منوره ياحماتى

الحلقه9

بقلمى هايدى محمد
همسه:: تخرج
ام همسه:: تعالى يا روح امك سلمى على طنط وام احمد
همسه:: تسلم على ام رتيبه اهلا ياطنط
ام رتيبه:: وهى تحضنها وتخبط على ظهرها اهلا ياختى
وتسلم على ريحانه :: ماشاء الله عليكى ياعروسه قمر الله أكبر
ام رتيبه:: تعالى جانبى هنا ياحبيبتى
همسه:: حاضر ياطنط وقعدت جنبها
ام رتيبه:: وانتى ياختى وقعتى ابنى ازاى
ابو همسه يبص على ام همسه ويرجع تانى بعينه لام رتيبه :: وبعصبيه خفيفه والله ياحجه مالناش فى الكلام فلو انتوا ليكوا يبقى مش كل الناس زاى بعضها
سامح:: يحاول يلطف الجو امى مش تقصد
ريحانه::هى بتحب تهزر معلش ياعمو
ام رتيبه:: يوه ياخويا ماتاخذنيش
ابوهمسه:: ولا يهمك
ام رتيبه:: قوليلى ياحبيبتى صدرك ده نفخ ولا طبيعى
ابوهمسه:: بزهق لا بقى كده كتير يا حجه
سامح:: بعصبيه ايه ياامى الكلام ده
همسه:: وهى تضحك وتغمز لامها وتقول والله ياطنط لو حضرتك نفخ يبقى انا كمان وبعدين على مااذن ابن حضرتك شافنى قبل كده لو مش عجباه ماكنش جه ولو جايين تتفرجوا وتتكلموا كلام يقل من قيمتكوا يبقى اسفين العنوان غلط ولا كلامى غلط يااستاذ سامح
سامح:: الغضب يظهر على وشه ويوطى على امه ابوس ايدك ماتتكلميش تانى
ام رتيبه:: ياخويا دى قليله الادب
سامح:: بعصبيه وصوت واطى امممى
ام رتيبه:: بخوف حاضر
سامح:: انا اسف بس ياعمى حضرتك عارف ناس زمان وعلى العموم يشرفنا أن نناسب حضرتك وبنت حضرتك
ابو همسه:: والله يابنى انت انسان كويس بس عندك شقه
سامح:: ياعمى شقه والدى الله يرحمه موجوده وكبيره 4 غرف وصاله وحمام ومطبخ وامى هاتعيش معايا
ابوهمسه:: على العموم ادينا مهله نفكر ونرد عليك
سامح:: بس ياريت ماتتاخرش عليا فى الرد وانا جاهز لاى طلب تطلبه
ابو همسه:: سبها لله اسال عليك واشوف الدنيا فيها ايه والخير ربنا يقدمه
سامح:: ونعم بالله على العموم نستاذن احنا بقى
ام همسه:: لسه بدرى
ريحانه:: بجد اتشرفنا بمعرفتكوا ونتمنى نكون نسايب
ام همسه:: قولى يارب يابنتى 
الكل سلام عليكم
الكل عليكم السلام
مشي سامح وامه وريحانه
بعد مامشيوا ابو همسه ايه رايك ياام همسه انتى وام جميله
ام همسه:: بصراحه الراجل مايتعيبش وكويس بس
ام جميله:: واضح ان امه ارشانه
همسه:: هههههه على نفسها ياخالتوا ماتنسيش انى همسه
ام همسه:: يابنتى ده نسب العمر كله مش هزار
همسه:: بصراحه يا ماما انا شايفه انه كويس
ابو همسه:: شوفى يابنتى فى الاول والاخر القرار قرارك وصلى صلاه استخاره وربنا يقدم إللى فى الخير
همسه:: ان شاء الله يابابا
ام جميله:: بس يالهوى دى مش طايقه نفسها بلاش الجوازه دى يابنتى وعلى رأى المثل *الحما حما وأم الزوج عقربة سامة".*
ام همسه:: وهى بصراحه مارتحتلهاش
همسه:: هصلى واشوف وربنا يسهلها
***************
نرجع لسامح
سامح:: بقى كده ياامى
ام رتيبه:: كده ايه ياخويا بلاش اطمن
سامح:: فى حد يعمل كده
ريحانه:: ربنا يستر ويوافقوا
سامح:: والله بعد إللى امى عملته مش هايتفوا علينا
ام رتيبه:: خير وبركه ياخويا واجوزك ست ستها ستوته بنت اختى حبيبتى
سامح:: ستوته ايه وبتنجان ايه هى دى انسانه زاينا دى انسانه جاهله ومغروره وفاكره ان كل حاجه بالفلوس وغير كل ده اخلقها
ام رتيبه:: فااااااااشر دى ستوته ست البنات قمر 14 مش إللى بتقعولى فيهم انت واخوك كاتكم خيبه
سامح:: لو هاتفضلى على كده ياامى يبقى هاشوفلى شقه بره ومش هادخلك فى اى حاجه
ام رتيبه:: وعلى ايه انا مالى تاكلوا بعض
ريحانه:: طيب ياسامح هنزل هنا علشان اروح انا
سامح:: لا طبعا هوصلك وبعدين مايصحش تمشى لوحدك بليل
ام رتيبه:: ياخويا يلا نيله مين هايبصلها ده لو عفريت يتسرع منها
ريحانه:: ليه كده بس
ام رتيبه:: نعم ياختى انتى كمان
سامح:: ياامى خلاص بقى
ام رتيبه:: كل حاجه انا انا انا مش ه اتكلم تانى اهو
وصلوا تحت بيت ممدوح
ريحانه:: اتفضلوا معايا بقى نتعشا مع بعض
ام رتيبه:: بتوزعى من جيب ابوكى ده خير ابنى
سامح:: الله يخليكى ياام احمد ومره تانيه
ريحانه:: بس ياسامح والله ماينفع وغلاوه احمد لاتنزلوا بقى
ام رتيبه:: تلو شفايفها إللى يشوف كده يقول البت ايه الشيف الشرشريبى
سامح:: اسمه الشربينى
ام رتيبه:: اهو كلنا اسامى يلا ياخويا ننزل بيت ابنى
ونزلوا وطلعوا مع ريحانه
ام رتيبه:: انتى ياللى اسمك ريحه انتى مافيش ذوق حتى كوبايه مايه
سامح:: عيب كده ياامى ولنفسه خايف منك على إللى هاتيجى وتعيش معاكى بس ربنا يستر ويوافقوا
ريحانه:: معلش كنت بغير للولد
المهم ياسامح عروستك ماشاء الله قمر وباين عليها تعرف ربنا
ام رتيبه:: انتى هاتعملى نفسك ياختى من العيله وتتسايرى معانا قومى فزى جهزى العشا
سامح:: هى من العيله ياامى فعلا وبلاش الأسلوب ده علشان هى مش بترد تتعملى كده
ويعدى اليوم وفى يوم جديد
تليفون ريحانه يرن
ريحانه:: الو
ام ريحانه: : ايوه يابنتى عامله ايه
ريحانه:: اهى عيشه والسلام
ام ريحانه:: ليه كده يابنتى
ريحانه:: ليه علشان انتوا مش عاملنلى قيمه وسط اهل جوزى وهممكوا الناس وبس وانا اولع ليه كده كل حاجه عيشى عيالك وبيتك لا وانا فين فين كيانى وكرمتى واحترامى فين كل ده لما انضرب واتهان واتذل منه هو وامه وفى الاخر اجى اشتكى ليكوا علشان تقفوا جانبى تبعونى وتقولولى عيشى علشان ولادك وبيتك ابويا إللى المفروض سندى وظهرى بيكسرنى وسايب الكل يذلنى امى إللى تاخدنى فى حضنها وتقول ولادى ماحدش ياذيهم بتقولى وماله كلنا كنا كده وعمرى بيتك علشان فلانه وعلانه ماتشمتش فيكى انتوا ايه عايزين منى ايه انا مش عايزه حد انا هاعيش لولادى وهاعتبر كل إللى حوليا مات فاهمه مااات لانكوا بتموتونى انا وقفلت ريحانه وهى منهاره من العياط
ويعدى اسبوع على زياره سامح لهمسه
ابو همسه:: ياهمسه يابنتى تعالى عايزك
همسه:: تامر ياباشا
ابو همسه:: تعالى يامغلبانى صلتى
همسه:: ايوه يابابا
ابو همسه:: وحسه بايه
همسه:: مرتاحه يابابا من ناحيته
ابو همسه:: يعنى موافقه
همسه:: تحط وشها فى الأرض ويحمر خدودها
ابوهمسه:: يضحك ايه ده انتى زاى البنات بتنكسفى 🤔
همسه:: بس بقى يابابا
ابو همسه:: قام وحضنها والله وكبرتى ياهمسه بس لازم تعرفى انه عايش مع امه وممكن  يحصل مشاكل
همسه:: ماتخافش يابابا عليا ان شاء الله مش هاجيب مشاكل
ابو همسه:: يارب انا هتصل بيه علشان نحدد ميعاد لكتب الكتاب
همسه:: ايه ده كتب كتاب على طول
ابو همسه:: يابنتى خطوبه وداخل خارج كل شويه وليه كده احسن
ام همسه:: تزغرط لولولولولى الف نهار ابيض واخيرا هخلص منك
ابو همسه :: هشششششش بيرن اهو الو
سامح:: الو سلام عليكم
ابو همسه:: عليكم السلام ازايك يابنى
سامح:: الحمد لله ازاى حضرتك ياعمى
ابو همسه:: الحمد لله وانت والست الوالده وام احمد
سامح:: الكل بخير المهم ياعمى طمنى
ابو همسه::شوف يابنى قبل اى حاجه انا اتشرفت بمعرفتك وانت زاى ولادى بس
سامح:: يقطع كلامه طيب ياعمى ادينى فرصه تانيه طيب انتوا مش موافقين ليه
ابو همسه:: يابنى سبنى اخلص كلامى
سامح:: اتفضل
ابو همسه:: بس انا مش عندى خطوبه كتب كتاب على طول وبعد 4شهور الدخله موافق
سامح:: بفرحه موافق طبعا الف شكر ياعمى طيب انا هاجلكم النهارده علشان نتفق
ابو همسه:: بضحك يابنى انت واقع كده ليه
سامح:: لامؤخذه ياعمى اصل انا بحب بنتك
ابو همسه:: ماتلم نفسك ياخى الله
سامح:: معلش من الفرحه بقى
ابو همسه:: طيب يوم الخميس الساعه 7 هنستناكوا
سامح:: وانا لسه هستنا كل ده
ابو همسه:: لاحول ولا قوة الا بالله انت حالتك صعبه اووى يابنى
سامح:: معلش بقى يابو نسب
ابو همسه:: طيب يلا سلام
سامح: : سلام وخرج لام رتيبه ياامى
ام رتيبه:: خير يابنى فى ايه
سامح:: اخيرا وافقوا ياما وافقوا مش عارف ازغرط
ام رتيبه.........
تخلص حلقتنا رايكوا يهمنى