Unicode (zawgyi below)
Lucas' POV
Jungwoo နားမှာကျွန်တော်အမြဲနေပြီး အားပေးလာခဲ့တာ (၁) လနီးပါးလောက်ရှိလာပြီဖြစ်သည်။ ကျွန်တော့်စိတ်တွေအရမ်းရှုပ်ထွေးပြီးပြာယာခတ်နေခဲ့တာလည်း (၁) လလောက်ရှိပြီဖြစ်သည်။ စာရွက်အထပ်ထပ်ကိုကြည့်ရင်း list တွေကိုကြည့်ရင်း ဖုန်းတွေတောက်လျှောက်ဆက်မေးနေတာတွေကလည်း နေ့ရက်မပြတ်ဘဲ (၁) လလောက်ရှိပြီဖြစ်သည်။ ဟုတ်နိုးနိုးနဲ့မျှော်လင့်ချက်အထပ်ထပ်တွေနဲ့ ဟိုဆေးရုံသွားလိုက် ဟိုဌာနသွားလိုက်နဲ့ မအားခဲ့ရတာကလည်း (၁) လလောက်ရှိပြီဖြစ်သည်။
ဖုန်းနံပါတ်တွေဗလပွဖြစ်နေတဲ့ စာရွက်တွေကို ကျွန်တော် အိပ်ရာပေါ်ကနေပြန်စုလိုက်ပြီး ခုံပေါ်ပြန်ပစ်တင်လိုက်သည်။
ဆေးရုံဖုန်းနံပါတ်တွေနဲ့ ကိုယ်အင်္ဂါအစိတ်အပိုင်းလှူဒါန်းရေးဌာနတွေရဲ့ဖုန်းနံပါတ်တိုင်းကို ကျွန်တော်နေ့တိုင်းဖုန်းဆက်ခေါ်ခဲ့ဖူးတယ်။
သူ့အတွက်မျက်ကြည်လွှာလေးများရမလားဆိုတဲ့ မျှော်လင့်ချက်တွေနဲ့။
သူမကြားနိုင်လောက်တဲ့နေရာကနေကျွန်တော်အမြဲဖုန်းဆက်ပြီးလိုက်စုံစမ်းနေခဲ့သလို..
သူ့ကိုခဏခဏထားသွားတယ်လို့သူထင်နေတဲ့အချိန်မှာ သူ့အတွက် မျက်ကြည်လွှာလေးရဖို့ ဆေးရုံတိုင်းကိုပြေးသွားနေရသလို လှူဒါန်းရေးဌာနတိုင်းကိုလည်းသွားနေရတာတွေ....
ကျွန်တော်ဇွဲကောင်းကောင်းနဲ့ရှာခဲ့ပေမယ့် "မရှိသေးပါဘူး" ဆိုတဲ့ တူညီတဲ့စကားလုံးတိုင်းကိုကျွန်တော်မကြားချင်တဲ့အဆုံးနားထောင်ခဲ့ရတယ်။
"ရရင်ကျွန်တော့်ကိုဆက်သွယ်ပါ" ဆိုတဲ့အမှာစကားနဲ့အတူကျွန်တော့်နာမည်နဲ့ဖုန်းနံပါတ်ကို ရောက်ရာနေရာတိုင်းကစာရွက်တိုင်းမှာချချရေးပေးခဲ့ရတာတွေ...
ကျွန်တော် သူ့ကိုဒီလိုဘဝမျိုးမှာမထားချင်တော့ဘူး...
"အချစ်မှာမျက်စိမရှိဘူး" လို့ပြောကြပေမယ့် နှလုံးသားမှာတော့မျက်စိရှိလို့ရတယ်မဟုတ်လား?
အမှောင်ကမ္ဘာထဲမှာ ခံစားချက်တွေနစ်မွန်းနေတဲ့ သူ့နှလုံးသားကို ကျွန်တော်ဆွဲထုတ်ပေးချင်လှပြီ။ ကျွန်တော့်ကိုချစ်တဲ့ သူ့ရဲ့အချစ်တွေကို သူ့နှလုံးသားကလွတ်လွတ်လပ်လပ်ခံစားပါစေ...
YOU ARE READING
Stephanotis
FanfictionThis fic is written in both Unicode and Zawgyi Unicode သစ္စာကင်းမဲ့ပြီး ချစ်ခြင်းတရားမစစ်မှန်တော့တဲ့ ဒီလောကထဲမှာ ကိုယ်က "သူ" ဆိုတဲ့ပညတ်ချက်ကြောင့်ချို့ယွင်းချက်တစ်ခုအနေနဲ့ရှင်သန်ခဲ့တယ်.... Zawgyi သစၥာကင္းမဲ့ၿပီး ခ်စ္ျခင္းတရားမစစ္မွန္ေတာ့တဲ့ ဒီေလာက...
