بقلمى هايدى محمد
ام رتيبه:: على العموم ماشى يابنى إللى انت عايزه ربنا يصلح الحال وخرجت وهى زعلانه
ام عبد الله:: انا هستاذن بقى ياحبيبتى وخليكى مع ولادك ام وصاحبه علشان مايكرهوكيش
ام رتيبه:: إللى ايده فى المايه مش زاى إللى ايده فى النار
ام عبدالله:: ربنا يهديكى لنفسك انا هامشى سلام عليكم
ام عدلات:: تعالى ياختى دى بتتكلم من فضا
ام رتيبه:: شورى عليا ياختى خلاص رايحين نحدد
ام عدلات:: اسمعى منى بقى علشان دى واضح انها مش ساهله إللى قولت عليه امشى عليه من اول يوم جواز معاها وبعد اسبوع مع ابنك ومع مراته فاهمه
ام رتيبه:: خلاص ياحبيبتى مافيش غير كده
والله كان نفسى يسمع كلامى بس يلا مش مشكله
ام عدلات:: خلاص اووعى تغلطى قدام عمامه او اخوكى فاهمه
ام رتيبه:: ماشى ياختى
ام عدلات: طيب انا هامشى سلام بقى
ام رتيبه:: مع السلامه
_ونزلت ام عدلات وهى بتكلم نفسها ياختى زعلانه على ايه دى عياله كلهم منصوفين وكمان تحت رجليها عينى عليا مع بنتى المايله وجوزها الموكوس يلا حظوظ امتى حظى ينعدل ويبقى زايها يلا اما اروح اشوف حد اقعد معاه مافيش غير ام فؤاد حتى اعرف اخبارها ومشيت
_نرجع لام رتيبه
سامح يلا ياامى قومى اجهزى علشان عمامى على وصول وعايزين نبقى جاهزين علشان مايزهقوش وكمان نروح فى ميعادنا
ام رتيبه:: ياخويا متسربع على ايه يعنى البرنسيسه هاتطير يعنى وبعدين ليه كتب كتاب على طول مستعجلينى ليه تلاقيها معيوبه وبيلزقوهالك مانت اهبل
سامح:: بزعيق عيب كده ياامى ليه تقولى كده على ولاد الناس ترضى حد يقول كده على رتيبه
ام رتيبه:: ونبى اقطع لسانه هو فى زاى رتيبه ولا فى زاى ادبها
سامح:: يبقى كمان ماتغلطيش فى حد ماتعرفوش علشان كده بتشيلى ذنب
ام رتيبه:: إللى يشوف كده يقول بغلط فى البخارى ياخويا
سامح:: مش هاتتغيرى ابدا يامى يلا بقى
ويخرج سامح يجهز وبعد فتره قصيره يرن جرس الباب يخرج سامح يفتح الباب رتيبه وهى تلوى شفايفها مبروك يا خويا
سامح:: الله يبارك فيكى فين جوزك
رتيبه:: جاى ورايا
سامح:: طيب ماشى هو انتى جايه معانا
رتيبه:: ايوه امال انت عايزنى ماجيش
سامح:: وهو يجز على اسنانه لا طبعا بس المفروض دى قاعده رجاله
رتيبه:: بزعل مصطنع خلاص ياخويا انت مش عايزنى معاك شكرا انا هامشى
سامح:: خلاص يارتيبه اقعدى بقى
_ ويرن الجرس عمام سامح وخاله وجوز رتيبه وممدوح دخل الجميع تخرج ام رتيبه تحى الجميع وينزلوا
فى بيت همسه تقعد همسه فى اوضتها وكلها قلق
تدخل صديقتها مياده ايه ياعروسه مالك
همسه:: قلقانه اووى علشان هاخد خطوه مع سامح قبل الاتفاق الاول
مياده:: طيب وايه يعنى هو لو بيحبك اكيد هايوافقك
همسه:: مش عارفه والله يامياده المهم البس ايه
مياده:: ينهارك انتى لسه ماعرفتيش هاتلبسى ايه
همسه:: عارفه يامياده على قد مافرحانه لان حلمت ان سامح يبقى من نصيبى على قد ماخايفه لان مامته صعبه اووى
مياده:: بضحك هههههههههه مين بيقول كده همسه انتى متاكده يابنتى هو فى حد بيقدر عليكى
همسه:: بجد مرعوبه ماقدرش عليها
مياده:: اممم اممم مش عارفه اقولك ايه بس إللى اقدر انصحك بيه اتعاملى معاها ببرود وبعدين لازم تحطى لنفسك حدود ولكل حاجه وتتفقى مع سامح على كده
همسه:: مانا قولت اقعد معاه علشان كده
مياده:: شوفى طريقته لو وافق على كلامك يبقى بيحبك وشاريكى
همسه:: ان شاء الله خير المهم ايه رايك اى دريس احلى
مياده:: ده عليكى تحفه
همسه:: ماشى اطلعى بره على مالبس
مياده:: اوك وخرجت
أنت تقرأ
منوره ياحماتى
Cerita Pendekكامله جميع الحقوق محفوظة للكاتبه هايدى محمد مش كل كلمه ذكر مكتوبه فى البطاقه تبقى حقيقيه لا خالص فى رجاله على الورق وعند مامته لسه طفل صغير كل شئ بموافقتها حتى خراب البيوت للاسف بقينا فى زمن عجيب فعلا المثل الا قال إللى يقول لمراته ياهانم الناس تقف...
