ချွီအိမ်တော် !
စတုတ္ထမမလေး၏ အဆောင်တော်တွင် !
အဆောင်တော်သည် သိပ်တော့ မကျယ်ဝန်းလှသည့်အပြင် အိမ်တော်တွေမှာ ပေးတတ်သည့် နာမည်တွေလည်း မရှိ။
(T/N: ရှယွီချင်တို့ထဲမှာလို ချိုမြိန်နွေဦးအဆောင်တော် တို့ .. ဘာတို့ .. နန်းတွင်းမှာတင်မဟုတ်ဘဲ၊ ရာထူးရာခံရှိတဲ့သူတွေ၊ လူချမ်းသာတွေရဲ့ အိမ်တော်တွေမှာလည်း အဆောင်တွေကို နာမည်ပေးထားတတ်ပါတယ်)
အခန်းဆောင်အတွင်း ဝင်ကြည့်မည်ဆိုလျှင် ပို၍ပင် မေးခွန်းထုတ်စရာတွေ များလာနိုင်သည်။ အမတ်ချုပ်တစ်ဦး၏ သမီး အဆောင်တော်တွင် ရှိသင့်ရှိထိုက်သော အဆောင်အယောင်များ ကင်းမဲ့နေသည်။ ကြည့်ရသည်မှာ ခန့်ညားထည်ဝါမှုမရှိ။ အဆောင်ဝန်းရဲ့ ဘယ်ဘက်ထောင့်မှာ မက်မွန်ပင်တစ်ပင်ကို စိုက်ပျိုးထားသော်လည်း နှစ်ပေါင်းများစွာကြာတာတောင် တစ်ခါမှပန်းပွင့်တာ မမြင်ဖူးပေ။
အဆောင်ဝန်းရဲ့ အလယ်မှာတော့ အလှဆင် တည်ဆောက်ထားသည့် ကျောက်သားနှင့် မြေရောသော တောင်အတုလေး တစ်လုံးရှိသည်။ ပြီးတော့ ရေကန်ငယ်လေးတစ်ခု။
ထိုရေကန်ထဲတွင် ဘယ်ငါးထည့်မွေးမွေး၊ မွေးတဲ့ ငါး အကုန်သေသည်။ စိုက်ပျိုးထားသည့် အပင်နည်းပါးသောကြောင့် လေပြေအေး တိုက်ခတ်လာတိုင်း သစ်ရွက်လှုပ်ခတ်သံ အနည်းငယ်တောင်မကြားရ။
ရှိတဲ့တံခါးတစ်ချပ်ကလည်း အမြဲလိုလို ပိတ်ထားတာကိုသာ မြင်ရတတ်သည်။
ဒီနေ့မှာတော့ ထိုပိတ်ထားသည့် တံခါးချပ်နောက်မှနေ၍ ရယ်သံတစ်ခု ထွက်ပေါ်လာသည်။ ရယ်သံကို ခွဲခြမ်းစိတ်ဖြာသုံးသပ်ရလျှင် ရယ်သံပိုင်ရှင်မှာ ထူးထူးခြားခြား ပျော်ရွှင်နေပုံရသည်။
" ဟားဟားဟား .. ကျင်းရှင်း .. ငါ ပြောပြမယ် .. ခုနတုန်းက နင် ပင်မဆောင်ကို လိုက်မလာခဲ့တာ တကယ်နှမြောဖို့ကောင်းတယ် .. နင် သိလား .. ချွီအဖိုးကြီး ငါ့ကို ဒေါသထွက်လွန်းလို့လေ အစိမ်းလိုက်ဝါးစားချင်သလို ကြည့်နေတာများ နှာမှုတ်သံတောင် တရှူးရှူးမြည်တယ် .. သူ့ လက်စွဲဓားကြီးနဲ့ ငါ့ကို အပိုင်းပိုင်း ခုတ်သတ်ချင်နေလောက်တယ် သိလား !.. ဟားဟား .. ငါ ဒီကို အသက်ရှင်လျက် ပြန်လာရတာ ကံကောင်းတယ်မှတ် .. မဟုတ်ရင် နင် အခုချိန် မျက်ရည်သုတ်နေရလောက်ပြီ .. ဟားဟား "
YOU ARE READING
အူကြောင်ကြား ကြင်ယာတော် အူကွောငျကွားကွငျယာတျော [ MM Translation]
Historical Fictionမူရင်းဝတ္ထုနာမည်က shaung shi chong fei ပါ ... အဲ့ဒီထဲက အဓိကဇာတ်ကောင်ဖြစ်တဲ့ အူကြောင်ကြားနဲ့ ပေါက်ကရတွေလုပ်လွန်းတဲ့ ကြင်ယာတော်လေးကိုချစ်လို့ အဲ့ဒီအတိုင်းဘဲ နာမည်ပေးလိုက်ပါတယ် ။ ရိုလည်း ရို၊ ရယ်လည်းရယ်ရတဲ့ ဇာတ်လမ်းလေးတစ်ပုဒ်ပါ Novel အပြင် series လည်းထ...