بقلمى هايدى محمد
ريحانه:: بتتكلم جد يسامح
سامح::ايوه ياريحانه هاتمشوا ويبقى ليكى مملكتك الخاصه بيكى انتى وجوزك وولادك وده حقك يااختى
ام رتيبه:: لا طبعا ابنى مايبعدش عن حضنى ابدا
سامح:: ليه هو لسه بيرضع على العموم بكره هجيب خالى وعمامى ونشوف الوضع ده ازاى اصلا يتجوز ومراته تفضل معايا فى البيت وانا لسه ماتجوزتش وبعدين هو رسولنا قال كده*حدثنا قتيبة حدثنا الليث عن يزيد بن أبي حبيب عن أبي الخير عن عقبة بن عامر أن رسول الله صلى الله عليه وسلم قال إياكم والدخول على النساء فقال رجل من الأنصار يا رسول الله أفرأيت الحمو قال الحمو الموت قال وفي الباب عن عمر وجابر وعمرو بن العاص قال أبو عيسى حديث عقبة بن عامر حديث حسن صحيح وإنما معنى كراهية الدخول على النساء على نحو ما روي عن النبي صلى الله عليه وسلم قال لا يخلون رجل بامرأة إلا كان ثالثهما الشيطان ومعنى قوله الحمو يقال هو أخو الزوج كأنه كره له أن يخلو بها.
تحقيق الألباني:
ولا انتوا عايزين ايه تانى يعنى ماينفعش تبقى هى هنا
ممدوح:: يعنى انت هاتبص على مراتى
سامح:: هى اختى بس ده كلام رسولنا
ممدوح:: والحديث ضعيف
سامح:: انا مش بتكلم ضعيف او قوى بس فعلا لا يوجد مكان فيه رجل وامرأة الا اجتمع الشيطان حتى يغريهم وبعدين كمان علشان الخناق والمشاكل وياعم ابقى هات مراتك يومين فى الاسبوع
ام رتيبه:: انتوا خلاص عدمتونى علشان تقرروا من غيرى
سامح:: ياامى ده الصح رتيب ه احنا رفضنا تعيش مع حمتها علشان المشاكل
ام رتيبه:: تعمل انها تعيط واهون عليك يابنى كده دى هيا إللى بتساعدنى
سامح:: بمكر هى مش كانت بتقوم على الاكل وانتى مابتعمليش حاجه
ام رتيبه:: بس كانت بتونسنى
سامح:: بابتسامه خبث اممم مش انتى مش بتطيقها انا قولت كلمتى وانتوا احرار سلام عليكم
ويمشى سامح وتدخل ريحانه اوضتها ويفضل ممدوح وام رتيبه
ريحانه:: تمسك تليفونها وتتصل على امها
الو
ام ريحانه:: ايوه يابنتى
ريحانه:: شوفتى اللى حصل
ام ريحانه:: خير يابنتى
ريحانه:: مش كنت جايه واتخنقت مع البومه إللى بره
ام ريحانه:: بت ياريحانه ابوكى قلهالك قبل كده مافيش عندنا طلاق وتعيشى وتلايمى دورك ايوووه
ريحانه:: انتوا لما صدقتوا ترمونى
ام ريحانه:: يابنتى انتى عارفه ان احنا فلاحين وعيب فى حقنا ينتنا تطلق يالهوى يابنتى الناس تاكل وشنا
ريحانه:: يعنى ينفع الذل والبهدله دى
ام ريحانه:: علشان انتى هبله مش عارفه تلايمى دورك وتكسبى حماتك وابنها
ريحانه:: اعملها ايه تبقى كويسه ساعه بنتها وام زفت عدلات تدخل من هنا تنقلب من هنا منهم لله
ام ريحانه:: يابنتى عيشى وانتى عارفه الناس مش بتسيب حد فى حاله
ريحانه:: اروح فين بس يارب لااهل بينصفونى ولاجوز ينشد بيه الظهر ولا حد خالص حظى قليل اووى ليه كده بس الحمد لله يلا سلام ياماما وتقفل وتفضل تعيط
يعنى اهلى رامونى وجوزى ابن امه وحماتى مطلعه عينى طيب اعمل ايه انتحر واريح نفسى طيب وولادى اسبهم لمين لاهلى إللى مش حاملين بنتهم علشان يحملوا ولادى ولا ستهم إللى تطيق العما وماتطقنيش ولا جوزى يارب انت إللى عالم بيا
وتعدى يومين
فى العصر يرجع سامح من شغله يلاقى ام رتيبه قاعده هى وسامح يتفرجوا على التليفزيون وريحانه فى المطبخ
سامح:: السلام عليكم
الكل:: عليكم السلام
سامح:: فين ريحانه
ممدوح:: فى المطبخ
سامح:: ريحانه ياريحانه
ريحانه:: وهى ممسكه بفوطه المطبخ وتمسح ايدها نعم ياسامح
سامح:: عندى ليكوا خبر حلو
ام رتيبه:: ايه وافقت على جوازك من بنت خالتك
سامح:: بقرف لا طبعا جمعت لكم شقه بعدينا بحوالى ربع ساعه وايجارها بسيط جدا
ام رتيبه:: وانا ابنى مش هاييبعد عنى
سامح:: وانت ايه رايك فى الكلام ده ياممدوح
ممدوح:: إللى تشوفه امى
سامح:: خلاص تمام وسبهم ونزل
وبعد ربع ساعه رجع ومعاه اعمامه وخاله ودخل
الكل السلام عليكم
ممدوح وام رتيبه:: عليكم السلام
سامح:: اتفضلوا ياجماعه .....وبعد الترحيب
سامح:: انا طلبت منكوا تيجوا علشان دلوقتي ما ينفعش ممدوح يقعد هو ومراته معانا انا مش صغير وعايز اخد رحتى ومراته كمان وجمعتلهم شقه ايجار قديم وامى رافضه ده غير المشاكل بتاعت امى مع مراته عايز رايكوا وطبعا رايكوا سيف وامى مش هاتقدر تكسر كلمه ليكوا
خاله:: والله يابنى عندك حق وبعدين البنت عايزه تقعد تلبس تقلع تبقى حره
عمه الكبير بصوت تخين قوى:: ياممدوح كلام اخوك الصغير صح وشوف يوم تنقل فى
ام رتيبه:: بتمثيل بس هى إللى بتعمل شغل البيت وانا تعبانه ومش بقدر
عمه الوسطانى:: بقولك ايه يا م رتيبه ابقى ابعتى لبنتك تعملك وابنك معاكى هى مش ويله عليها تشتغلك
ممدوح:: ياعمى ده بر الوالدين
عمه الكبير:: انت فاهم غلط بر الوالدين مش هى يا حبيبى البر منك انت هى امها ولا امك الثواب ليك مش ليها فى البر لو عمللت ده ذوقا منها مش واجب عليها وبعدين خلاص احنا قولنا كلمه واحده
سامح:: ياعم ى انا دفعتله ايجار شهرين يعنى ينقل بكره
عمه:: بكره عزالك يتنقل على الشقه ياممدوح وانشف كده ماتبقاش ابن امك
ممدوح:: حاضر ياعمى
وبعد مالكل خد واجبه مشيوا
ام رتيبه:: بقى كده ياسامح بقى انت تعمل فيا كده ماشى ماشى وفعلا تانى يوم نقلت ريحانه من عند ام رتيبه😣
بااااااااك
يدخل ممدوح :: ريحانه ريحانه انتى نمتى
ريحانه::...... عملت نفسها نايمه ....ونام ممدوح
فى صباح يوم جديد وإحداث 😳جديده
تقوم ام رتيبه فى موعدها لتصلى الفجر وتحضر الفطار وتصحى سامح
وهما بيفطروا
سامح:: يامى ان شاء الله تجهزى على الساعه6
ام رتيبه:: ليه يابنى
سامح::علشان تروحى تشوفى العروسه ونحدد ميعاد ونشوف طلباتهم
ام رتيبه: وهى تلوى شفايفها وكمان طلبات
سامح:: طبعا مش عروسه ياامى يلا انا هاقوم علشان اشوف شغلى سلام عليكم
ينزل سامح وتقوم ام رتيبه تشيل الاطباق وتغسلهم وتنزل تقعد على الباب مع ام عدلات
ام عدلات:: ام رتيبه عاش من شافك ياختى
ام رتيبه: اسكتى ياختى علشان انا مهمومه اووى والله😣😣
ام عدلات تشهق خير ياختى احكيلى وفضفضى معايا
ام رتيبه:: الواد سامح ياختى مجننى قال ايه عايز يتجوز بت لانعرف فصلها ولا اصلها عايز يقع وقعت الموكوس مندوح ويسيب بنت خالته
ام عدلات:: يالهوى حد يسيب إللى معاها فلوس يروح الا صحيح ياختى نظامهم ايه
ام رتيبه:: اسكتى ياختى اسكتى انا هتحسر بت ظروفهم على قدهم😣😣
ام عدلات:: يالهوى ياولاد اخص عليك ياسامح وانا إللى بقول عليه عاقل طلع اهبل تلاقى البت دى عملاله عمل ولا حاجه
ام رتيبه:: وهى تخبط على صدرها يالهوى تفتكرى ياختى🤔
ام عدلات:: ايوه ياختى اصل بنات الايام دى بقت قادره
ام رتيبه:: بنت... والله لاربيها بس لما اشوفها
وعدى الوقت وجه الوقت
سامح:: يلا ياامى الساعه 5 علشان نلخق نوصل على ميعادنا
ام رتيبه:: اصل يابنى تعبانه خليها بكره
سامح:: لا طبعا انا مش هاطلع صغير وبعدين انتى كنتى كويسه من شويه
ام رتيبه:: يوه هو التعب مش بيجى فجئه وبعدين متصربع على ايه ياخويا ماهى مرزيه مش هاتطير
سامح:: هاتيجى معايا ولا اخد ريحانه وامشى
ام رتيبه:: اخص على دى سيره وبعدين هى هاتيجى معانا
سامح:: ايوه يلا
قامت ام رتيبه ولبست ونزلت قبلوا ريحانه وركبوا تاكسى ووصلوا عند البيت
سامح:: ياامى بلاش حركاتك دى فهمانى
ام رتيبه:: انا دنا غلبانه ياريت الناس كلها زايي
ريحانه:: بغيظ على يدى ياطنط
طلعوا قدام باب الشقه يرن سامح الجرس
يفتح ابو همسه
ابو همسه:: اهلا وسهلا اتفضلوا شرفتونا والله
سامح:: اهلا بحضرتك ياعمى اعرفك امى ودى ام احمد مرات اخويا ال كبير
ابو همسه:: اهلا وسهلا شرفتوناواخوك مجاش ليه معاك
ام رتيبه:: يسيب شغله علشان يجى ومانعرفش ازا كنا هانتفق ولا لا
سامح:: امى تقصد انه حب يجى وقت ان شاء الله لما نقرأ الفاتحه
ابو همسه: : ان شاء الله خير
تخرج ام همسه:: اهلا وسهلا اهلا اهلا وتسلم على الكل
ام رتيبه:: اهلا ياحبيبتى
ريحانه:: اهلا بحضرتك ياطنط بجد احنا اتشرفنا بمعرفتكوا
ام رتيبه:: بصوت واطى مسموع اه مانتوا زاى بعض
ام همسه:: بتقولى حاجه يا حبيبتى
ام رتيبه:: لا ابدا هو احنا مش هانشوف العروسه ولا ايه
ابو همسه:: طبعا طبعا نادى على همسه ياحجه
ام همسه:: حاضر......تدخل لهمسه يلا يابنتى
همسه:: خالتى فين.....امها:: فى الاوضه التانيه يلا بقى تخرج ام همسه وهمسه
وتخلض حلقتنا رايكوا يهمنى
أنت تقرأ
منوره ياحماتى
Short Storyكامله جميع الحقوق محفوظة للكاتبه هايدى محمد مش كل كلمه ذكر مكتوبه فى البطاقه تبقى حقيقيه لا خالص فى رجاله على الورق وعند مامته لسه طفل صغير كل شئ بموافقتها حتى خراب البيوت للاسف بقينا فى زمن عجيب فعلا المثل الا قال إللى يقول لمراته ياهانم الناس تقف...
