الحب دمرني ثم أحياني

الجزء الثالث و العشرون

بعد سنة كاملة

صونات عليا سناء و قاتلي نتلاقاو

انا :سناء ماموالفاش ليك .. اجي عينيك حمرين ياكما طاريا ليك شي حاجا... سناء جاوبي مالكي ساكتة

سناء :اهئ اهئ اهئ هاد الايام تدهورات الحالة الصحية ديال مهدي ولا كايتقيا الدم و شوية كايطيح عييت فيه يمشي للطبيب مهم بعدما ما مشى قاليه بلي مريض بسيدا

انا : (شديت على فمي و للحظة رجعات بيا الذاكرة للوراء-الدنيا دوارة امهدي و دبا تجي نوبتك سمعتي-)اشنو كاتقولي ما يمكنش اويلي مهدي فيه السيدا

سناء : اهئ اهئ و درت تحاليل و لقيت المرض نتقل ليا حتا انا ...و حتى التوأم ديالي(حيتاش حاملة بتوأم) اهئ اهئ نهار على نهار كانموت انا و ولادي

انا : و لكن منين جاب هاد المرض

سناء : (حدرات راسها) كان كايتفلى على الدريات ... كايمارس جنس غير شرعي

انا : (حليت فمي مابقيت سديتو)اشنوووووو؟؟

سناء :كيفما كاتسمعي .... احياة عاونيني مهدي بقات ليه نسبة قليلة من نجاة اما انا باقا بكثر من خمسين بالمية .. و قالي الطبيب حتا الى ولدتي ولادك غايموتوا من بعد الولادة بأيام اهئ اهئ اهئ ياربي اشنو دنبي حتا يطرا ليا هادشي و اشنو دنب هاد الارواح الصغيرة .. ياك اسيدي ربي عمري اذيت شي واحد

انا : قولي اعوذ بالله من الشيطان الرجيم لن يصيبنا الا ما كتب الله لنا ربي بلاك اسناء بهاد المشكل باش يشوف قمة صبرك و املك بالله سيري دبا صلي و دعي ربي و بداي من غدا العلاج لانتي لا مهدي و ما تخافيش المصروف على حسابي

سناء : اهئ اهئ الله يكثر خيرك اختي ... ماعرفتش اش كنت غاندير بلى بيك

من بعد اشهر

امين : حياة سربي راه غانتعطلو

انا : و صافي هاني جايا 

امين : مهم انا مشيت نجيب طونوبيل نجي نلقاك واجدة احياتي اوك

انا : اووك و دي معاك جاد (ولدنا )

من بعد ما جاب امين الطونوبيل شدينا الطريق لسبيطار لي فيه سناء 

انا : حبيبتي سناء كيف بقيتي شوية دبا

سناء : ااه اختي حياة الحمد لله صراحة ما عرفتش اش كنت غاندير بلا بيك

انا : هاد ما عرفتش اش كنت غاندير بلا بيك غاتبقاي تعاوديها كل مرة و صافي ياك كانقولك حنا خواتات و مابيناتناش

سناء : كانعاودها حيتاش ندير لي درت و ما نرضش ليك خيرك .. اجي بعدا فيناهوا جاد

انا : ااه جاد راه بقا معا باباه هاهوما شوية و غايجيو

بعد مدة

امين : سلااام ختي سناء كيف بقيتي

سناء : دبا الحمد لله

امين : الحمد لله .. مهم راني دويت معا الطبيب ديالك و قاليك تقدري تخرجي هاد السيمانة

سناء : بصح و اخيرا خبر زوين هدا (شدات فيدي ) صافي اختي حياة انا تشافيت و تعافيت من داك المرض

انا : (نزلو جوج دميعات من عيني دغيا مسحتهوم ) ااه اسناء صافي دبا غاترجعي لحياتك العادية

سناء : الحمد لله مي ما عمرني غانرجع نعيش حياتي كيف ما كانت من بعد الموت ديال مهدي الله يرحمو(ااه مهدي قضا عليه المرض و مات من بعد ما طلب مني السماحة على كاع لي دار فحقي هادشي كولو و مازال ما فخبارش سناء)

انا : الله يرحمو يالاه احبيبتي نخليك دبا و غدا نجي عندك باش تخرجي منهنا صافي

سناء : اووك حبيبتي بسلامة 

في الغد مشيت عند سناء و خرجتها من السبيطار و ديتها للدار عندي حيتاش قررت انها تبقى معايا بينما سهل عليها الله و تلقا شي خدمة

و كانت هادي هيا قصتي لي عطيتها عنوان الحب دمرني ثم احياني

دمرني مع مهدي

و احياني مع امين

نتمنى ان القصة تكون نالت اعجابكوم ما تبخلوش عليا و لو بتصويت و تعليق

كنحبكووووووووووم