الحب دمرني ثم أحياني

الجزء الثاني

جا النهار لي غادي ننتقل انا و سناء للثانوي و من هنا غاتبدا القصة ديالي , دخلنا عند الاستاذة ديال مادة الفرنسية و طلبات منا نكلسو دري حدا دريا بحكم انا الدريات ما كايسكتوش الا كانو جماعة كان هذا الحل الوحيد , فالاول رفضت اني نكلس حدا دري مي منين فكرت و قلت فراسي : انا أصلا ما غندويش معاه و ماغاديش يقرب ليا و الى تجرأ غادي نقولها للاستاذة و هاديك الساعة تفاهم معاه ... و فالاخير وافقت و كلست حدا دري سميتوا مهدي دري زوين هه فتصرفاتوا زعما ما شفتش منو العيب و كان حتا هو متفوق فالدراسة ديالوا

جا واحد النهار عطاتنا الاستاذة تمرين ليكان صعيب بالنسبة ليا اما بالنسبة ليه كان ساهل و أنا كالسا كانفكر و على وجهي علامات التوتر و القلق نطق و قال : ياكما ما وحلتي فشي حاجة اختي حياة الى بغيتيني نعاونك مرحبا ما عندي حتا مشكل ؟

أنا : (فالاول رفضت... مي شفت حتا عييت و عرفت راسي هاد قسوحيت الراسي ما غادي تنفعني بوالوا) اااااه اخويا مهدي وحلت فهاد التمرين...و سمحلي الا ديرونجيتك

مهدي : هه لا لا بالعكس عزيز عليا نعاون لواحد

مهم فهمني التمرين مزيان و شكرتوا صراحة دخل لخاطري بزااااف و هنا غاتبدا علاقتنا ولينا كانتعاونوا بجوج لدرجة اننا كان كلسوا حدا بعضياتنا فكل مادة تعجبات صاحبتي سناء من هاد العلاقة و كل مرة كاتسولني اش بيناتكم ؟؟؟ بصراحة ولى كايعجبني بشخصيتوا و بافكاروا طول هاد المدة و لكن كنت دائما كانخبي عليها حيتاش دائما كنت كانقوليها بعدي على الدراري فالوقت فين كاتقولي ان عجبها شي واحد

واحد النهار و أنا خارجة من الليسي جا عندي و قالي : حياة بغيت نصارحك بشي حاجة

يتبع ...