I Married A Stranger (COMPLETED)

4

Aizen Santos

"I said smoothie not coffee." Sabi ko kay Alex nang ilapag nito ang tasa ng kape sa ibabaw ng mesa ko.

"Ma'am, coffee po ang sabi niyo."

Tumaas ang isang kilay ko, "No."

Tinaas nito ang kamay sa ere, "Promise ho, Ma'am, coffee po ang sabi niyo mamatay man po yung chismosang kapitbahay namin. Pero sige ho, Ma'am, pabibilhan ko po kayo ng mango flavored smoothie ngayon din now na."

"Better. Lalo akong ne-nerbyos-in sa kapeng 'yan." Saad ko sabay buklat ng folder na nasa mesa ko.

Tambak ako ng paper works dahil ilang weeks akong absent. Abala kasi ako noon sa pag-aayos ng kasal namin ni Kevin. I was very hands-on. I wanted every little details to be perfect.

I couldn't believe I wasted 6 years of my life for a cheater like him. These past few weeks hindi ko rin nakuhang mag-concentrate sa trabaho. Kusang pumapasok sa isip ko ang panloloko nito.

"Ah, Ma'am, okay lang po kayo?"

Nag-angat ako ng tingin kay Alex. Hindi pa rin pala ito umaalis. Nakatingin siya sa kamay kong mahigpit na nakahawak sa ballpen. Bumuntong hininga ako.

"Yeah..." Sagot ko sabay sandal sa swivel chair ko.

"Sigurado ho kayo? Napansin ko lang po kanina pa po kayo wala sa sarili. Hindi niyo po ako napansin sa elevator kanina, buti na lang po magkasabay tayo kung hindi lalagpas po kayo ng floor."

I really couldn't believe it. Hindi nawala sa isip ko ang ginawa ng lalaking 'yon.

Bumungisngis ito, "Kung gano'n din naman po ka-guwapo kay Mr. Sandoval ang hahalik sa akin baka po hindi ko rin matanggal sa isip ko at matulala rin ako. Nakatingin nga lang po ako sa kanya kanina tulaley na ako, paano pa po kaya kapag hinalikan niya ako katulad nang pag-halik niya sa inyo kanina? Baka po na-comatose ako!"

"Excuse me, I wasn't thinking about the kiss." Agad depensa ko.

"Talaga ho, Ma'am?" Binigyan niya ako ng makahulugang ngiti. "Ano pong iniisip niyo kanina habang nakakagat at hawak sa labi niyo?"

I glared at her. Should I really explain? Itinuro ko ang pinto nang hindi inaalis ang tingin sa kanya.

Humalakhak ito, "Sige ho, Ma'am. Tawagin niyo lang po ako kapag may kailangan po kayo." Muli itong ngumiti nang makahulugan bago tuluyang umalis.

Hindi ko alam kung paano nito nalaman na ikinasal ako sa lalaking 'yon. Sa malamang ay nakuwento sa kanya ni Lyn. Ang secretary ni Chantal na naging kaibigan niya na rin.

Mukhang kilalang kilala nito ang Sandoval na 'yon at hindi ito makapaniwala habang kino-confirm sa akin kung tatoo ang nasagap niyang balitang kinasal kami nito. I guess everyone knew him. Even Hailey couldn't believe it. Narinig ko tuloy ito sa isip ko.

"Duh! Hindi ka ba nagbabasa ng news or nagbabasa manlang ng mga business magazines, bal? Madalas kaya silang ma-feature sa magazines dahil sila lang naman ang pinaka mayamang angkan dito sa bansa and seriously, Kier Sandoval? Kier Sandoval lang naman yung nabinwit mo, bal! Siya lang naman ang oh so hot yummy na CEO ng pinaka malaking kompanya dito sa Pinas! You know what? Para kang wala sa business industry!"

At hindi ko na maalala pa ilang sinabi nito sa sobrang dami.

To be honest wala akong hilig magbasa ng magazines at manuod ng news. Wala rin akong hilig sa social media because I wanted to keep my life private.