الحب دمرني ثم أحياني

الجزء الخامس

واحد النهار طرح عليا فكرة

مهدي : حيااة دبا نتي كاتحفظي بوحدك فالدار علاش ما دخليش معايا فالمجموعة ديالي و نبقاو نحفظوا كاملين فالدار ديالنا ... ااه و ختي عندها اجازة فالمات هيا غاتعاونا فيه

حياة : اااااه فكرة زوينة صافي واخا نقولها لواليديا ونرد عليك

شديت طريق ديال دارنا و انا كانختارع كذبة غانقولها لعائلتي باش يخليوني نمشي , ما هيا الى دقائق حتا وصلت للدار سلمت على ماما و بابا و طلعت لبيتي بدلت حوايجي و جيت كلست حداهوم كانتغدا و انا نطق

أنا : ماما بابا ... دبا انا كانحفظ بوحدي فالدار و كانمل بزاااف ... اش بان ليكوم نمشي نحفظ معا صاحبتي سناء فدارهوم منها نبدل مكان و الجو ديال الحفاظة و مانملشي دغيا

ماما : فكرة زوينة ابنتي اش بان ليك احسن ؟؟؟

بابا : متافق معاك ابنتي , تقدري تمشي عندها هاد العشية غير هيا ما تفاوتوش على الدار و واياكوم تلاهاو بالانترنت ديوها فقرايتكوم حتا نجي نديك فالليل صافي

أنا : لا لا بلاما تعذب راسك ابابا انا ماغانبقاش بزاااف عندها غير نراجعوا شوية ديالا لمات و نرجع للدار

بابا : ااه صافي حتا هادا نظر

ماما : الله يكمل عليك ابنتي و الله يبعد ولاد الحرام من طريقك

أنا : آميييييين يا ربي

هي هاديك مشيت جمعت كتوبتي و قاديت حالتي وصلات الربعة ديال العشية و خاصني نمشي , هبطت و ودعت ماما و شديت طريق الدار ديال مهدي ( و انا ما فخباريش بلي غادة للجحيم برجلي ) قلبي مقبوط عليا و حاسة بشي حاجة خايبة غاتجرا اليوم