صباح جديد و باحداث جديدة لي غادي تبدل مجرى حياتي
هاد الصباح فايقة ناشطة غير عادتي( هه دايما فايقا كاعيا و ما باغاش نوض ل ليسي بحجة النوم )
صافي لبست عليا مزيان و قاديت الحالة هبطت عند نوارت عيني ما مشيت حتا خديت دعوة ديال الصباح لي كا تحمل فطياتها الخير و الرزق و الابتعاد على ولاد الحرام
وصلت ليسي و انا نتلاقا مع مهدي كانت فوجهوا علامات اليأس
أنا : صباح الخير
مهدي : صباح النور ... حياة واش فكرتي ؟؟؟
أنا : آاااه و خديت قراري... لقيت راسي حتا انا متعلقا بيك و كانبغيك
مهدي : (و كايضحك بجهد) هيا وافقتي (هزني قدام ناس و كايضور بيا) كانواعدك احياتي نخليك اسعد انسانة فهاد الدنيا كانواعدك
أنا : حتا انا احبيبي و هبطني صافي راه الناس كايشوفوا
هبطني و صافي كملنا نهارنا و لا اروع
دامت علاقتنا 5 شهور و يوم على يوم كانكتاشف شخصية مهدي مانكدبش ولى اغلى حاجة عندي كانبغيه كثر ما كانبغي راسي و فهاد المدة تفارقت مع لي كانت مسماة بصديقة العمر سناء ( ماعرفتش علاش و كيفاش تفارقت معاها ولات كاتجيني و لا شيء فحياتي و حطيت فبلاصتها حبيبي و عمري مهدي )
دبا شهر لي كايفصلنا على امتحان الباكالوريا مامتخوفاش حيتاش مهدي بجنابي
واحد النهار طرح عليا فكرة
أنت تقرأ
الحب دمرني ثم أحياني
Romanceهادي اول قصة غانكتبها كاتحكي على بنت دازت من معاناة كبيرة و كيفاش حتى تجاوزاتها و بدات حياة جديدة و على ذكر حياة جديدة اسم البطلة ديالنا حياة نخليكوم معاها ماتنساوش تصوتو ليا ارائكم كاتهمني سواء ايجابية اولا سلبية
