بقلمى هايدى محمد
ريحانه:: اتفضلى ياطنط الشاى
ام رتيبه:: وماله ياختى خلصتى التسبيكه والساليق
ريحانه:: ايوه ياطنط هادخل اكمل صحيح ياطنط قولى لرتيبه تيجى بدرى شويه تساعدنى
ام رتيبه:: والله رتيبه تعبانه شويه العيال تاعبنها اووى ومش بتنام منهم
ريحانه:: انا والله كده ياطنط العيال قرفنى ليلهم نهارهم ونهارهم ليلهم
ام رتيبه:: ياختى وماله وبعدين عايزه يتقالك يامه ببلاش وبعدين لازم ياختى تتعبى علشان تعرفى قيمتهم
ريحانه:: انا داخله اكمل إللى ورايا ودخلت وهى متعصبه ودخلت ترزع فى الحاجه
ام عدلات:: شوفى ياختى مش عاجبها الكلام
ام رتيبه:: الهى يحرق دمها البعيده
ام عدلات:: يلا ربنا كبير
ام رتيبه:: ياريحه بقولك هاتيلى شويه مايه
ريحانه::حاضر وخرجت بعصبيه اتفضلى
ام عدلات:: ليه كده يابنتى بتتعصبى اوى ليه وبعدين مصيرك يامرات الابن تبقى حما
ريحانه:: بصوت عالى وانا عملت ايه ياطنط انتى كمان
ام رتيبه:: عيب كده ياختى صحيح عديمه التربيه
ريحانه:: انا مش هارد على حضرتك علشان انا متربيه
ام رتيبه:: واضح ياقليله الحيا ياعديمه التربيه
ريحانه:: لا بقى كده كتير اووى وانا جبت أخرى
ام رتيبه::ضربتها بالقلم بيت ابوكى ماربكيش انا هربيكى بقى
ام عدلات: : فعلا يا م رتيبه دى عايزه تربيه
ريحانه::انتى ست
يقطع كلامها دخول ممدوح
ممدوح:: بصوت عالى ريحانه
ريحانه:: ببكاء كل مره زفته زفته تعالى شوف امك
ام رتيبه:: تعيط اهئ ا هئ شوفت يامندوح مراتك
ريحانه:: انتى تضربينى وتعيطى كمان
ممدوح:: ضربتيها ليه ياما
ام رتيبه:: ببكاء مصطنع والله يامندوح قله ادبها عليا
ريحانه:: حرام عليكى ياشيخه انتى ايه اتقى الله
ممدوح:: ضربها ........ ريحانه:: تحط ايدها على خدها
ام رتيبه:: بشماته لا يابنى بلاش تضربها منها لله بقى
ريحانه:: انا انا إللى فى الاخر ابقى غلط
ممدوح:: ريحانه اسكتى وبوسى راس امى واتاسفلها
ريحانه:: بس انا ماغلطتش
ممدوح:: وانا قولت كلمه واحده فاهمه ولا لا
ريحانه:: ببكاء باست راسها حقك عليا
ام رتيبه:: اوعى ياختى كده مش عايزه اسفك ومالكيش دعوه بيا
ام عدلات:: خلاص يا م رتيبه بقى ماتزعليش زاى بنتك
ام رتيبه:: علشان خاطرك انتى بس ياام عدلات
ممدوح:: يلا ياريحانه كملى إللى وراكى
تدخل ريحانه المطبخ وتخلص إللى وراها
الباب يخبط ممدوح افتحى ياريحانه
ريحانه حاضر تفتح الباب ازيك يارتيبه
رتيبه:: بقرف اهلا
ريحانه:: واحشتينى
رتيبه:: شكرا وهاتفضلى واقفه كده واسعى خلينى ادخل
ريحانه:: توسع وهى على اخرها
رتيبه:: واحشتونى اووى
ممدوح:: وانتى كمان ياحبيبتى
وفضلوا يرغوا شويه وريحانه بتجهز
ام رتيبة:: يلا ياريحانه جهزى الاكل
ريحانه :: حاضر وجهزت كل حاجه اتفضلوا
والكل قعد
رتيبه:: الاكل ماسخ كده ليه ياما
ام رتيبه:: عندك حق ياضنايا
ممدوح:: بس حلو ياما
ام رتيبه؛: كل ياضنايا بس انت وانت خاسس وضعفان كده
ممدوح:: خاسس ايه بس
ام رتيبه:: ادى جوزك يارتيبه الاكل ياحبيبتى
رتيبه: حاضر ياما
ريحانه:: خد ياممدوح يا حبيبى كل
ام رتيبه:: بس ياحبيبتى انا بديله بس مش كفايه انك مجوعا
سامح:: خلاص ياامى بقولك صح فى بنت عايز اتقدم لها
ام رتيبه:: وهى تحط قطعه الفرخه فى بوقها مين دى ياخويا
سامح:: بنت كويسه ومحترمه وبتشتغل ممرضه
رتيبه:: وتلوى شفايفها ياخويا ودى عرفتها فين
سامح:: مكان ماعرفتها هى عجبانى
رتيبه:: براحتك انا غلطانه انى بسالك
ام رتيبه:: مالك من اولها هاتقلب علينا علشانها
سامح:: انا حبيت اعرفكوا علشان بكره ان شاء الله على المغرب هنروح لهم لو ممدوح هايجى معايا
ممدوح:: لا ياحبيبى وقت ماتتفق ابقى اجى
ام رتيبه:: يعنى كل حاجه اتفقت عليها وانا ماليش لازمه
سامح:: انتى الخير والبركه ياامى
ام رتيبه:: افرح بيك يابنى
سامح:: ياريحانه اعملى حسابك تيجى معا يا بكره
ريحانه:: ا..
تقطع كلامها ام رتيبه:: ليه تيجى وتتعب نفسها
سامح:: دى اخت ليا ولازم تيجى
رتيبه:: انت حتى ماقولتلهاليش ياخويا يابن امى وابويا
سامح:: عارف ان جوزك مش هايوافق
محمد:: انتى مش تعبانه ولا بتستهبلى
رتيبه:: بتعب مصطنع لالا تعبانه ياخويا
سامح:: طيب يعنى انا وامك وريحانه إللى هانروح
ام رتيبه:: وتيجى دى ليه معانا
سامح:: ربنا يسهل بس الحمد لله انا ه اقوم اريح شويه بعد اذنكم
___________haydy__________
نرجع لورا شويه
همسه تروح البيت وهى فرحانه وتخبط على الباب بفرح
ام همسه:: فى ايه ياهبله يابنت الهبله
همسه:: تمسك امها من كتفها وتلف بيها وهى بتغنى جاينى بكره وبعد بكره وبعد بعده وانا اقوله ايوه ياحبيبى موافقه
ام همسه:: بين يابت إللى جايلك
همسه:: سامح هايجى يخطفنى على الحصان الأبيض
ام همسه:: عوض عليا يارب عوض الصابرين مين يابنت الهبله ده
همسه:: تعالى ياست الكل احكيلك
ام همسه:: وهى بتقعد على الكرسى احكى ياختى
همسه:: ده بقى شاب كان جاى مع واحد صاحبه واعجب بيا وانا كمان اوووى
ام همسه:: ربنا يتمم على خير ياختى
همسه:: يارب يا ماما يارب هو اتصل بى بابا وقاله بكره تيجوا
ام همسه:: طيب ياختى قومى غيرى وتعالى سعدينى فى عمايل الاكل
همسه:: طويب ماشى
وعدى النهار وفى المساء مشى ممدوح ومراته ورتيبه وجوزها
ممدوح:: مالك ياريحانه قالبه وشك ليه
ريحانه:: لو سمحت مالكش دعوه بيا ومن هنا ورايح ليك عندى اكلك وشربك انا مش هامشى واسيب البيت انا هاقعد واعيش لولادى ولا انت ولا امك ليكوا دعوه بيا تانى
ممدوح::.........
تخلص حلقتنا رايكوا يهمنى
أنت تقرأ
منوره ياحماتى
Short Storyكامله جميع الحقوق محفوظة للكاتبه هايدى محمد مش كل كلمه ذكر مكتوبه فى البطاقه تبقى حقيقيه لا خالص فى رجاله على الورق وعند مامته لسه طفل صغير كل شئ بموافقتها حتى خراب البيوت للاسف بقينا فى زمن عجيب فعلا المثل الا قال إللى يقول لمراته ياهانم الناس تقف...
