ماما : اويلي اش كادير
انا : كانجمع فالكوزينة ؟؟؟
ماما : اوهوي ... اوهوي (تحية للناس امازيغ) اويلي بنتي قربات تولي عروسة و نخليها تحط يدها فالما
انا :ههه الله يهديك اماما اشنو فيها
ماما : لا ابنيتي نتي طلعي ترتاحي باش غدا تباني فنة و انا نكمل الكوزينة
انا : (انا لقيتها من الجنات و الناس ) واخا اماما
ماما : يالاه سيري بغيتلك الرضا
مشيت تكيت ففراشي و بقيت كاندوي معا سهيلة ابيل فيديو قلت ليها اش طرا هاد المدة كلها من غير السر ديال حياتي قلت ليها غير تلاقيت صاحبتي سناء و امين غايخطبني
سهيلة : يا مبرووووووووك اختي حياة و الله حتا فرحت ليك من قلبي
حياة :ربي يخليك ... و شوفي غدا الخطبة و بحلوفي لا دوزتها بلى بيك
سهيلة : وراكي عافة اصاحبتي البعد و الحمل و الدار .. ( ما قلتش ليكوم سهيلة تزوجات فالحسيمة و البيبي جاي فالطريق )
انا : ( بنبرة طفولية ) جي ولى ما تبقايش صاحبتي يالاه ... راني توحشت رياض (حيتاش عندها دري و كاتفكر تسميه رياض)
سهيلة : ههه حميمقة ديالي اوكي على ودك غير نخبر ياسين ( راجلها) و نرد عليك
انا : ااااه و قولي ليه حتا هو معروض مرحبا بيه
سهيلة :يرحب بيك الجنة احبي
انا : يالاه نخليك دبا و شوفي عنداك لا ما تخرجي من الحسيمة حتا ل 12 ... شدو طريق مع 5 ديال الصباح باش توصلو بكري و نشبع منك راه توحشتك بزااااف
سهيلة : ااااه و حتا انا يالاه باي زين ديالي و سلميلي على خالتي فاطمة و عمي حسن
انا : مبلغ يالاه بسلامة
ودعتها و تخشيت فمانطي و نعست و كانحلم بالغد
أنت تقرأ
الحب دمرني ثم أحياني
Romanceهادي اول قصة غانكتبها كاتحكي على بنت دازت من معاناة كبيرة و كيفاش حتى تجاوزاتها و بدات حياة جديدة و على ذكر حياة جديدة اسم البطلة ديالنا حياة نخليكوم معاها ماتنساوش تصوتو ليا ارائكم كاتهمني سواء ايجابية اولا سلبية
