Ikaw ay para Sakin
Huwag ng humiling sa tala
Na siya'y sayo itinalaga
Huwag ng umasa pa
Pagkat siya ang taong para sa iba.
Huwag ng ipagpilitan
Mga bagay na palaisipan
Sa listahan ni kupido nilagdaan
Siya'y hindi para sayo kahit kailan.
Gumising na
Pagdadrama mo'y walang kwenta
Siya'y hindi para sayo
At ika'y para sa iba.
Desisyon ng puso niya'y hindi ikaw
Ngunit maghintay at may darating
Lalaking iyong makakapiling.
Bakit kasi sa iba pa titingin
Lalaking iyong hinahanap, nasa gilid lamang ng iyong paningin
Naghihintay na ikaw ay tumingin
Sa pagsulyap na kanyang ginagawa din.
Hindi pa ba halata?
Sa kilos ko't pananalita
Sayo'y may pagtingin
Mga pahiwatig na hindi kayang sabihin.
Matagal na to
Kung tatanungin mo
Malalim na din to
Para lang sa pagkakaalam mo.
Kaya gumising na
Pagdadrama mo walang kwenta
Bat pa iiyak
Kung ego mo lang naman ang nawasak
Tingin ka sa gilid mo
At alamin mo kung may pag-asa ba ako...
