#الحُـب_يصنع_المعجزات 😍❤
البارت التالت ( 3 )
حنااان : اي بابا خليهم يباتوو حي سهى بترقدي معاي .. يعني بنهدرزو الليل كله مع بعض وناضت حظنتها وشدتها وركبتها لغرفتها
فوزية : قريب بتموت من داخل وهمست لي حاتم ( بوك هدا بيهبلني )
حاتم : تي عادي يا يام شن فيها
فوزية : تي باهي باه 😒😤
_________
سهى وحنان في الحجرة فوق عادل يتصل بحنان
حنان : وااي هدا تليفوني هدا اكيد حبيبي
سهى : ياااه انتي والحب ❤ محلاكم
حنان : ههههه لالا هدا عادل
سهى : بلعت ريقها
عادل : اسمعي انزلي جبتلكم شكلاطة ومكسرات وحاجات باش تتسلو وخديت افلام جدد تفرجو عليهم انتي والبنت
حنان : يااربي احلا اخ والله هي هي نازلة
ومشت حنان ،،،
سهى : شن فيه زعما
حنان : جت هي والشغالات بالسفر واللقطات والحاجات يلي تشهي
سهى : فتحت فمها ( هدا شني هلباااا علينا من بياكلهم )
حنان : اسكتي اسكتي اليوم بنسهرو وفوقها افلام جدد
سهى : واااووو
سهى وحنان ههههه ليلة كلها ضحك وجو ع الأخر مافيش حاجة في خاطرهم ماداروشي
سهى : حنونة عطشانة هلبا ومعاش في مية بننزل نجيب
حنان : اوكي بري وجيبي معاك
سهى : اوكي _ ومشت حنان للمطبخ وهي تمشي علي صوابع رجليها لان هلبا موخر وكلهم راقدين ..
حاتم : كان خاطم من الجنان يجي بجنب المطبخ لان كان المطبخ فيه باب مرش من برا وجت في باله فكرة انه يخوفها لاحظها خشت للمطبخ وهوا فتح الباب بالشوية وخلعها وعلي خشت عادل من برا
سهى : عيطت وطاحت الطاسة من يدها
عادل : جي يجري انفجع شن فيه .. لقي حاتم يضحك وسهى شادة قلبها ( خيرك مع البنت )
حاتم : مادرت شي هههههه هي خافت
عادل : ديما بحركاتك االباردة وجي يلمد ف المرش ( حولي توا نلمدهم اني بشوية علي يدك توا تنجرحي )
سهى : شبحت في عيونه وارتبكت نزلت راسها ( لالا عادي وهي تلهت )
عادل : صب للبنت مية يابارد انت البنت ترجف
سهى : عادي خلاص مصار شي
حاتم : عطاها شيشة مية ومشي
.... والعيلة كلها راقدة الا سهى تفكر في عادل سرحانة والنوم هارب منها لان يلي تحس بيه اول مرة تشعر بيه !!!
مررررر ايامات ،،،،
مصطفى : تعالى قعمز هني
عادل : خير والله شن فيه بوي
مصطفى : كل خير غير اسمعني ( اني بوك نبي نفرح بيك وانت تشوف فيا كبرت حتى ف العمر )
عادل : ضحك وفرح من داخله يحساب خلاص وافق علي بسمة لان كل مايفتحله سيرتها يقوله مافيش البنت هدي ماتخشلناش حوش ( باهي يابوي واخيرا وافقت علي بسمة )
مصطفى : تكنطة من بسمة من بسمة هبلت انت اني قتلك البنت هدي علي قطع رقبتي ماك واخدها
عادل : ناض وقف امالا مني
مصطفى : اني عجبتني بنت احمد جمال واخلاق وتربية وهداوة زي مايقولو ( زين ورضي الوالدين )
عادل : اني معاش نبي نتزوج اني لا واخد هدي ولا هدي باهي هكي .... وطلع متعفلق ويرن علي بسمة
بسمة : صالح حي سكر سكر هدا عدولة يتصل ( اهلين بيبي )
عادل _: شن حالك
بسمة : خيره حبيبي شن فيه
عادل : طايرتلي ع الاخر
بسمة : بيبي اشغلتني هكي
عادل : بوي يبي يجوزني
بسمة : كيف باهي وشن فيها وهدا علاش متغشش
عادل : انتي مش فاهمة
بسمة : متقولهاش مزال مش موافق علي زواجنا
عادل : اي اي وجايبلي بنت صاحبه يبيني ناخدها
بسمة : اوووووووف منه بوك هدا
عادل : اسكتي اني مستحيل نوافق لو تطربق الدنيا يا انتي يا لا
بسمة : اااه اااه على اساس تبكي 😭
عادل : حبيبتي بالله عليك ما اديريش هكي اني وعدتك عاد
_____________
مصطفى : انت شن رايك
احمد : والله ياغالي شن بنقولك اني مستحيل نلقا عيلة خير منكم وانت عزيز وغالي وانت عارف وماعندي مانقولك فيك وفي ولدك لكن ضروري مانروح وناخد راية البنية وامها بعدين اني بنتي صغيرة راهي مزال مكملتش قرايتي
مصطفى : اكيد اكيد من غير ماتفكر بكل هدي القراية علينا غير كان وافقت نقروها حتى برا تحضر وتمكل بعدين ضروري منه امالا كيف خلاص امالا كلمهم واعطيني خبر
..
.
.
.
.
.
سميرة : اهلين اهلين حميدة تعالى ياسهى قيمي مع بوك راهو جايب الخضرا بروحها
سهى : ماما اني نقطع ف السلاطة
احمد : خلاها لاهية توا انزلها بروحي
احمد : حقا بنقولك
سميرة : نعم شن فيه
احمد : اليوم كلمني الحاج مصطفى طالب سهى لولده عادل
سميرة : ماشاء الله هدا اليوم المنى ومن زينا ولد عيلة بس
احمد : بس شني متخمميش اني قتله بنتي نبيها تقرآ وانتي تشوفي فيها ماعنديش توا حتى علي حق الباص يلي تمشي فيه واني يعلم الله بيا هدي قطعة مني مانبيلها الا كل شي زي ماتبيه وطلباتها كترت البنت كبرت راهي
سميرة : نزلت راسها نعرف ياحميدة توا انت قوللها وبعدين ساهل
___________
حنان : ف جناحها تكلم ف حبيبها مكالمة فيديو لانه سافر ( حبيبي وين قاعد توا )
وطق عليها الشغالة .. هنان في انتي اطلع ماما فوزية تقول تعالى تغدي
حنان : باهي نازلة هي ( هي حبيبي باي باي اموااااه 😘😘 )
___________
سهى ، سميرة ، احمد مقعمزين ع الكنبة ياكلو ف الفواكه
بو سهى : سوسو حبيبتي
سهى : نعم بابا
بوها : في عريس جايلك
سهى : بابا اني مزال نبي نقرآ مانبيش الموضوع هدا
بوها : يابنيتي الولد هلبا ولد الحاج مصطفى كويس وطالبك بالحلال واني نبي مصلحتك راهو زي ماتشوفي اني وامك مش دايمينلك
سهى : نزلو دموعها وحضنت بوها وتبوس ف راسه بعيد الشررر بعد عمر طويل
مصطفى : سلمها ياربي نوضها خلاص عاد المهم عادل ولد الحاج مصطفى
سهى : قلبها قعد يرجف باهي بابا دير يلي تشوفه مناسب ومشت تجري لغرفتهااا ( حي هوا عادل طلع يحبني ياربي مش مصدقة )
.
.
.
.
.
.
.
.
.
.
.
.
#Hadeer_mohammed
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
