مخذري انت ?? ( لهجة جزائرية ??) / مكتملة /

الحلقة 12 ❤

سناو ساعة زوج ثلاثة ، ماناضتش سيرين، قالهم الفرملي روحو تروحو وغدوة وليولها ، راحو كامل مي سانسو ماحبش يروح قالهم نبقى هنايا باش كي تنوض تلقاني قدامها باش ماتخافش ، قعد قدامها في الكرسي ، حكم يدها ، حط راسو قدامها ، وبدا يحكي معاها : تشفاي عمري اول مرة كي قلتيلي نحبك ؟! جبتي موراها سمانة ما قدرتيش تشوفي في عينيا ، كنت حاسب البراءة والحشمة خلاصت من الدنيا بصح كي شفتك عرفت بلي كنت غالط في بزاف حوايج ، كي شفتك حبيت نولي انسان مليح ديسيديت نحبس التمسخير ديسيديت نولي مليح علاجالك نتي ، باش نديك نتي وواحد ما يديك بلا بيا ، أول مرة كي شفتك اول حاجة جاتني في بالي اني نهزك بين يديا ، تخيلتك تاعي من أول مرة شفتك فيها ، عرفت آلاف البنات بصح ولا وحدة خلاتني نحس بلي نقدر نتبدل علاجالها ، نتي برك ، كي شفتك عرفت بلي دنيا هذاك اليوم تبدلت وماش راح تبقى كيما كانت ، كي شفتك حسيت وعرفت وكنت متأكد بلي نتي هي تاعي نتي هي لي كنت نسنا فيها ، يا ريت يولي الزمان ونجيك قبل ما نعرف كامل بنات الدنيا ، نموت عمري ونهبل لوكان كشما يصرالك ،،سيرين كانت نايضة وسمعت كامل واش قالها بداو دموعها يهبطو😭 هزت يدها الأخرى وحركت بيها شعر سانسو هو تخطف وهز راسو لقاها ناضت : عمريييييي خلعتيني عليك حكم وجهها وحط جبهتها على جبهتو : متزيديش تعاوديها متزيديش تروحي وتخليني ، باس دموعها ، وهي بلا ما تهدر دنات ودارتلو بيدها باش يرقد قدامها ، نحا صباطو ورقد ، حطت رأسها على صدرو ، بدات تسمع فقلبو حتى رقدت 💓