الشيطان العاشق للكاتبه سمسمه سيد

الفصل الثامن والعشرون

في اليوم التالي كانت بسنت ذاهبه لشركة عزام ولكن تراجعت عندما رأت تلك السياره الضخمه واحدهم يصوب مسدسه نحوها وانطلقت الرصاصه ولكن لم تصيبها لان احدهم كان قد جذبها للاحتماء بااحدي الجدران 

الشاب:مش قولتلك متنزليش ياحضرت الرائد ......ابعدته عنها عندما رأت ان المكان اصبح آمن
بسنت ببرود:انته مين وعاوز ايه
الشاب وهو يقدم نفسه:العميد لؤي
بسنت بعدم اهتمام:تشرفنا
عقد ذراعيه امام صدره وقطب حاجبه :هو انتي هبله ولاشكلك كده
بسنت بصدمه:نعم
لؤي:انا مش منبهك امبارح متنزليش من بيتكو انتي لامعاكي سلاح ولاحرس حتي
بسنت بغضب:وانته مين عشان اسمع تنبيهاتك اصلا
لؤي بغضب:بت انتي اما تتكلمي معايا تتكلمي عدل فاهمه واحب اقولك اني مستلم القضيه بتاعت جوزك من ساعة ماانتي مااستلمتيها ويمكن قبل كده كمان يعني عارف كل صغيره وكبيره وعارف كمان ان العربيه اللي كانت هتموت خطيبة باسل وبنتك تبع مراد باشا وعمل ده كله عشان يحنن قلبك وترجعيله لما عرف ان انتي ولدتي بنته واتاكد انك مراته
بسنت بصدمه:افندم وانت انت عرفت كل ده منين
لؤى:عيب عليكي ياحضرت الرائد انا موصلتش لمنصبي بسهوله ف حاجه اخترعوها اسمها التجسس والمراقبه
وطلاما عايزه تنتقمي منه يبقي تلعبي ع المكشوف مش بتقمص شخصيه تانيه
بسنت :حاجه متخصكش
اقترب منها وهو يقول :بصي ياسكر انتي يمكن الكلمه دي قولتيها لدكتور باسل قبل كده وقولتيها لكذا حد لكن عندي لو سمعتها تاني مش هيحصلك طيب فاهمه ....وقال كلمته الاخيره بصوت عالي ...هزت بسنت رأسه انها مدركه مايقوله وبعدها اسرعت نحو السلم لمنزلها فاصعد خلفها دلفت وجاءت لتغلق الباب وجدته يدفعه ويدخل بكل برود
بسنت بهمس:بني آدم براس حيوان مش بيفهم ف الذوق ابدا
لؤي :قولتي حاجه ياحببتي
بسنت بعصبيه:حبيبت مين حبك برص يااخي انته عاوز ايه اتفضل اطلع بره بيتي من غير مطرود اقترب مره اخري منها واسندها للباب وثبتها بتحكم نظرا لهيئته الضخمه مهما كانت هي لا تعادل قوته الجسمانيه
بسنت بتوتر:ابعد عني
لؤي وهو ينظر لااعينها :مش هبعد غير لما تتلمي وتلمي لسانك اللي عاوز قطعه ده مش معايه انا الكلام ده اتقي جنوني واه حببتي ومن بدري كمان من ساعة مااتعينتي عندنا فاامن دوله وانتي مطلعتيش من تفكيري كل حركه وكل همسه كنتي بتقوليها كنت بشوفها وبفضل افتكرها مع نفسي لما توحشيني يمكن انا عمري ماحبيت ف حياتي ولاعمري ماهحب حد اكتر منك كل ثانيه وكل حاجه كنتي بتمري بيها كنت دايما شايفها دايما كنت بحاول اتدخل عشان اساعدك بس بقول انك اقوي من اني اساعدك لحد ماعرفت انك ضعيفه وهربتي هربتي عشان خايفه منه وسيبتي حق والدك
سقطت تلك الدمعه من عيونها عند ذكر والدها الراحل فدفعته بعيدا عنها ونظرت للجهة الاخري
لؤي:اول مره اعرف انك ضعيفه كده
خرج الجميع من غرفهم ع اثر صوت لؤى العالي نسبيا
حوريه :في ايه انته مين يابني
بسنت وهي تجفف دموعها :مفيش ياماما العميد لؤى كان جي بيسأل ب......قاطعها حديث لؤى
لؤى:عارف انو مش وقته بس انا طالب ايد بنتك ياست الكل رأيك اي
صدمة صعقت الجميع وبمقدمتهم بسنت
دلفت لغرفتها واغلقت الباب بعنف وجلست ع الارض تبكي
اما ف الخارج
حوريه:بس يابني بسنت متجوزه
لؤى:كانت متجوزه
خالد:مش فاهمينك وضح بعد اذنك
مد لؤي يده ببعض الاوراق فاامسكها منه خالد وعندما رأه محتواها انصدم
حوريه بااستفهام:فيها ايه الاوراق دي ياخالد
خالد:دي اوراق طلاق بسنت ومراد وتوقيع مراد موجود عليها لكن توقيع بسنت لسه
حوريه وهي تنظر لي لؤى:طب ازاي
لؤى :(فلاش باك)
في حفلة عزام كان يقف مع احدهم في الخارج
لؤى:هتحط الورقه دي وسط الورق اللي هيمضي عليه مراد باشا
الرجل:بس ياباشا الورقه دي فيها ايه
لؤى بحده:ملكش دعوه نفذ اللي بقولك عليه فاهم
الرجل بخوف:فاهم .....وضعت الورقه وسط اوراق الصفقه دون اي يشعر عزام او مراد بالاامر ووقع عليها مراد دون فحصها وهكذا تبقا توقيع بسنت فقط وينتهي كل شئ (باك)
حوريه:ياابني انته متعرفش احنا مرينا باايه او هي حتي ....قاطعها :اسف لمقاطعتك ياست الكل بس انا عارف كل حاجه وزي ماقولتلها كنت متابع كل حاجه ومعتش عاوز اضيعها من ايدي اكتر ماضاعت
حوريه:والله يابني القرار قرارها ....اقترب من غرفتها بعد ان نظر لحوريه فسمحت له وطرق الباب ولكن لم تجيب فقال بجديه :بسنت انا عارف انك مش واثقه فيا بس انا هثبتلك كل حاجه النهارده الساعه 6 هيتم التسليم اللي زي مراد عمره مايتغير ابدا وهتشوفي بنفسك هستناكي الساعه 5ونص تحت لو عاوزه تعرفي الحقيقه ودلوقتي سلام وخدي بالك من نفسك ......خرج لؤى من المنزل واتجه لوجهته
...........
عند مراد سمع رنين هاتفه فااجاب ع الفور :ها عملتو ايه
الشخص:اسفين ياباشا بس مدام بسنت ماانصبتش زي مااتفقنا في شخص انقذها ومنعرفش هو مين ...ضرب مراد المكتب الموضوع امامه بقوه :يعني ايه يعني ايه متتصبش انتو ايه ع الفاضي كده كانت فرصتي الوحيده اني اقرب منها وانتو ضيعتوها اغبيه ....القي هاتفه بالارض بعصبيه شديده
مراد:لو مش هتبقي ليا مش هتبقي لحد تاني يابسنت .......صوت رنين مره اخرى ولكن ع هاتف المنزل
مراد:الو
......:معادنا النهارده متتاخرش
مراد:فاكر ومش محتاجك كل شويه تفكرني سيبني ف حالي دلوقتي
.....:طيب متتاخرش عشان التسليم يخلص بسرعه
.............
عند بسنت خرجت من غرفتها وعيناها متورمتين من البكاء واتجهت للمرحاض لغسل وجهها وثم توجهت الي الطاوله الموضوعه عليها اوراق الطلاق والتقطت القلم وانهت كل شئ بتوقيعها
ربتت حوريه ع كتفها :حببتي اللي انتي شايفاه صح اعمليه واتاكدي اني جمبك دايما
احتضنتها بسنت :ادعيلي ياماما انا خايفه اوووي خايفه
حوريه:متخافيش ياحببتي كل حاجه هتبقا تمام
بسنت:يارب
......بعد مرور ساعتين نزلت بسنت وانتظرت لؤى بالااسفل فوجدته يتقدم نحوها وبالخارج عدت سيارات ضخمه
بسنت بااستفهام:ليه كل ده
لؤي بجديه:هنسيب هنا حرس والباقي معانا الموضوع مش سهل ومتساليش ليه امسكي ده ....وامسك يدها ووضع احد الاسلحه بها
بسنت:مش هحتاجه
لؤى:خليه معاكي محدش ضامن حاجه
بسنت :طيب ....واتجهو لمكان التسليم وبعد بعض الوقت وجدت بسنت سيارة مراد تصف وينزل منها وتابعته سيارتين اخريتين وعندما اجتمعو هؤلاء الثلاثه انصدمت ونزلت من السياره رغم محاولات لؤي منعها واقتربت منهم قائله بصوت قوي :ده الحبايب كلهم متجمعين اهم ...