منوره ياحماتى

الحلقه4

بقلمى هايدى محمد
سامح:: لو سمحتى ياانسه ممكن كلمه على انفراد
همسه:: خير يااستاذ
سامح:: هو حضرتك مرتبطة
همسه:: ماتتلم ياعم هو انت ايه جاى تشقط من هنا ولا ايه
سامح:: لالا فهمتى غلط انا عايز ارتبط بيكى
همسه:: تانى ياعم تصدق انى انا اللى استاهل انى بحترمك وانت مهزق
سامح:: ياستى احترمى نفسك بقى انا عايز اتجوزك انتى ايه لسانك ده
همسه:: وشها يحمر وتنكسف وتنزل راسها للارض
سامح:: ايه ده انتى زاى البنات اهو وبتنكسفى
همسه:: بعد اذنك
سامح:: خدى بس عايز رقم باباكى
همسه:: اه حاضر 011
سامح:: ماشى ياعروستى ويغمز لها
همسه:: فضلت تروح يمين وشمال وفى الاخر جريت من قدامه
سامح:: هبله اقسم بالله بس فيها برائه وحاجه كده شدانى ودعك راسه من الخلف ومشى
__________haydy___________
ام رتيبه:: يوه يادى النيله نسيت اكلم مندوح
علشان يجيب المحروسه النهارده بدرى النهارده يلا مش مشكله لسه الساعه8.5 اتصل بيه بقى ومسكت الفون واتصلت
ممدوح:: الو ازايك ياما
ام رتيبه:: ازايك انت ياضنايا بقى كده ماتسالش عليا هونت عليك
ممدوح:: معلش ياما انتى عارفه الشغل
ام رتيبه:: الشغل برضوا ولا المضروبه بتاعتك
ممدوح:: لا والله ياما
ام رتيبه:: طيب بقولك ايه خليها تجيلى دلوقتي علشان نتغدا كلنا واختك وجوزها جايين ومش قادره اعمل الاكل لوحدى يابنى انت عارف انى تعبانه
ممدوح:: هاشوفها ياما صاحيه ولا نايمه
ام رتيبه:: يالهوى ياواد يامندوح نايمه تمصمص وتلوى شفايفها على رأى المثل اللي تنام ليلها وضحاها العيشه ارحم بلاها
ممدوح:: ياما العيال تعبنها
ام رتيبه:: عينى عليا وانا عندى 16 سنه اتجوزت وجبتكوا فى رجليا واصحى من فجر ربنا احضر فطار وانضف واحمى واكل واعمل غدا واروح لحماتى بس يلا كله عند ربنا المهم هتجبها ولا هى هاتمشى كلمتها مانا عارفه انك دلدول
ممدوح:: ليه كده ياما بس دى ريحانه كويسه
ام رتيبه:: اه منا عارفه طيب يلا ياخويا شوف الهانم بتاعتك وعرفنى سلام
قفلت مع ممدوح
*********
ممدوح:: يمسك هاتفه ويتصل على ريحانه
ريحانه:: بنوم الو
ممدوح:: الو ايه انتى لسه نايمه
ريحانه:: ايوه عايز حاجه
ممدوح:: اه قومى البسى وانزلى لامى دلوقتى حالا علشان هنتغدا هناك وتسعديها
ريحانه:: يعنى احنا معزومين وانا إللى اعمل
ممدوح:: بعصبيه اصتبحى على الصبح وكلامى يتنفذ
ريحانه::بغيظ حاضر هفطر وانزل سلام وقفلت قبل مايتكلم يعنى اعمل فى الوليه دى ايه سبتها وهى ورايا ورايا اووووف
وتنام تانى

__بعد نص ساعه __

ام رتيبه:: تتصل بريحانه 
ريحانه:: بنوم الو
ام رتيبه:: الو انتى لسه نايمه ياختى
ريحانه::لا ياطنط بس بفطر وجايه
ام رتيبه:: اممم واحنا مافيش عندنا فطار ولا ايه اه نسيت ان احنا مش قد المقام 
ريحانه:: انا هنزل اهو ياطنط سلام
ام رتيبه:: سلام ياختى

__ام رتيبه::قليله الاصل فاكره أن مافيش عندنا اكل صحيح ما هى وأكله الواد فى كرشها حار ونار اتعب واشقى فى تعبهم وهى تيجى تاخد على الجاهز صحيح ربى ياخايبه للغايبه😏

ام عدلات:: من تحت البلاكونه بصوت عالى يااام رتيبه ياااام رتيبيه
ام رتيبه:: تبص عليها ايوه ياحبيبتى اطلعى
ام عدلات:: ماتنزلى شويه ياختى نقعد هنا شويه
ام رتيبه:: لا تعالى نشرب قهوه يلا بس اطلعى
ام عدلات:: ماشى .....طلعت ام عدلات وفتحت لها ام رتيبه
ام رتيبه:: خشى ياحبيبتى بيتك ومطرحك
ام عدلات:: اللهم صلى وسلم وبارك على محمد الله أكبر دخلت عليكى بالصلاه على النبى
ام رتيبه:: اللهم صلى عليك ياحبيبى تعالى ياحبيبتى هاعمل القهوه قبل مامرات مند وح تيجى
ام عدلات:: يوه يوه يوه مرات مندوح هاتيجى ليه خير
ام رتيبه:: اصل البت رتيبه جايه هى وجوزها يتغدوا ونفسها تشوف اخوها وقولت اخليه يجبلى الزفته دى تساعدنى
ام عدلات:: ياختى ماقولتليش ليه وانا اجى اساعدك والله يا ام رتيبه ياختى مش عارفه مندوح بيحبها على ايه دى رافعه مناخرها فى السما وتبقى ماشيه تقول مافيش غيرى
ام رتيبه:: ياختى عارفه قطيعه يلا ياكش تولع ياختى دى واكلاه الواد يا عين امه خس وعدم بتاكل وماتعملش حسابه يلا بدل ماهو راضى المهم ياختى عدلات عامله ايه مع جوزها 
ام عدلات:: اسكتى ياختى ده جوزها وحمتها منهم لله
ام رتيبة::ليه كده ياختى
ام عدلات:: والله ياختى الواد بتاع امه وهى الوليه إللى ممشياه
ام رتيبه:: تخبط على صدرها قطيعه وفى رجاله كده دلوقتى على كده احنا مش حموات يا م عدلات ياحبيبتى
ام عدلات:: اه والله يا م رتيبه
يقطع كلامهم خبط على الباب
ام رتيبه:: بصوت واطى تلاقيها المخفيه إللى تتخفى
ام عدلات:: قومى ياختى دى هتكسر الباب
ام رتيبه:: ايوه جايه يوه اطرشيت بقول جايه......وتفتح الباب اهلا بحبايب ستهم
ريحانه:: ازايك ياطنط
ام رتيبه:: نتكلم من تحت الدرس اهلا ياريحه
ريحانه:: اسمى ريحانه
ام رتيبه:: ياختى كلها روايح ادخلى سلمى على خالتك ام عدلات
ريحانه:: لنفسها اوووف بقى كملت.....ودخلت ازيك ياطنط
ام عدلات:: ازيك يا حبيبتى لسه بشكر فيك حالا حتى اسالى حماتك
ريحانه:: انتى هاتقوليلى انا عارفه ياطنط هى عشره يوم انتى ناسيه انى عشرتكوا 7سنين
ام رتيبه:: انتى ايه ياختى هاترغى خشى يلا على المطبخ انا جبت كرومبه وبتنجان وكوسه واعملى مكرونه بشامل وملوخيه وبطه وفرختين يلا على مااقور انا وام عدلات البتنجان تكونى جهزتى الحاجه واعملى شاى ليا انا وخالتك
ريحانه:: بعصبيه حاضر ولنفسها خالتى منين دى كمان نقصاها انا اووف اووى على دى عيله زباله
ام رتيبه:: من الخارج ياريحه ابقى اعملى صنيه بسبوسه وجلاش بقى حلو واى عصير علشان رتيبه وجوزها واخواتها
ريحانه:: يقطع ريحه على اليوم الاسود إللى عرفتكوا فى
ام عدلات شوفتى ياختى بتسلم من غير نفس شكلها ماكنتش عايزه تيجى
ام رتيبه:: استنى عليا بس والله لانكد عليها
وتخلص حلقتنا معلش عندى ظروف اليومين دول اعذروني فى نزول القصه متاخر