مخذري انت ?? ( لهجة جزائرية ??) / مكتملة /

الحلقة 9 ❤

💝الحلقة 09💝
سيرين ناضت الصباح لقات روحها راقدة فوقو وهو مدور عليها يديه ورجليه(تقول راايحة تهرب عليه😂) ، للحظة نسات كامل المشاكل اومبعد عاودت تفكرت ، تفكرت المشاكل ، وتفكرت واش دارو فالليل ، بدات تسب في روحها ، مي نتي جايحة ماتقدريش تقاوميه يا لوكان مرة ، دارت لصدرو شمت ريحتو وجات نايضة ، هو حل عينيه ، عنقها ،، سانسو: عمري صباح الخير ،،سيرين: اخطيني ، هو تشوكا وشبيها هاذي فالليل كانت لاهفة عليه كي المهبولة وظركا كرهاتو !؟ ،،سانسو : واش كاين حبي ؟؟ ،، سيرين : روح سانسو خليني نخمم شوية كي نكون مستعدة باش نشوفك راني نعيطلك ،، سانسو : غدوة ؟؟ ،، سيرين : لالا خليني نخمم مليح ،، سانسو: لالا مانقدرش وشبيك نتي ربك ماتفهميش ؟! ماتفهميش بلي مانقدرش مانقدرش يالزح لوكان ما تكونيش قدامي مانقدرش نتنفس اكي قلبي نتي خدرتيني اابنت النااس💉💖 حسي بيا مانقدرش نرقد ، خلاص ولي للدار ماتهدريش معايا ، مي نبقاو عادي ،، سيرين: سانسو لازم توالف بلا بيا من ظرك ،، سانسو: واش راكي تقصدي ،، سيرين: والو أيا نوض وجد روحك كي نكون واجدة نتلاقاك نعيطلك . سانسو زعف منها وناض يوجد روحو ما فطرش مامبا راح ، هي ندمت لي كانت معاه بزاف قاسية ، بصح كي جا خارج وصل قدام الباب وهي موراه بقا يخمم شوية اومبعد قال قادر هاذي آخر مرة نشوفها فيها ، لالالالا مانقدرش مادرت والو غلطت صح بصح تبدلت ،، دار وولا ليها حضنها بكل قوة شم شعرها و قالها : حرام تعذبيني علاجال حاجة مادرتهاش ،، سيرين : (حطت يدها على صدرو وتشوف في عينيه) نفرضو صح ماخنتنيش ، مازلت زعفانة لأنو كاين وحدة خرة حضناتك ، كاينة وحدة خرة شمت ريحتك وسمعت قلبك ،، سانسو : (حط يديه على يديها اومبعد على قلبو) ماشي قتلك هاذا تاعك ؟؟ ،، سيرين : لازم نشوفو اذا نقدرو نعيشو بلا بعضانا يوم واحد،ملي تزوجنا ماتسيباريناش نهار واحد وهذا الشيء فصالحنا خليني نخمم ،، سانسو : كيما تحبي ماطوليش عليا وقالها في وذنها : نهبل أنا لوكان ماترقديش قدامي فالليل ،، وراح وخلاها . . .
__________
💞هيااا لبناات شوي تفاعل بااش نعرف اكم هناايا☺ 💞