#الحُـب_يصنع_المعجزات 😍❤
عادل : ايوا حبيبتي اوكي شوية ونكلمك تمام قليبي
سهى : برا كمل مكالمتك ليلتك سعيدة وسكرت الباب عليه ورقدت ع السرير وتبكي تبكي وكان كله ورد من امس حدفت الورغان وكل يلي فيه ورقدت وهي تبكي ومتحسرة ع اللقطة قداش ما حرهااااااا ......
__________
مصطفى : الطيارة الساعة 7 الصبح
عادل : باهي تمام ياحاج
...
عادل : توا الواحد كيف بيدير ويكلم بسمة
بسمة : اهلين بيبي
عادل : شن اخبارك عيوني
بسمة : مستاحشاااتك هلبااا هلبا هكي معاش نشوف فيك
عادل : باهي افتحي الباب هي
بسمة : متقولهاش 😻 قاعد لوطة سكرت عليه وشبحت السيارة من الشباك ومشت تجري دارت مكياج وساوت روحها علي سنقة عشرة ونزلت 💃💃
بسمة : نازلا فرحانة حظناته
عادل : يامحلاا حبيبي انا
بسمة : مش المفروض اني نكون في مكان يلي ماتتسمى
عادل : يبو ولا لا بتكوني ف مكانها
بسمة : اكيدد بيبي
عادل : شن دايرة ، اليوم جبتلك بطاقتي باش تسحبي منها امتا ماتبي ومعاش تقوليلي اعطيني واعطيني
بسمة : اوووو بيبي تانكسس علاش بتعطيهالي
عادل : لان اني بنسافر
بسمة : كييف فنصت عيونها وعلاش بتسافر
عادل : بوي مدايرها هدية وهكي مانبيش نمشي بس علي خاطره
بسمة : ناضت تكنتط ومابتش كلمه __ عادل دار كل شي لكن سكرت راسها مشي وخلاها ...
في اليوم التاني ~~ سهى : مسوو حبي اني كيف بنطلع هلبا خايفة من الطيارة ياحليلي كيف بندير
ميسم : تضحك علاها ياقردة مافيها شي بلعكس حلوة هلباااا استمتعي بكل لحظة وماتفكري في شي
سهى : باهي حبيبتي شن تبي من غادي
ميسم : خاطري في طرف تركي من غادي 😂😂😂
سهى : ههههههه واطية توا نجيبلك واحد تركي دلفري
ميسم : ايوااه بالضبط
عادل : طق طق
سهى : هي سكري جي عادل
ميسم : باهي توصلي بخير
سهى : الله يسلمك وفتحت الباب
عادل : هي واتية
سهى : ايه هي
~~~~~~~~~~~
ومشو للمطار ✈✈وكل واحد في طرف لحد ماوصلو لتركيا وعادل متنرفز لان بسمة مابتش تكلمه وتغششت منه ويرن علاها متردش عليه ....عادل اتفق هوا وسهى ان كل حد بيكون في غرفة في الهوتيل
عادل : هدم الفلوس ليك وخدي بيهم شن تبي لما تطلعي
سهى : ااه 😱 هدم كلهم ليا
عادل : ههههههه قصدك هلبا
سهى : اي ماعمريش شديت ف يدي مبلغ هكي لالا سامحني مش حنقبلهم
عادل : لالا مجرد ربع المبلغ لو كملتيهم توا نزيدلك خودي يلي يعجبك الحاجات الغالية هني ( يحساب زيهم ماياخدوش غير الماركة ) وطلع
سهى : ( لا حول الله ياربي ) خيره هدا اني شن بندير بالفلوس مدامك انت مش معاي 😢 و وقفت ع الروشن منبهرآ بجمال المنظر ولكن للأسف ماعندهاش تليفون باش تصور بيه تليفونها بيلة
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
