مخذري انت ?? ( لهجة جزائرية ??) / مكتملة /

❤ الحلقة 13 والاخيرة ❤

ناضت سيرين لقات سانسو قدامها ، باست صدرو فاقلها حكم عنقها بيديه و زير عليها ، قررت باش تمدلو فرصة يشرحلها كامل واش صرا كي تخرج من لوبيتال ، جا ليها الطبيب قالها بلي تقدري تخرجي مي لازملك الراحة النفسية وماتقلقيش كامل روحك ، قاتلها ماماها ارواحي تروحي معانا ، مي سيرين شدت يد سانسو وقاتلهم لالا نروح مع راجلي ، راحو لدارهم و سانسو داها لشمبرتها ،، سانسو: ترقدي عمري ؟؟،، سيرين : أني حابة ندوش قبل ،، سانسو : راكي عيانة عمري ارقدي كي تنوضي دوشي ،، سيرين : افففففف قتلك ندوش قبل ،، سانسو : شحال يابس رأسك خلاص ظرك ندوشك ،، داها للدوش قعدها فوق الكرسي نحالها صباطها ، اومبعد نحالها خيمارها وباس رأسها ،، سانسو: نوضي و طلعي يديك ، طلعتهم ، نحالها لاغوب ، باس رقبتها ،، سانسو : توحشتك ، أدخلي تحت الماء ضرك نجي ،، نحا هو تاني حوايجو ودخل معاها غسلها شعرها ودارلها الصابون هي حست روحها كيما البيبي ☺كي كملو نشفها وهزها داها لاشومبر وقالها ارقدي ،، سيرين: احكيلي الحكاية ، سانسو : لالا عمري الطبيب قالك لازم الراحة ريحي شوية وغدوة نحكيلك ،، راح جابلها العشاء من برا تعشاو ورقدو ، هاذ اليومين كامل ماداروش لاموغ وكانت هاذي أطول مدة مايقيسهاش فيها مي ماحبش يعييها وهي مريضة ،، غدوة الصباح ناض ملقاهاش قدامو تخلع حسبها راحت خلاتو بدا يعيط : سييييرين ااا،، سيرين: راني فالكوزينة راح ليها لقاها تفطر قعد معاها ،، سيرين : مور لفطور تحكيلي ؟؟ ،،سانسو : شقلالة نتيا ، ايه افطري دوك نحكيلك ، كي كملو فطرو راحو للصالون ،، سانسو : مي اوعديني ماتجيجينيش ،، سيرين: وشكون انا باش نجيجيك ؟!، حسابك مع مولاك ،، حكالها سانسو بلي قبل ما يعرفها كان خارج طريق وكان يعرف بزاف بنات وبلي دار حوايج مع بزاف بنات ،، سانسو : بصح نتي الوحيدة فالدنيا لي درت معاها لاموغ بحب والوحيدة لي تشوقت باش نرقد معاها ،، سيرين كانت مشوكية كانت تحسب بلي هي لاولى ،، اومبعد قالها : لي شفتيني معاها هاذيك هي لي مشيت معاها أطول مدة مي جامي وعدتها بحاجة باباها ويماها مطلقين وكانت من النوع لي تخرج معايا بلا ماتخاف من حتى واحد ، كي نتفكر كيفاش كنا قلبي يوجعني نتمنى لوكان نحي كامل واش درت معاها من لميموار تاعي ، هي عرفت بزاف رجال قبلي وكامل طيشوها ، مي أنا حبت تلصق فيا ، عندنا ثلث سنين ملي تسيبارينا وكانت ديما تبعتلي ليميساج وتهبلني بدلت النيميرو ، مازادتش بانت حتى هاذ لمرة سمعت بلي تزوجت وما امنتش حبت تشوف بعينها ، راكي صح حابة تسمعي !؟،، سيرين : لالا خلاص فهمت😪 ، مسحت دموعها وقاتلو خليني نخمم شوية واش ندير ،  هي في قلبها علابالها مستحيل تخليه ماتقدرش تتخيل حياتها بلا بيه ، وماتقدرش تروح وتبدى حياة جديدة مع وحد خر ، فكرة أنها تكون لوحد خر مكانش في رأسها ، هو غلط وكان لازم عليه يصحح غلطتو بصح شكون انا باش نحاسبو كامل الناس تغلط ، المهم توبة والواحد مايعاودش الغلطة ، وهو ملي عرفني متأكدة بلي جامي خاني ، قررت تعطيه فرصة ، علاجالها وعلاجالو ، راحت لشمبرتها دارت دوش خفيف ، ليسات شعرها الطويل ، لبست نويزات كحلة قصيرة 😍، شعلت شمع ، دارت غنية ونقصتلها وعيطتلو ، كي شافها فهم بلي سامحاتو راح ليها حشرها فالحيط دورت رجليها عليه قالها : نعشقك يااالي خدرتيني ،، سيرين :نموت عليك😘،، فااتو لعواام (كون نقللكم ماااتمنوش جابو 6 ولاد كيماا كانو متمنيين بالضبط: إيلين😍هيلين😍ميلين😍ارسلان😍اوس😍قصي(مستعمرة😂😂) وعااااشو لابااال Vie😘😘😘

         💞النهاااية💞
________ 💗💗
نشالله تكون عجبتكم لحكاية وديرولي ابوني بش يوصلكم جديد ديما ولحكايات لي راح نهبطهم 
كاين حكاية جديدة  بزاااف هايلة  ساعة ونهبطها وشكرا لبنات عاونوني بتفاعلكم 💙💙
#SawSen💙