بعد 20 يوم تقريبا علقو النتائج و لحسن الحظ ديالي شديت لباك غير هو... بنقطة ما غاديش ترضي واليديا و ماغاديش تحقق ليا احلامي لي كنت كانبنيها ... رضيت بالقضاء و رجعت للدار تريت فحضن ماما و قلت ليها : هئ هئ هئ , ماما عرفات انو ما جبتش نقطة مزيانة بتاسمت ليا و قالت ليا : بنتي الغزالة ديال ماماها ربي ما كايسد باب حتا يحل بيبان خرين , صافي غير ما جبتيش نقطة مزيانة غاديري فراسك هاد الحالة راه ماشي نهاية العالم ابنتي باقي قدامك الحياة و انتي باقا صغيرة ما عرفتي ربي اش مخبيليك فمستقبلك
(ااااااااه اماما كون تعرفي علاش كانبكي كون تحسري و تقولي هادي هي تربيتي ...كون غير كانت نقطة ديال الباك ... المسألة متعلقة بشرفي لي ضاع ضحية )
فكرت و قررت انا و واليديا ندير لافاك بتخصص الاقتصاد اليوم اول يوم عندي فلافاك متحمسة و خايفا من المجهول(نسيت ما قلتش ليكوم تحولت لمدينة الرباط بحكم خدمة الاب ديالي) حاولت نخوي راسي من الجنس الذكري و نحط حجرة على قلبي حيت بسباب هاد القلب طراو لي هاد المشاكيل كلها بسباب هاد القلب تغيرات بنت سميتها حياة ضريفة و زوينة شريفة و بسبابو تغير مجرى حياتي
مهم يالاه دخلت لافاك تلاقيت مع بنات و دراري فنفس العمر ديالي دخلنا للحصة و شرح لينا الاستاذ المقرر و زاد عطانا افكار جديدة كاتخص هاد المجال , ساليت نهاري و الحمد لله رجعت للدار و البسمة مرسومة فوجهي , ووصلت للدار سلمت على ست الحبايب شافتني مبتاسمة و هي طلق العنان لدموعها
أنت تقرأ
الحب دمرني ثم أحياني
Romanceهادي اول قصة غانكتبها كاتحكي على بنت دازت من معاناة كبيرة و كيفاش حتى تجاوزاتها و بدات حياة جديدة و على ذكر حياة جديدة اسم البطلة ديالنا حياة نخليكوم معاها ماتنساوش تصوتو ليا ارائكم كاتهمني سواء ايجابية اولا سلبية
