الحب دمرني ثم أحياني

الجزء التاسع عشر

فقت على ايادي تدغدغني

انا :اميييييييين و صافي هانا نايضة

سهيلة : لاواه العربي انوضي راه انا ... سهيلة .. مامات رياض

انا :اويلي اش كاديري نتي هنا

سهيلة :بسم الله عليك احياة امالكي ههه ايوا يالالة قلتي لينا جيو... اجي ليوما خطوبتك و يالاه نايضة

انا : (عاااد رجعت لوعي و تلاحيت على سهيلة ) سهيلللللللة حبيييييبتي توحشتك توحشتك بزاااااااااااااااف قد هاكا ( واكانشرح ليها بيدي) كيف دايرا لاباس عليك ... كيف داير رياض زوين ديال خالتو

سهيلة : (ماعرفات باش تبلات كانت فوق ناموسية شوية فالارض) اهيا الصكعة غاتقتليني ههه حتا انا توحشتك احمقة ... و اي غابشويا على ولدي

انا : (كانبوس فكرشها و نضربها بشوية و نعاود نحط ودني عليها) شوفي الخوينز كايدوي معايا ... بلاتي بلاتي ... كايقولي مبروك اخالتي حياة ... ههه الله يبارك فيك ارياض .... الله شحال موحشاه

سهيلة : عههه حتا هو موحشك بزااااف .... ايوا الالة العروسة ايمتا غاتبقاي ناعسة ... نودي بدلي عليك و ضربي شيي تحميمة فاعلة تاركة ... انا نهبط عندي خالتي نعاونها و نتي نوضي ديري هادشي لي قلت

انا : (باقي فيا النعاس)مممم واخا

هبطات عند ماما كاتعاونها و انا دخلت لحمام مغربي وجداتوا ليا ماما خرجت و درت لكريمات و لبست بيجامتي و فولاري عاد هبطت لعندهوم , سلمت على ياسين راجل سهيلة و مشيت عند ماما

ماما : حمدتك يا ربي و شكرتك حتا طولتي فعمري باش نشوف بنيتي عروسة

انا : و الله يطول ليك فعمرك حتا تشوفي ولادي و ولاد ولادي

ماما و سهيلة : اميين

انا : ايوا اش وجدتوا الحادكات هه

ماما : هاهيا الحلوة ستفتها و باباك جابلي دجاج و لحم غير نتغداو و نوض نوجدوا

انا : صافي اماما

سهيلة : ايوا يالاه نمشيو عند هناء لكوافورة تصاوبليك

انا : ااه واخا غير نلبس و نلحق عليك