مخذري انت ?? ( لهجة جزائرية ??) / مكتملة /

الحلقة 7 ❤

💝الحلقة 07💝
غدوة الصباح ناضت سيرين،، نوضت سانسو بالتشناف ماشي كيما موالفة بالتبسيمة باسها من رأسها وراحو يوجدو رواحهم ،، سانسو راح يفطر وكي دخلت عليه سيرين بقا حال فمو لبست سروال بيض دارتلو ليكات بوغدوو خمار خفيف بوغدو و صندالة طالون(سيرين كانت سيفيليزي مي ساانسو شرط عليهاا دير الخيماار وهي قبلت يغير عليهاا مووت😘بشرط ماايدخلش ف الستيل تاعهاا )،، سانسو: هذا كامل علاجال الخدمة ؟!،، سيرين: ايه علاه لالا ؟ كي جا خارج سناها تجي موراه مي ماجاتش ، سانسو: هيا ازربي ، سيرين : روح برك أنا مازالني نفري شوية كواغط ظرك نروح بطوموبيلتي ، سانسو: كيما تحبي عمري ياخي سافا !؟ ، تبسمت معاه : وي سافا ، هو خرج ركب في طوموبيلتو هي تبعاتو ، وصل لخدمتو بقات تشوف كشما يصرا حتى تشوف وحدة تجري ليه وتعنقو من رقبتو هي ما امنتش وش راهي تشوف قالت سير راني نحلم راني نحلم شافت سانسو بعد هاذيك الطفلة ويهدر معاها مي متقدرش تسمع واش كان يقولها كانت بعيدة ،، بقات تقول محال سانسو يخوني سانسو يحبني أنا هي روحو راني نحلم عينيها تعمرو بالدموع😥 حتى مابقاتش تشوف واش راهو يصرا ،، مسحت عينيها شافت لجيهتهم لقات سانسو حكم الطفلة من يدها ودخلها داخل طوموبيلتو وديمارا ،، هي ما فهمت واش دير ، راحت لخدمتها كملت نهارها عادي بين التخمام واش راح دير ، ولقات بلي لحل أنها تروح وتخليه ، وصلت للدار لقاتو يسنا فيها مع دخلت ناض وراح ليها عنقها وهي ماستجابتلوش ،، شاف عينيها منفخين ،، سانسو : سيرين واش كاين ؟! ، سيرين: (ساكتة وتشوف في عينيه) ،، سانسو : اهدري كشما صرالك !؟ سانسو : وش كاين سيرين!!، سيرين : والو أني عيانة خليني 😞،، تعشاو في الهدوء وسانسو يحاول فيها باش تقولو واش كاين مي هي تقولو غير أني عيانة ،، غدوة الصباح ناضت مي مانوضاتوش ،، لبست حوايجها ،، دات حوايجها في فاليز صغيرة ،، وخلاتلو رسالة فالمرايا تاع الكوافوز "ماتجيش تحوس عليا ، ظرك توصلك ورقة تاع طلاق في أقرب وقت ، وتقدر تدي حبيبتك لي عنقاتك البارح بلا ما نكون عائق ليكم" ،،هي كي خرجت وغلقت لباب هو سمع صوت الباب ناض ، تخلع كي ماشافش سيرين بدا يعيط: سيرين سيرين ااا،، ماكان والو ، ناض يلبس قشو ، لقا قشها مكانش بدا يخاف جا خارج من لاشومبر لمح ورقة فالمرايا راح ليها قراها وحس شغل الف موس فات على قلبو💘 طاح على الأرض وبقا شاد فراسو يا رب واش درت واش درت !!!!!!