#الحُـب_يصنع_المعجزات 😍❤
#الحلقة_الرابعة ( 4 ) 👇👇
سهى : نزلو دموعها وحضنت بوها وتبوس ف راسه بعيد الشررر بعد عمر طويل
مصطفى : سلمها ياربي نوضها خلاص عاد المهم عادل ولد الحاج مصطفى
سهى : قلبها قعد يرجف باهي بابا دير يلي تشوفه مناسب ومشت تجري لغرفتهااا ( حي هوا عادل طلع يحبني ياربي مش مصدقة )
___________
ع سفرة العشي كل عائلة الحاج مصطفى متجمعين يتعشو
فوزية : وحني امتا بنسافرو
مصطفى : لما نزوج عاد
عادل : حط الكاشيك وبدي ياكل في روحه من الاعصاب
فوزية : هدا يوم المنى يعني نمشو نخطبوله بسوومة باهي رضيت علاها
مصطفى : خيركم انتو هبلتوو اني كلمت صديقي احمد علي بنته
عادل : عصب خيرك يابوي خيرك مشيت درتها اني قتلك والله ماني واخدها
فوزية : شنو شنو شنو 😒 هدي اخرتها بنت السواق تاخد ولدي العز والجاه ماكتبهاش علية التاريخ يعني ماتبيش بسمة يلي من مستوانا راقية وحلوة كيف بنقول لي صديقاتي وناسي ولدي خطب ومني بنت السواق هدي اخرتها والله
حنان : اااااالله سوسو ياريت تولي كنتها ياربي محلاها هالبنت شن المسمومة متع بسمة هدي 😠😠
مصطفى : ضرب ايده ع الطاولة يا اني ياهي بسمة هدي
عادل : ناض طايرتله ..
فوزية : انت بتهبل الولد خليه ياخد يلي يباها في اما عصر حني وناضت
مصطفى : منزل راسي ويخمم كيف دار جاته حنان
حنان : بابا ياعيوني متزعلش روحك الدنيا قسم ونصيب
مصطفى : اكيد يابنيتي بس سهى بنية نادرة وف العصب يلقا زيها توا واني نبي مصلحته
حنان : يابابا ياقلبي والله الا عارفة وسوسو اني خشت وسط قلبي قداش ماحنينة وطيوبة بس وسع بالك معاه وسيوره ياخد رايك
مصطفى : تقولي هكي انتي
حنان : اي اسمع كلامي
.
.
وحاتم الوحيد يلي ياكل وجوه مليح ولا كأنه معاهم ولا موجع راسه بشي 😂😂😂
___________
بـعد مرور خمسة ايام 👣👣
في المطعم 🏰
عادل : والله الا مش بيدي والله الا واخدها علي خاطر بوي و مش ح نشبحلها بكل انتي عارفة اني نحبك ومستحييييل نحب غيرك .😞 بناخدها باش نرضي بوي انتي زي ماتشوفي قطع علية كل البطاقات والشغل ومعاش عندي مانصرف
بسمة : وااااااااااك بيبي كيف هكي
عادل : كيف ندير باهي .. تعالي نشدو في ايدين بعض لين نتخطو الخطوة هدي وبناخدك يعني بناخدك
بسمة : اممم باهي لكن اوعدني انك ماتشبحلهاش ولا تمسها 😒
عادل : والله والله والله
بسمة : سكرت فمه خلاص بيبي اني واثقة فيك
ورجت بسمة لحوشهم لوحت الشنطة بطول يدها
اسماء ( ام بسمة ) : خيرك يابنتي
بسمة : من وين الخير بجي
اسماء : شن صار
بسمة : عادل بيتزوج
اسماء : كيف هدي مش يحبك واحني كيف بيصير فينا
بسمة : لالالا يا ماما مزال يحبني كلللله من الشيباني الاحرف ان شاء الله يموت ونتفكو منه يااارب 😝 الله يهده .. ومتفكريش بكل هوا دار هكي باش بوه يرجعه لشركة ويفتحلن بطاقااته الولد معاش عنده ولا فلس درناها لصالحنا واني ياحبيبتي باصمة عليه بالعشرة انه يموت فيا
اسماء : نعرفه بنيتي مش هوينة ههههه
وباسو بعض وناضو 😂😂
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
