#الحُـب_يصنع_المعجزات 😍❤
_________
عادل في القهوة مضايق وجوه متعكر ،،
ادم : يدخن ف ريقلة ،، عادل شن فيك مش علي بعضك
عادل : لا والله مسخفني حال سهى
ادم : والله ياناري حالتها اتسخف الحجر مسكينة كيف متحملة وصابرة وهي في عز صغرها
عادل : اني بوي و قريب نموت وراه فـ مبالك هي راح منها كل شي ف لمح البصر لا بو لا ام لا خوت تعرف ياصحيبي نبي نفرح بـ اي شي ياسر مسكينة
ادم : دخن دخن __ تعرف جتني فكرة جُـهنمية 😆😆
عادل : قول شن هي 😕
ادم : شن رايك تسفرها تغيرلها جوها وتفسحها
عادل : فكرة حلوة بس مش وقتها اول شي بسموو مش ح توافق هي السفرة يلي هداهلنا بوي مشت وماتبينيش نمشي وتغششت فـ مبالك توا نقوللها بنرفعها نغيرلها جو هيييي
ادم : باهي تعرف شن ادير قوللها عندي شغل وحاجات ضروري نمشي نشرف عليهم قصدي توا هدي معقولة وبتصدقك لان تعرف شغلك
عادل : سكت وقعد يخمم فيها ف عقله ،، ممكن لكن مش توا
ادم : وااااك وانت تعقد ف الامور وامتا تبيها بعد سنة 😒
عادل : ماه سهى بتبدآ ف القراية ،
ادم : هدي مش سبلة اول محاضرات وانت عارف كيف تمشيها اكيد
عادل : باهي باه توا يصير خيررر ..
__________
في الليل 🌑🌚🌙
عادل : رجـع ع الڤيلة 👣 لاقاته امه
فوزية : عادل تعالى قعمز جنبي
عادل : اكيد ماتبيش حاجة شن صاير
فوزية : كل خير عدولة شن بيكون فيه نبي نهدرز عليك
وجي عادل قعمز في الصالون مقابل امه
عادل : تعرفي اليوم هلبا تعبان لو تخليني نمشي نرقد وغدوة نهدرزو
فوزية : عادي ياماما وي ونمشو نرقدو مع بعض ، احكيلي كيف مداير ف الشركة بروحك
عادل : والله يافزفز زي ماتشوفي حياتي كلها ملخطبة بعد وفاة بوي الله يرحمه كل شي جي علي راسي
فوزية : الله يرحمه ويغفرله __ باهي وبسمة شن صار فيها
عادل : شن بيصير فيها مزال زي ماحني
فوزية : توا بوك ومات يلي كان واقف في طريقكم
عادل : اكيد توا مش وقته الكلام هدا
فوزية : شن مش وقته خلاص يلي ماتتسمى سهى طلقها شن بنديرو بيها البايخة هدي
عادل : ناض _ لا حول ولا قوة الا بالله لا احساس لا رحمة بنت وين وانتي وين يا امي متشوفيش في حالتها وكيف صاير فيها وانتي تقوليلي طلقها خيرك انتي خير ومشي
فوزية : تعالى جاي نكلم فيك
عادل : اني راسي يوجع فيا وبنرقد وانتي كلامك وجعلي راسي من الاخير بوي فات علي فراقه 15 يوم وانتي تقولي ف كلام غريب
فوزية : اني تقول علية هكي تي باهي باه
وركب عادل للجناح ،،،
فوزية : توا يا فرخه يا اني يا انتي ااااااه ياربي امتا بس تجي بسمة بنت الاكابر ونرفع راسي بيها ونقول هدي كنتي الحلوة العسولة 😍😍
_________
عادل : سهى ، سهى
سهى : كانت راقدة ع الكنبة مشي علي راس صوابعه طفي التلفزيون وخفف ف الضي وغطاها وهوا رقد ف الدار ع السرير
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
