بقلمى هايدى محمد
ام رتيبه:: يابنى والله هترفعنا معاها
سامح::ياحجه لا يعنى لا وبعدين فى حد فى دماغى اصلا
ام رتيبه:: بميل على سامح قولى ياخويا مين دى واهلها مين ومعاهم ولا لا
سامح:: ياما دى واحده محترمه وظروفهم على قدهم ويكفى انها تعرف دينها
ام رتيبه:: ياخويا بلا نيله هانعمل بيها ايه دى احنا ناقصين فقر على فقرنا وتحط ايدها على بعض وعلى بطنها تسندهم
سامح:: ياامى الفلوس بتروح وتيجى لاكن الاحترام صعب
ام رتيبه:: ياخويا والله ماتنفع طول مانت كده
سامح:: وبعدين انا راجل ماقبلش قرش من مراتى
ام رتيبه:: وانا مش موافقه عليها
سامح:: ياامى ادعى انها توافق مش احنا
ام رتيبه:: يالهوى كمان ليه هناخد ملكه جمال الحاره 🙄
سامح:: بضحك ههههه لا ياامى هناخد واحده انا معجب بيها
_____________haydy__________
نرجع لريحانه وره شويه
تخرج ريحانه وممدوح لام رتيبه
ريحانه:: حقك عليا ياطنط معلش
ام رتيبه:: تزقها ابعدى عنى يابت انتى انا نقصه هم قال ايه عايزه تبعدنى عن ابنى وعايزانى استاذن فى بيتى كمان ورث ابوكى هو
ممدوح:: بوسى راسها يابنت ال....
ريحانه:: تبوس راسها معلش والله ماهعمل كده تانى
ممدوح:: خلاص ياما بقى
ام رتيبه:: علشان خاطرك يابنى والله
ريحانه:: ...... ممدوح:: شالله يخليكى ياما ليا
ام رتيبه:: اقوم اعملك ياحبيبى اكل تعوض حرقه الدم دى بدل مامراتك مش عايزه تتحرك
ممدوح:: ودى تيجى ياما قومى فزى ياريحانه حضرى فطار لينا وشوف امى عايزه تعمل غدا ايه
ريحانه:: حاضر تقوم تدخل المطبخ
ريحانه:: انا إللى جبته لنفسى وتبكى بحرقه على حظها على أن عروسه فى صباحيتها تنضرب وتقف فى المطبخ وتجهز الفطار
ام رتيبه:: قدام ابنها تعالى ياحبييتى يامرات ابنى اقعدى جانبى هنا
وفطروا وشالت ريحانه الفطار وغسلت الاطباق مكان الاكل وبدأت الناس تيجى تبارك للعروسين
خاله ممدوح وعمتوا وناس من الجيران
يدخل الكل وترحب ام رتيبه بيهم
ام رتيبه:: ياريحانه تعالى ياحبيبتى سلمى
تخرج ريحانه من اوضه نومها تسلم على الموجودين
ام رتيبه:: اقوم اجبلكوا حاجه تشربوها
ريحانه:: خليكى ياطنط
ام رتيبه:: تلول شفايفها من امتى ده خليكى ياختى
ريحانه تكتم غيظها فى نفسها
تخرج ام رتيبه المشروبات اتفضلوا معلش بقى حاجه كده على قدنا
اختها :: ليه ياختى هى العروسه ماجبتش حاجه ولا ايه
ام رتيبه:: ياختى يلا نيله خلينى ساكته والله علشان مندوح بس
عمت ممدوح:: يوه ايه ياختى انتى مش زاى العرايس ولا ايه
ريحانه:: تقوم تجرى وهى بتعيط تدخل اوضتها
ممدوح:: مالك فى ايه
ريحانه:: شايف طنط بتعمل ايه يعنى احنا مش جبنا المشروبات وخزين ليه بتقول ان احنا مش جبنا حاجه
ممدوح:: تلاقيها ماتقصدش
ريحانه:: ببكاء انا هتصل بابويا يجى ياخدنى
تدخل ام رتيبه:: ............
___________haydy________
نرجع للواقع
يعدى اليوم وتانى يوم همسه تقوم بدرى تصلى فرضها وتخرج
ام همسه:: صباح الخير يامغلبانى
همسه:: بهدوء عكس الطبيعى صباح النور
ام همسه:: قربت من همسه مالك ياحبيبتى فيكى ايه
همسه:: مافيش ليه يعنى
ام همسه:: مش عوايدك ياحبيبت امك
همسه:: معلش انا هنزل علشان ماتاخرش على الشيفت بتاعى سلام وخرجت
ام همسه:: وهى واقفه اقطع دراعى ان البت دى فيها حاجه
تنزل همسه وتروح للمستشفى
همسه:: صباح الخير ياجماعه
الكل باستغراب صباح النور
مياده::مالك ياسومه
همسه:: مافيش .......مياده:: لا فى مش من عوايدك يعنى الهدوء ده
همسه:: بعصبيه ياستى مافيش مصدعه شويه.......تنظر لبعيد شويه تلاقى الإنسان إللى قلبها دق له تفضل متنحه
سامح:: سلام عليكم
همسه:: عليكم السلام
سامح :: لو سمحتى ينفع ادخل لصاحبى
همسه:: اه اتفضل
ممكن كلمه على انفراد
همسه:: اوك
سامح......
تخلص حلقتنا رايكوا يهمنى
ان شاء الله تتعوض فى حلقه طويله بس تعبانه ارجو منكوا الدعاء ليا
أنت تقرأ
منوره ياحماتى
Short Storyكامله جميع الحقوق محفوظة للكاتبه هايدى محمد مش كل كلمه ذكر مكتوبه فى البطاقه تبقى حقيقيه لا خالص فى رجاله على الورق وعند مامته لسه طفل صغير كل شئ بموافقتها حتى خراب البيوت للاسف بقينا فى زمن عجيب فعلا المثل الا قال إللى يقول لمراته ياهانم الناس تقف...
