#الحُـب_يصنع_المعجزات 😍❤
بسمة : ترجف مع بعضها __ يحليلي راهو عرف كل شي
المجهول : كيف هكي كييييف ياغبية وين عقلك
بسمة : مانندريش عليه قالي طالع واني قعدت نهدرز لين شفته ،، توا ديرلي حل
المجهول : اقتليه
بسمة : كيف بندير هكي منقدر
المجهول : قتلك اقتليه ولا بننفضحو 😨
بسمة : باهي باه يصير خير ..
__________
سهى وهي طالعة من الجامعة تلاقت مع حاتم
حاتم : سهوو شن الجو
سهى : الحمدلله تعالى نبي نهدرز عليك
حاتم : حتى اني ليا قداش ندور نبي نكلمك وتليفونك مقفل
سهى : تعالى نقعمزو ف الكفتيريا احسن
حاتم : لالا تعالي نطلعو ف كافي خير
بـعد ماطلعو وقعمز
حاتم : اول شي خيرك انتي وعادل
سهى : ارجوك ماتناقشنيش ف الموضوع متع عادل خلاص سكرته من راسي وتوا بنطلق منه
حاتم : استهدي بالله
سهى : بالله عليك لو تبيني زي اختك ماتفتحليش عليه
حاتم : باهي خلاص زي ماتبي اني توا جيت بنقولك
سهى : علي ميسم صح
حاتم : ايه ، اني والله جديات حبيتها البنت
سهى : حاتم اشبحلي هني اني نعرفك تلعب مرة مع هدي ومرة مع هدي ،
حاتم : والله مانكدب ولا نيتي خبيتة صح اني ف البداية درتها عند البنت لكن بجد بعد ماقعدت نكلم فيها اتتبتتلي انها خلاق عالية ومحترمة ويشهد الله اني حبيتها من قلبي واني طالبها باحلال قوليلها باللهِ راهي خطفت عقلي وبالي وخيالي وكل شي
سهى : سرحانة ومنصدمة من كلام حاتم وكيف تغير هكي ( اوكي اني بنكلمها ياحاتم وباللهِ هدي صاحبتي واختي ومانبيكش تزعلها وتضحك علاها )
حاتم : مستحيل
__________
ام ادم : بنتي روحتي
سهى : اي عمتي نساعدك ف الغدي
ام ادم : لا كامل كل شي غير نجهز فيه بس
علي خشت ادم _ السلام عليكم
ام ادم ،سهى : وعليكم السلام
ادم : يشبح لي سهى واصبح مغرم بيها 😍😍 وعيونه قلوب قلوب
__________
بـعد مرور شـهر ،،
ام ادم : بنتي مش ح اديري شي بس بتمشي معاي للمحكمة وانتي تقولي زي مافهمتك هدي اخر جلسة وبعدها
سهى : مرتكبة وخاشة في بعضها باه خلاص
ادم : سهى شوية نبيك
سهى : نعم سن فيه
ادم : قعمزي نبيك __ اسمعيني انتي موافقة تتزوجيني ومحدش ضاغط عليك اني عادل كان صديقي لكن من بعد يلي داره طلعني مانسواش
سهى : هاااه اني عن ارادة بنتزوجك ومحدش غاصبني توا بنمشي اني
ادم : استريح باه تمام خودي راحتك
سهى : ناضت وشدت علي قلبها وتأترت
___________
فوزية : دكتور مافيش تحسن
الدكتور : ادعيله وخلاص لحد مايفيق بس هوا بصحة جيدة
فوزية : باهي معناها
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
