البارت الحادي عشر
\
/
\
/
(( في بيت بوفهد كان الكل منتظر خبر يطمنهم على عبير .. الا بدخلة بوفهد وعياله ..ويجون حواليهم وكلهم آمل يسمعون
خبر عن اختهم الغاليه بس كان السكوت ابلغ من الكلام ))..*
ام فهد " تبكي" : بوفهد تكلم وشو فيها عبير ؟؟ ليـــــه ساكت ؟؟ عبيـــر صار لها شي ؟؟ تكلم نشف دمي ..
بوفهد "بصوت يذوب الصخر": عبيـــر مـــــاتت ,, مـــــاتت يا ام فهــــد ..
ام فهد : لالالالا "ويغمى عليها.. "
((وكان بكائهم الصوت السائد في بيت بوفهد ))..*
ـــــــــــــــــــــــــــــــ
(( بدأت ايام العزا ثقيله على الكل واليوم يمر بساعاته الطويله كأنه اسبوع ..ام فهد بالمستشفى ..وبوفهد كان مايتكلم الا نادراً))..*
بوفيصل: وكل امرك لله يابوفهد
بوفهد : ونعم بالله ..
بوفيصل : والحين كيف ام فهد ان شاء الله احسن ..؟؟
بوفهد : والله ما اخبي عليك .. حالتها من سيئ إلى أسوء
بوفيصل : لا حول ولا قوه الا بالله ..الله يشفيها ..الا وين تركي محد شافه في أيام العزا ..؟!
بوفهد : تركي سافر الرياض .. حابس نفسه ومايكلم احد ..والله حالته حاله وماقدر يتحمل فراق عبير وانهار ..
بوفيصل : انا لله وانا إليه راجعون .. طيب وعياله وينهم ؟؟
بوفهد : عند ام محمد .. حالهم مايسر لا عدو ولا صديق ..
ــــــــــــــــــــــــــــــــــــــ
((خلصت ايام العزا ..وجا العيد ..بس اي عيـــد وهما فاقدين روحهم ..خلاص البسمه انمسحت من بيت بوفهد ,, الكل ساكت
والكل غرقان في احزانه .. لكن كل حزنهم في كفه وجرح وحزن تركي في كفه ثانيه ..))..*
(( بعد ماطلع بوفهد وعياله واخذوا عبير معهم ..جلس تركي يناظر مكانها ,, ماحب يشوف هالمكان خالي كانت هي نور حياته
تذكر اول مره شافها فيها .. كان يوم ملكتهم لما شافها حسّ انه في عالم ثاني مو مصدق ان هالجمال له لوحده ..حبها وعشقها
من اول نظره ..إلى الأن يتذكر ابتسامتها الخجوله اللي مافارقتها طول حياته معاها ..ماتحمل فكرة انه مارح يشوفها مره ثانيه
تذكر لما كان يصحيها كانت تبتسم له ابتسامه هادئه عذبــــه ..))..*
تركـــي : لآلآلآ ..مستحيـــــل اخليها تروح مني ,،
