#الحُـب_يصنع_المعجزات 😍❤
سهى : استريحتله من كلامه .. وقمت راسها ليه
ادم : ( ياربي محلاهاا البنوتة قداش ما بريئة وحليوة )
سهى : اني نوصل للمكان الفولاني ......
ادم : ماعندكش حد يقدر يجيك
سهى : مسحت دموعها اني ماعندي حد ف الدنيا غير ربي عز وجل ،، وخي تقدر توصلني انت
ادم : تآتر من كلامها حاضر اركبي
سهى ، ركبت من الخلف
ادم : ضحك خيرك ركبتي من الخلف تحسابيني سواق ولا خفتي مني
سهى : هكي سامحني منقدرش نركب من القدام
ادم : اوكي علي راحتك ( في باله يلي زيك قلال في هالدنيا ) ..
في الطريق ادم يشبع في سهى من المراية واعجب بيها بحشمها وشكلها
ادم : نقدر نسألك شن اسمك
سهى : اوخي سامحني اني منعرفكش مش عارفة كيف ركبت معاك
ادم : عادي مصار شي وماقتلك شي خلاص اني اسف
سهى : شني وين وصلنا
ادم : اهوا هدي المنطقة وين الحوش يلي تبيه
سهى : خش الشارع هدا ولا نقولك حطني توا نمشي علي رجلية
ادم : لا مافيش كيف علي رجليك هدي اني نوصلك
سهى : باهي لف يمين ايواه الحوش الي مش مزوق هدا ..
ادم : هدا هوا
سهى : اي هوا هدا ونزلت
وادم قعد يستنى
سهى : وقفت فم الباب وتنصدم بوجود قفل ع الباب
ادم : نزل من السيارة وجايب الكرت متع رقمه باش بيعطيه لسهى لو استحقت حاجة
سهى : تعيط بقوة حسها وتخبط ع الباب 😭😭😭😭 يامجرمين ياكلاب ماصدقتو امي وبوي يموتو باش تاخدو الحوش اخخخ ياربي اخخ 😭😭😭 ياربي علاش ادير فيا هكي
ادم : جي يجري نوصي نوضي احكيلي شن صاير معاك بنت مني انتي
سهى : منهارة من البكي وطاحت ساخت
ادم : قامها ورفعها لحوشهم دخلها لي امه
ام ادم : كانت تقرآ ف قرآن .. ياوليدي هدي مني
ادم : امي هدي بنية ....... وحكالها ،
ام ادم : قعدت تبكي ياروحي علاها رقدتها في غرفتها وكانت جنبها طول الليل تنوض مخلوعة وتبكي وتقرآ علاها ف قرآن وترجع ترقد...
( ادم شاب خلوق علي حاله مهندس يشتغل مع عادل ف الشركة ، بوه متزوج مرة تانية ومطلق امه وهوا قاعد مع امه وهوا الولد الوحيد وعنده زوز خوات بنات من امه وبوه بس متزوجات ، حالتهم المادية كويسة جداً مش زي الحاج مصطفى اقل بشوية )
كمل اليوم وكانت سهى راقدة وكأنها اول مرة ترقد مرتاحة وادم ماشي جاي علاها بيطمن علاها وامه تلز فيه 😜
__ عادل رقد في الشركة
__ فوزية فرحانة والفرحة مش سايعتها اتصلت بـ بسمة وقالتلها ان سهى طلعت وبنجوكم علي وعادل بس يجي وبيخطبك ..
__ عادل يخمم كيف بيدير وكيف يتصرف
_______في صبح تاني يوم 🌛🌞
سهى : فاقت مخلوعة لان شرق علاها الشمس من الروشن ناضت شبحت يمين شبحت يسار اني وين
ام ادم : خشت
سهى : انتي مني
ام ادم : اني امس كلها معاك يابنيتي متخافيش
سهى : تبكي باهي قوليلي اني وين
ام ادم : انتي ولدي امس جابك لعندي وانتي الواضح عليك بنت عيلة وناس وطيوبة
سهى : ناضت تجري باست ايديها
ام ادم : لا حول الله عيب يابنيتي لا والله ماصارت
سهى : صحيتي
ام ادم : باهي انتي مني وشن اسمك ، ولا نقولك اني حطيتلك حوايج وروائح وحاجات خشي دوشي بنيتي امس هلبا عرقتي ورتفعتلك الحرارة ، وبعدين نفطرو ونهدرزو هي
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
