مخذري انت ?? ( لهجة جزائرية ??) / مكتملة /

الحلقة 11❤

سيرين كانت مع ماماها وخوهاا لي اكبر منهاا فارس لباس عليها كانت تضحك وتقصر نورمال ، علابالها بلي سانسو يحبها ويموت عليها ، بصح كيفاش تقدر تنسى بلي شافاتو في حضن وحدة خرة !؟ لوكان يتبادلو الأدوار لوكان يكون هو لي شافها في حضن وحد خر !؟ علابالها بلي يقتلو و ما يسمع اصلا واش عندها باش تقول ، بعد ما تعشاو راحت لشمبرتها ترقد ، بقات تنقلب فالفراش ، ماكنتش علابالها بلي البعد رح يكون لهاذ الدرجة قاسي ، بداو دموعها يهبطو ماللول كانت تبكي بلاعقل وتتفكر فيه ، كلما تتفكر البوسة تاعو اللمسة تاعو الكلمات تاعو الحنانة تاعو تزيد تبكي كتر وبالقوة 😭😭حتى مافاقتش كيفاش ناضت وبدات تعيط وتبكي وكسرت كامل واش كاين فلاشومبر ، دخلو عليها تااع دارهم لقاوها تغاشات ، جراو بيها دااهم ولد خالتهاا خالد على خااطر باابات سيرين كاان خداام وكي عيطولو علموه قريب بكاا 😪البعد والخدمة خلاوه ماايقدرش ماام يكون مع بنتوو،،  وصلو دخلوها ، وقالهم الطبيب بلي حكمها انهيار عصبي ولازملها الراحة ومالازمش تتقلق ، حكاتلو ماماها بلي من الوحش تاع راجلها ، قالها : عيطولو ça sera bien pour elle de le voir quand elle se réveillera (يكون مليح ليها لوكان تشوفو كي تنوض)  عيطتلو ماماها وراحت ولات لبنتها ، كان قاعد خالد مع سيرين فالكرسي وحاكملها يدها ، خالد لطالما حب سيرين مي سيرين كانت شايفاتو كي خوها ، وكي زادت سيرين عرفت سانسو هو زااد فقد الأمل  أنو يتزوجها ،، جا سانسو يسوق كي المهبول منعرف كيفاش مادارش اكسيدون 😕دخل يجري لقا مامات سيرين ،، سانسو: وينهي وينهييي ، دخل لاشومبر شاف خالد حاكمها من يدها وداير راسو قدامها ، شاف حبيبتو سيرين راقدة وعينيها مسارنيين ومغلوقين راح ليها ، كي شافو خالد ناض ، قعد قدامها باس خدها باس شعرها باس فمها وباس يدها💋 وحطها على خدو : عمري نوضي ، نوضي ولا نهبل .
________