مخذري انت ?? ( لهجة جزائرية ??) / مكتملة /

الحلقة 6 ❤

💝الحلقة 06💝
سانسو دخل للدار وبدا يخمم ،، علاه ولات هاذي ،، علاه ولات ظرك بالذات ،، لوكان تسمع سيرين والله ما تبقى معايا دقيقة ،، بمجرد ماجاتو الفكرة في راسو حب يهبل وقف عند الحيط و بدأ يشوف فالدار ،، شحال فارغة بلا بيها ،، شحال السكات بلا بيها ،، بدا يتفكر كيفاش كانت تقاوم فيه فالليل وكيفاش كانت صغيرة قدامو وماقدرتش تغلبو ،، جاتو التبسيمة ،، شحال حنينة ماتقدرش كامل تشد الحقد في قلبها ،، تمتم تزعف وتمتم تسامح وتضحك ،، جامي تضاربت معاها ،سيرين هي الحنانة اون بغصون ،، تفكر كيفاه تلاقاها أول مرة ،، كيفاه شعرة دهمها بالموطو دياالو(Z) ،، وكي نزل ليها وبدا يعيط عليها وهي غير تهدي فيه مالغري لا فوت تاعو ،، اومبعد مع لخر قاتلو خلاص اسمحلي ماتزعفش برك وقتلاتو بالقدر ، كيفاش كانت لابسة أول حاجة اتيراتو لاطاي تاعها و عينيها الكبار الكحل كيفاش كانو يبرقو فالشمس ،، تفكر كيفاه ولا لموطو  اومبعد ماقدرش يقاوم وراح تبعها ،، الابتسامة على وجهها كي شافاتو ،، وكيفاه تفاجأت ،، بقا يخمم فيها حتى طاح الليل ،، ولات هاجر لبالو ، بغا ينسى همها والطريقة الوحيدة باش ينسى الدنيا كامل هي حنانة سيرين؛ ضحكة سيرين،، حب سيرين،، وريحة سيرين،، ونفس سيرين،،و بشرة سيرين كي يكون معاها ينسى كلش ، هز مفاتحو وراح ، سيرين كانت تخمم في سانسو وقالت علاه ماقتلوش يجي معايا ؟! هي تخمم جات ماماها : سيرين بنتي راجلك راهو جا ،، خرجت سيرين من لاشومبر شافت للباب لقات سانسو واقف ،، كانت غير كيما خرجت من الدوش لابسة سورتي د بان وشعرها مازال مشمخ شافت ليه وابتسمت معاه ،، ابتسامة لي ريزارفاتهالو غير ليه ، ابتسامتها الحنينة ، هو راح ديراكت ليها بخطوات سريعة وحضنها بكل قوة حتى حست عضامها تكسرو ،، وشم في رقبتها اومبعد باس شعرها 😘 قاتلو : واش كاين حبي !؟ سانسو : توحشتك ،، سييت مانديرونجيكش مي ما نقدرش ، حطت يدها على خدو وقاتلو : عمري الحنين ، زاد حط يدو على يدها وقالها : غدوة نروحو !؟ سيرين : نزيدو يوم وأبقى معايا ،، سانسو : براحتك .  فالليل كانو راقدين صونا تلفون سانسو نوضهم مالرقاد ، شاف نيميرو ماعرفوش ،، سيرين : شكون !؟ ، سانسو : ماعلاباليش ارقدي خلينا منو ،، كي ما رفدش شوية وصلو ميساج ،، هاجر: هز عليا عمري أنا هاجر تعيش مصطفى  لازم نتفاهمو أنا حسبتك تروح تروح وتوليلي تديني بعد ما خسرتلي حياتي ماتوقعتش منك تتزوج وتخليني ،، نحبك نحبك هز عليا !! سانسو قريب هبل ! منين جابت هاذ **** النيميرو تاعي ؟! حط تلفونو ودار عند سيرين وبقا يخمم يا ربي واش هاذ المصيبة منين جاتني !؟ نحكي لسيرين !؟ والله تخليني وتقولي ديها ، يا ربي ندامة حياتي ندمت يالزح وبغيت نبدأ صفحة جديدة حرام ؟! حط يدو على خد سيرين  ، حلت عينيها ، سيرين: عمري ، و عطاتو بوسة 💋وجات تبعد راسها عاود حكم وجهها وكمل باسها و قلبها وجا فوقها ،، سانسو : ولوكان نديرو حاجة شابة او مبعد نرقدو ، هي ضحكت بصوت عالي ، قاتلو : لالا يسمعونا ، سانسو : نتي برك ماتعيطيش بزاف ، ولا نقولك ضرك نبقى نبوسك باش نشغلك فمك ، هي زادت ضحكت كتر من المرة الأولى وهو بزاف يفرح كي يضحكها ،  كي كملت يومين في دار باباها ، ولات لدارها خرجو من الطوموبيل وجاو رايحين بعد ما قضاو ، تلفون سانسو صونا شاف فيه وجهو تقلب ، سيرين : شكون ؟  سانسو : أدخلي دوك نجي ، سيرين تحيرت ودخلت للدار وقالت نوجدها قبل ما يجي ،  راحت دخلت لشمبرتها دوشت خفيف و لبست غوب دو شومبغ ، دخل سانسو راح يدوش ، سيقت شمبرتهم بدلت لفراش شعلت شموع وبخرت الشومبرة ، خرج سانسو لقاها تسنى فيه تحت ضوء الشموع تمشط في شعرها راح ليها ، قالها هاتي نمشطلك دارت ليه ضحكت ومدتلو المشطة باسها من كتفها☺ شم ريحة الشيكولة ، عاود باسها ، شاف ليها : جل دوش جديد ؟ تبسمت وهبطت راسها ، قالها هيا خلي المشطة لمبعد وهيا نروحو نوريلك حاجة و راكي في دارك اليوم تقدري تعيطي كيما تحبي ،  ضحكت من قلبها والضحكة تاعها تعاودت فالدار كامل ، كي كملو سانسو رقد ، هي ناضت تمشط شعرها لقات سانسو وصلو ميساج ، شافت لقات : غدوة نجي نشوفك توحشتك ولازم نحكيو  حطت تلفون مادارت والو ، مشطت شعرها وراحت رقدت ،،