مخذري انت ?? ( لهجة جزائرية ??) / مكتملة /

الحلقة 3 ❤

💝الحلقة 03💝
الصباح حست سيرين بيد تقيس في خدها بحنانة حلت عينيها لقات مصطفى يخزر فيها ،، سيرين: صباح الخير،، سانسو: صباح الحب ،،حبي سمحيلي نوضتك مي عييت وأنا قاعد وحدي توحشتك،، سيرين : علاه شحال راهي الساعة ؟!،، سانسو : راهي 04:25 ،، سيرين : ااااااه😨 علاه مانوضتنيييش نحات الغطا على روحها وجات راح تنوض تجري مي وجعوها رجليها حكمها سانسو من الخصر تاعها وقعدها على حجرو وقالها : كنتي كي الملاك كي كنتي راقدة وكنتي عيانة ماحبيتش نحيرك ، هي حشمت هبطت رأسها اومبعد لقات روحها ما لابسة والو 😱، بدأت تغطي في روحها بشعرها،، سانسو : تحشمي مني وباسها😘 تحشمي من عمرك وعاود باسها وهي حمارت😳،، سيرين: تغديت !؟ سانسو : ايه جات رانيا وماما جابو سيرين : مزية اني جيعانة ،، سانسو: نهزك للكوزينة ؟!،، سيرين : نلبس قشي قبل،، سانسو : أنا نلبسلك☺،، راح للخزانة بدأ يحوس اومبعد جابلها شورت وديباردور ولبسهملها وكي كمل لبسلها قعد على ركبة تاعو قدامها وهي فوق السرير وحكم رجلها باسها من لتحت للفوق حكمت وجهو طلعاتو عندها ،،وقاتلو : نحبك تبسم معاها ،، قاتلو : كيفاه كنت البارح ، قالها : ملاك حبي راحو للكوزينة هي تأكل وهو يشوف معاها بين يوم وليلة الحب تاعو ليها زاد ألف مرة مور واش صرا لبارح ولا يعشق فيها بقا يشوف فيها كيفاه تأكل بفمها الصغير ، وكيفاش تأكل بالعقل وباحترام كلش فيها يذوب كلش😍 بدا يقول مزية ديتها أنا وماشي وحد خر ، نهبل أنا لوكان تخليني وبلا مايفيق قالها بصوت عالي شافت فيه مشوكية😨،، : أنا نخليك !؟ حكمت يدو وقاتلو ولوكان يقتلوني مانسمحش فيك عمري ناض من كرسيه راح قعد على ركايبيه قدامها وهي تشوف عندو حط راسو على حجرها قالها : توعديني ؟ قاتلو : نوعدك يا عمري ،،سانسو : عندي شوية اتصالات مع صحاب الشركة نفريهم ونجي حبي باش كي نكونو مسافرين ما يديرونجيوناش،، سيرين : براحتك،، راح سانسو للمكتب تاعو عيط للمساعدة تاعو لي تخدم معااه(مصطفى يخدم فشريكة تااع تصنيع و تركيب الدراجاات و هو المدير من صغرو هو مغروم بالموطوااات مغرووم كلمة صغيرة قداام حبو للميداان لي يخدم فيه ذكاائو و حنكتو خلاوه يناافس اكبر واشهر مديري الاعمال والشركاات وتعتبر من اكبر الشركاات الدولية ماالGري معندهااش بزااف ملي تأسست مي لقاات روااج كبير فالسوق الدولية وقدرت تسرق عدد كبير من الزبائن و المستثمرين في ظرف قصير) طمناتو على الأوضاع ومع اللخر قاتلو : حقا مسيو مصطفى جات وحدة صباح تسقسي عليك اسكو صح تزوجت ،،مصطفى : شكون هاذي ؟! وش دخلهااا؟!😠،، كيفاه مدايرة ،،المساعدة : ماقالتش اسمها مي جاية سمراء وشعرها صفر قصير،، سانسو كوبا على المساعدة بعد ما تشكرها طلع راسو فالسماء وقال هااااجر !!