بقلمى هايدى محمد
ام رتيبه:: وانا مش موافقه على البت دى
سامح::يعنى ايه
ام رتيبه:: يعنى يانا ياهيا ووقت ما نتجوزها اعمل حسابك انى هابقى غضبانه عليك
سامح:: يعنى هى كده على العموم ياامى انا هتجوز همسه واللى انتى عيزاه اعملى انا مش عيل علشان تتعملى كده على العموم لو حبه تحضرى معايا بكره يبقى فرحتى كملت مش حبه دى ترجعلك وعلى العموم انا هدور على شقه تانيه بدل مانتى كره عيشت همسه بعد اذنك وسبها ودخل اوضته
ام رتيبه:: اه يافرستى منك يابن.... انا ه اقوم انزل اقعد مع ام عدلات علشان حسه هايجرالى حاجه......ونزلت وراحت قعدت على الرصيف جانب ام رتيبه
ام عدلات:: مالك ياحبيبتى فى ايه
ام رتيبه:: اسكتى ياختى الواد سامح مجننى ياختى
ام عدلات:: خير ياحبيبتى
ام رتيبه::قولت له يانا يامقصوفه الرقبه الى عايز يتجوزها يقولى لا هاتجوزها واخد شقه بره
ام عدلات:: يالهوى ياختى وانتى هاتسبيه للحربايه دى
ام رتيبه:: اعمل ايه ياختى طيب دلينى وانا اعمل
ام عدلات:: طيب هاقولك ياختى واسمعى منى للاخر ووقتها هاتكسبى ابنك وتجيبى الحربايه دى تحت رجلك
ام رتيبه:: وهى بتعدل نفسها قوليلى يا حبيبتى انا اختك وانتى عارفه انى غلبانه ماعرفش حاجه من الكيد والكلام ده
ام عدلات:: طيب شوفى ياحبيبتى هاتى ودنك كده واسمعى وركزى معايا فى كل كلمه علشان لو حصل غلطه يبقى هى هاتنتصر علينا
ام رتيبه:: ماتقولى ياختى هو احنا هنحارب
ام عدلات: : شوفى بقى.............
ام رتيبه:: 😳😳😳😳يالهوى ياوليه ده برضوا ابنى
ام عدلات:: انتى حره مش هى جامده يبقى لازم تكسريها
ام رتيبه:: بس ياختى اخاف لايعرفوا
ام عدلات:: لالا اعملى إللى قولت عليه
ام رتيبه:: بقلق ربنا يستر ماشى
ام فؤاد:: السلام عليكم
ام رتيبه.وام عدلات:: عليكم السلام يام فؤاد فينك ياختى بقالك فتره مش ظاهره ليه
ام فؤاد:: اتخرى ياام رتيبه شويه ياختى
ام رتيبه:: تعالى ياختى واحكيلى مرات ابنك عامله ايه معاكى
ام فؤاد:: اسكتى ياختى ونبى علشان خلاص هتشل منها قويه ومفتريه
ام عدلات:: يالهوى ليه ياختى
ام فؤاد:: بقالها سنتين جواز ومجننانى والله ياام عدلات بعملها بما يرضى الله وانتى عارفه انى مش عندى بنت وبعاملها على انها بنتى
ام رتيبه:: ازاى ياختى
ام فؤاد::ياختى اول اسبوع جواز ده بقيت اعمل لها الاكل وقولت لها ماتخليش امك تتعب وتجيب وانا اقرب ليكوا وفعلا كل يوم اعمل الاكل واطلعوا لها وبعد كده ابنى نزل الشغل واتفقنا ان الاكل ها يبقى معايا انا وابوه بقيت اعمل الاكل والله يا م رتيبه وهى تنزل اقبل ابنى مايجى بربع ساعه اكون انا خلصت كل حاجه وهى تنزل تمسك التليفون اول ماتلاقى ابنى داخل تقوم تقف تعمل انها بتعمل معايا المهم تفضل تقوله والله تعبت ومش قادره وظهرى والعمايل لافيته بعد شهر بيقولى ياامى ابقى ساعدى سعديه علشان بتتعب من شغل البيت
قولتله يابنى شغل بيت ايه انا اللى بعمل الاكل وبعد مابتطلع بقوم اغسل المواعين وانظف الشقه
لاقيته بيقولى لا اصلها بتقول ان هيا إللى بتعمل كده
قولت له يابنى والله محصل حتى نادى عليها وبعد مانزلت بيقولها امى بتقول انك مابتعمليش حاجه
سعديه:: انتى ست كذابه انتى علشان تخلى يتخانق معايا تقولى كده ليه ياشيخه حرام عليكى انتى ست كبيره والمفروض تقولى الحق
ام فؤاد:: انا يابنتى الله يسمحك ويهديلك حالك
سعديه:: ايوه ايوه اعملى الشويه بتوعك على العموم بقولك ايه يافؤاد انا مش قاعده هنا تانى ياكده يااعزل وابقى فى بيتى وكل واحد يعمل لنفسه
ام فؤاد:: يابنى انا مش عايزه حد ينزل عندى وانا وأبوك هناكل لوحدنا وخد مراتك واطلعوا
سعدبه::ايوه لازم تعملى كده انا فهماكى وعارفه الحركات دى كويس اووى بس مش معايا
ام فؤاد:: ربنا يقدرك يابنت
والله ياام عدلات من وقتها وهى مابتكلمنيش ووقت ماولدت وطلعت لها فضلت تتريق عليا هى واختها زعلت ونزلت ومن وقتها ماليش دعوه بيها
ام عدلات: :ياختى وانتى ليه تسكتى ليها ماجبتهاش من شعرها ليه
ام فؤاد:: لاياختى كل واحد بيعمل باصله وكمان مش عايزه انكد على ابنى مانا لو نكدت عليها هتنكد على ابنى يلا كله عند ربنا
ام رتيبه:: ياختى والله لو مكانك لاكنت علمتها الأدب بس انتى ياختى هبله دى جامده وعايز ه واحده جامده زايها
ام فؤاد:: ربنا يهدى انا هاقوم علشان ابو فؤاد جه سلام بقى
الاتنين:: سلام
ام عدلات:: خلاص ياام رتيبه
ام رتيبه:: هاروح اجيب وهعمل كده يلا سلام وبعد شويه طلعت على الشقه
سامح:: ايه ياامى هاتيجى معايا ولالا
ام رتيبه:: بتمثيل اعمل ايه يابنى مانا مش هاخسرك إللى انت عايزه ماشى بس هات فضل معايا صح
سامح:: بفرحه ايوه طبعا بكره الساعه7 هنروح انا هكلم ممدوح ومحمد جوز رتيبه وعمامى وخالى علشان قعده رجاله
ام رتيبه:: ربنا يكتبلك الخير يابنى والف مبروك
سامح:: طيب انا نازل سلام
تقعد ام رتيبه على الكرسى وتربع رجليها وتمسك التليفون وتتصل برتيبه
رتيبه:: الو
ام رتيبه:: الو يارتيبه شوفت ى ياختى إللى حصل من اخوكى ايه
رتيبه:: حصل ايه ياما
ام رتيبه:: عايز برضوا مقصوفه الرقبه بعد اللى قولتيلى اقوله ده
رتيبه:: وبعدين هاتعملى ايه
ام رتيبه:: مافيش غير انى وافقت وام عدلات قالتلى على خطه وهعملها بعد مايتجوزوا
رتيبه:: خطه ايه هيا احكيلى
ام رتيبه........
تخلص حلقتنا اسفه الحلقه قصيره اوووى بس هعوضها ان شاء الله دعواتكوا ليا لانى محتاجه الدعا اوووى
أنت تقرأ
منوره ياحماتى
Short Storyكامله جميع الحقوق محفوظة للكاتبه هايدى محمد مش كل كلمه ذكر مكتوبه فى البطاقه تبقى حقيقيه لا خالص فى رجاله على الورق وعند مامته لسه طفل صغير كل شئ بموافقتها حتى خراب البيوت للاسف بقينا فى زمن عجيب فعلا المثل الا قال إللى يقول لمراته ياهانم الناس تقف...
