____________
سهى : ف المدرسة تستنى ف الباص لحد ماجي بوها فرحت ( خير بابا جايلي اليوم شن صاير)
بوسهى : ( بنروح بيك جاي بسيارة الشركة ومنها ندير بيك دورة تغيري جوك وتطلعي من هم الامتحانات )
سهى : باهي نمشي نجيك شنطي ونجي 💃
ومشوو بسيارة وكانت سهى اخر روقان رفعها لشط البحر وخدالها غزل البنات ( حلوة صوف 😆) ورفعها للملاهي يلي كانت من سنيييين ماشفاته وروح بيه لان خلاص اتصل بيه مصطفى وبيروح بيه
.
.
____________
عادل : اهلين ياروحي
بسمة : اهلين بيبي تعرف هلبا مضايقة اني
عادل : علاش خيرك
بسمة : ياعنوني نبي فلوس بناخد حوايج والبطاقات متعي مش عارف خيرهم مسكرات يبو هلبا وقد باش ينفتحو
عادل : قداش تبي اني نعطيك بلا هبال
بسمة : ياعنوني مانبيش نكتر عليك
عادل : قولي قداش
بسمة : تلاتة الاف هكي
عادل : باه محلولة غدوة يكونو عندك
بسمة : حبي بالك
عادل : بسسس معاش تزيدي ولا كلمة هي اني توا بنمشي للحوش بنتغداء
____________
احمد : وهما يتغدو اسمعو
سميرة ( ام سهي ) : خير شن فيه
احمد : الحاج مصطفى راه عازمنا للحوازة متعه الجمعة باش نتعرفو علي عيلته ومصر وشاد فيا هلبا شن رايكم
سهى : والله يابابا اني بنكمل الاربعاء متع بعد غدوة امتحاناتي وانت وراحتك
سميرة : اسمع الناس هلبا حالتهم كويسة ومش من طبقتنا بالك
احمد : لا بالك لا مش بالك الناس كويسة والحاج مصطفى نعرفه مش توا عاد
سميرة : باهي امالا دير يلي تشوف فيه مناسب
احمد : معناها خلاص نبلغ الراجل انني موافقين
........... مششت الايام وجي يوم الخميس ف الليل 🌚🌙
سهى : تساعد في امها في المطبخ يديرو في الكيكات والحاجات يلي بيرفعوهم .
عادل : في جناحه يتفرج علي فيلم ويتكلم مع بسمة ..
حنان : في جناحها تخمم كيف بيكون غدوة وفاتحة الاب توب وتهدرز مع الفانز متعها ف البث المباشر ..
___________
في صباح اليوم التاني 🌸
احمد : هي مانسيناش حاجة
سهى : ماما خديتي دواك
فوزية : اي اي شوفيه ف الشنطة ترا
سهى : اي قاعد
احمد : هي اركبو يابسم الله 🚘
___________
مصطفى : يتكلم مع الشغالات باش يديرو هكي وهكي ويرن عليه احمد باش يعطيه النعتة متع الحوازة
عادل : ايوا حاتم تعالى للحوازة متغدين غادي حني وصاحب بوي
حاتم : عنده بناات
عادل : طول عمرك واطي ، وسكر عليه 😒
.
.
.
.
وكانو عيلة مصطفى كلهم مقعمزين يستنو في عيلة احمد امتا بوصلو ... فوزية مش عاجبها تنفخ حنان مبسوطة حاتم لي اول مرة يجي قبل موعد الغدي لغي العادة 😂😂 لان عارفين الغرض متعه
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
