتني 😩😩
تمني : ماما ناديه موش وصيتيني م ابكي ؟
💜💜💜💜💜💜💜💜
اشتياق قعدت في الهول بتتونس مع نفيسه وبشربو في شاي امجد جاء داخل باس رأس امه وسلم علي نفيسه وقعد جنبهم اشتياق سألتو : اتغديت ؟
امجد : لا وم عندي نفس… بس ممكن اشرب شاي .
قربت اشتياق الكبايه وختت السكر وصبت الشاي في الفتره دي امجد طلع الرساله وقال : دي رسلتها ليك تمني……
اشتياق في ضيق : لاقيتا ؟ طبعا الجو خلي ليكم ..
امجد : امي مافي داعي لي كلامك دا بعدين ناسيه اننا شغالين في حته واحده ؟
امجد مشي غرفته بدون م يشرب الشاي ونفيسه هاجت فيها… انتي الكلام البقولو ليك دا م نافع فيك😡 م مشكله ولدك الكبير ضاع منك وضيعي دا كمان بكره إمتنان تتزوج وانتي اقعدي شاكلي الحيطان ،،
كرفست اشتياق الرساله ورمتها في السله ومشت علي السلم بس تاني رجعت ورفعت الرساله ودخلت غرفتها وفتحت الرساله…..
يتبع…
إمتناني ❤
