#الحُـب_يصنع_المعجزات 😍❤
عادل : قرب علي فم بوه لان يادوب يتكلم
مصطفى : اني نوصيك علي سهى رد بالك ياوليدي تزعلها وياعودله فيها رد بالك منها
عادل : حاااضر يابوي غير معاش اتعب روحك
مصطفى : اوعدني اوعدني
عادل : خلاص يابوي وعدتك
مصطفى : هدي وصيتي ياعدولة لان نحس في روحي بنلحق صاحبي
عادل : متقولش هكي يابوي
مصطفى : سكت سكت وقال ( ااااااااااااشهد اااااان لا إله الا اااالله )
والجهاز يقوووول توووووووووت ___________
عادل : بوي لا يا بوي لا ونزل ع الارض يبكي وجووو الدكاترة يجروو طلعو عادل برا
عادل : مقعمز ع الكرسي و وجهه الوان مايتفسرش
__ علي خشت حنان وفوزية وحاتم ...
حنان : تجري علي عادل .. متقولش بوي صارتله حاجة
عادل : يبكي قام راسه
الدكتور : المرض عطاكم عمره 😞
والعيلة كلها قعدت تبكي عادل وتحظن ف بعض .. عادل طلع من المستشفى تأتر بالموقف 😭😭 .. وقعد يخمم في كلام بوه يلي كرره اكتر من مرة
___________
مجهول : درت يلي وصيتيني عليه
بسمة : طمني شن صار فيهم
مجهول : ع القبر على طول
بسمة : ريحتني هكي معناها الشيباني وتخلصت منه ، توا نتلاقو ونعطيك باقي حصتك من الفلوس 😉
بسمة : بعد ماسكرت __ اني ياعادل اديرها من وراي وتسافر توا نوريك كان مادرتك خاتم في صبعي 😒😒
______
__ في الليل 🌑🌆
سهى اليوم كله بجنب امها وماكلت شي وهي تبكي ومنحرقة عادل : تفكر سهى رن علي حنان بياخد منها رقم سهى بيطمن علاها ووين قاعدة
سهى : تليفونها يرن يرن وهي تبكي وعيونها منفخات وحالتها تعبانة ونفستها مضايقة شبحت لقت رقم لوحاته بس اصر وقعد يتصل ويتصل
عادل : نبعتلها مسج وخلاص
سهى : توت توت ( اني عادل ردي علية ؟؟)
عادل : اهلين سهى شن حالك
سهى : مستغربة في مكالمته باهي تمام وقعدو يهدرزو
___ و في تاني يوم الضهرية 🌸🌸
بسمة : ماما هي عاد بسرعة خلي نلحق علي عادل قبل مايطلع باش يقول دارت الواجب وجت
اسماء : باهي هي هي جيت
ومشو سهى وامها كانت بسمة مساوية شعيراتها السود زي سواد الليل ولابسة اسود في اسود قونة وسورية ونظارات ووصلو ع الڤيلة وكان عادل كيف بيركب ف سيارته درست وراه بسمة ..
بسمة :ماما انزلي انزلي بسرعة خلي نعزو عادل
عادل : شبح بالمرايات شاف بسمة فتح باب السيارة
بسمة : جاته دارت دموع التماسيح متعها وعلى اساس حزينة ( سلمت عليه امواه امواه بيبي عظم الله اجرك والله وجعني عمي مصطفى مات قبل مانتعرف عليه )
عادل : حبيبتي هدا قضاء الله وقدره الحمدلله على كل حال
اسماء : عدولة عظم الله اجركم
عادل : شكر الله سعيك عمتي
بسمة : ماما خشي توا نلحقك اني
اسماء : باهي بسوو متعطليش مانبيش نخش بروحي
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
