منوره ياحماتى

الحلقه2

بقلمى هايدى محمد
ياريت التعليقات بلاش لايك واجرى دى
سامح:: تصدقى انك مش محترمه ولو انك بنت كنت عرفتك نفسك
همسه:: تلوى شفايفها اخاف يعنى ولا اعمل ايه بت يامياده انتى وامال خافوا يلا معايا
سامح:: وهو يمسح على شعره استغفر الله العظيم يارب
همسه:: هاتمضى ولا انت جاى هنا تتوب
سامح:: انتى ايه ياست انتى
مياده:: بضحك هات ى الورق ده وروحى شوفى الدكتور
همسه:: وهى تنظر له بقرف ماشى اصلى خلاص معدتى وجعتنى
سامح:: دى بجد انسانه مستفزه
مياده:: سورى هى بتحب ترخم على الناس
سامح:: ماشى مش هنخلص بقى
مياده:: اتفضل
وبعد ما خلص مشى
سامح:: لنفسه غريبه بس فيها حاجه غريبه ومره واحده يخبط فى.....
همسه:: البعيد أعمى وتنظر له
سامح:: لا بجد كده كتير اووى انتى ايه عامله زاى عفريت العلبه
همسه:: ترفع اصبعها فى وجهه بقولك ايه الزم حدودك فاهم
سامح:: طيب خلاص بقى اسف انى خبطك
همسه:: كان لازم اهددك الاول
سامح:: بابتسامه تظهر وسامته معلش عالم تخاف بقى
همسه:: سرحت فى وسامته وابتسامته الجذابه وعيونه العسليه الامعه
سامح:: بصوت عالى انتى ياست انتى انتىىىىىى
همسه:: تفوق من شرودها ها فى ايه
سامح:: اوعى بقى خلينى اعدى
همسه:: حاضر اتفضل
مشى سامح وفضلت همسه متنحه ليه لحد ماختفا من قدمها
مياده:: انتى يابنتى ياهمسسسسسه
همسه:: بهيامان نعم
مياده:: نعم ايه يابنتى انتى فين كده
همسه:: يالهوى على عيونه يخربيت حلاوته
مياده:: مين ده ها
همسه:: تفوق ها امشى ابت من هنا
مياده:: بجد مين ده
همسه:: ها مافيش حد وبعدين خليكى فى حالك بقى
مياده:: تغمز لها براحتك بكره هاتجيلى تحكيلى وقتها هاقولك مش عايزه
همسه:: تخبطها طيب يلا علشان الدكتور
مايزعقش يلا
مياده:: يلا
__________haydy__________
نرجع لورا شويه عند ريحانه وهى سرحانه
اعطيته ظهرها ونامت
ممدوح:: يعنى مافيش دخله
ريحانه:: ببكاء لا فى شاى تحب اجبلك
ممدوح:: لا ياختى اتخمدى وخبطها باللحاف ونام وهو يستشيط غيظ

الساعه 6 ص
ام رتيبه:: تخبط على الباب يامندوح انت يا ولا واد يامندوح قوم يا قلب امك
ريحانه:: قوم ياممدوح قوم يا عريس كلم امك
ممدوح:: فى ايه على الصبح
ريحانه:: وانا اعرف منين ياخويا
ام رتيبه:: قوم يابنى ولا الحربايه مش عايزه
ممدوح:: يفتح الباب نعم ياامى
ام رتيبه:: قوم يابنى علشان تفطر ياحبيب امك
ممدوح:: بصوت واطى  وقرب من امه ياما هدخل بس علشان لو حد من اهلها جه يقول عليا ايه وبعد كده افطر
ام رتيبه:: وهى تلوى شفايفها طيب يابنى ماشى ونبى مش عارفه متسربع على ايه ولنفسها ولا هايجيلك نفس من ناحيتها ازاى دى يلا طيب يا عين امك ارفع راسنا
ممدوح:: انتى عارفه ابنك راجل يلا دعواتك بقى
بعد حوالى ساعتان
ام رتيبه:: لنفسها يوه الواد اتأخر ليه كده اما اقوم اطمن عليه مصيبه لاتكون مش بنت 😏لالا انا قلبى اتوغوش وقامت تخبط على باب الغرفه يامندوح يابنى عملت ايه
خرج ممدوح وابتسامه تعلو شفاتيه الحمد الله ياما
ام رتيبه:: بزغاريط لولولولى الف مبروك الف نهار ابيض ايوه كده رفعت رأس امك ياحبيبى وتحضنه والله وكبرت يامندوح وبقيت راجل اوعى كده بقى ابارك لريحه اللى جوه دى
ممدوح:: ياما بس استنى تلبس
ام رتيبه:: تقف وتنح لابنها يعنى انت خايف على مراتك منى وتعمل انها تعيط ماكنش العش يابن بطنى
ممدوح:: بحيره لالا خلاص ياما والله ماقصدش ادخلى
تدخل ام رتيبه:: مبروك ياريحه
ريحانه:: بخضه وتغطى جسمها  ايه ياطنط الله يبارك فيكى بس مايصحش تدخلى عليا كده
ام رتيبه:: تشهق انتى بتكروشينى من اوضه ابنى مش بعيد تقولى ده بيتك وتمشينى منه شايف ياسى ممدوح على اخر الزمن انكرش من بيتى
ممدوح:: بعصبيه انتى اتهبلتى ولا ايه دى امى وتدخل زاى ماتحب
ريحانه:: لا معلش مش بس مايصحش تدخل كده عليا
ام رتيبه:: خلاص يابنى وتمثل انها بتعيط ا هئ ا هئ ا هئ خلاص انا مش هد خل تانى هنا ولو مراتك مش عايزه تخلينى هنا امشى يابنى انا اسفه ليكوا
ممدوح:: بعصبيه يابنت ال......ومسكها من شعرها قومى اتاسفى لامى وحسك عينك تزعليها تانى انا بقولك اهوه ياما تروحى لأهلك
ريحانه:: ببكاء  لالا خلاص حاضر (لنفسها لو روحت الناس هاتقول عليا فيا حاجه يارب)
ممدوح:: وحيات امى لو فكرتى ماهتعرفى إللى هاعمله
ريحانه:: حاضر حاضر
_____________haydy________
نرجع للواقع
ام رتيبه:: اما اخرج اشوف ام عدلات مش عارفه اعمل ايه فى الوليه دى صح البت رتيبه بقالها يومين اتصل بيها وبعد كده ابقى اشوف الوليه ام عدلات
ومسكت تلفون واتصلت على رتيبه
ام رتيبه:: ازايك يا عين امك
رتيبه:: ازايك ياما عامله ايه
ام رتيبه:: بخير ياحبيبتى وانتى عامله ايه
رتيبه:: انا والله الحمد لله الواد تاعبنى ولسه صاحيه
ام رتيبه:: قلب امك ياحبيبتى براحتك ياختى وجوزك عامل ايه
رتيبه:: الحمد لله ياما والله لما لاقانى  تعبانه حضرلى الفطار ياما والله وقومنى اكل
ام رتيبه:: وماله ياختى مش انتى مراته برضوا اسكتى والله يابت دامى محروق من الموكوس  مند وح
رتيبه:: ماله ياما
ام رتيبه:: الموكوس ياختى اخوكى قال ايه سايب الهانم تنام وتقوم الظهر وايه كمان بيقوم يجهز لنفسه الفطار والهانم مرتاحه
رتيبه:: اصل ابنك مش راجل ياما وانا قولت كده من زمان اه صح احنا هنيجى نتغدا بكره عندك ابقى قولى لممدوح بقى علشان نتجمع
ام رتيبه:: وهاقول لمراته علشان تيجى ياختى تحضر الاكل
رتيبه:: ايوه اصل انا تعبانه
ام رتيبه:: طيب سلام بقى علشان اكلم مندوح .....وقفلت معاه امم طيب اقول ايه علشان انكد على اللى ماتتسمى دى
يقطع تفكرها دخول سامح ....السلام عليكم
ام رتيبه:: عليكم السلام يا عين امك
سامح:: اما عامله ايه
ام رتيبه:: الحمد لله ياضنايا والله وبخير طول مانت واخواتك بخير صح ياولا عايزه افرح بيك زاى اخواتك
سامح:: ان شاء الله
ام رتيبه:: طيب تعالى ياحبيبى جانبى هنا
جلس بجانبها سامح على الاريكه ايه ياما
ام رتيبه:: ايه رايك ياضنايا فى البت فتكات بنت خالتك بت عسل ومعاها فلوس ورث ابوها وشقه
سامح:: فتكات ايه دى ياما وبعدين انتى شوفتى لبسها عامل ازاى ولا طريقه كلامها ياما دى ماتنفعنيش
ام رتيبه:: ياواد دى على قدنا وبتحبك ياولا
سامح:: بس هى مش فى دماغى ياما وانا فى واحده تانيه تانيه فى دماغ
ام رتيبه:: بخضه وتضرب على صدرها ايه ياخويا مين دى كمان
سامح:: مش وقته ياما
ام رتيبه::.........
وتخلص حلقتنا رايكوا يهمنى وتوقعاتكم