عشق المؤمنين

البارت الحادي عشر

💜افطار شهي💙
...نازك الحمراني...

#عشق_المؤمنين
الجزء الحادي عشر

لا عباس روح الله عليك شدكول الناس..
تشوه سمعتي...بقى واكف وهو يبتسم..

-البارحه حسستيني اني أخوچ...
الیوم صاحبچ...وتخافين من اهلچ
ادري الشيخ البارحه المن عقد..بس لا مو النا عقد

-لا النا شنو..بس..بس
-بس بس ميو...ههه عمي خل نمشي علما تجي عقيله...رح امشي كدامچ
وانتي وراي...
حتى من أنسولف محد يعرفنا..شدكولين

-ها خوش فكره بس خل تجي عقيله...احسن
بقيت عيوني تتلفت على الشارع...
خاف واحد من الجوارين يشوفنا....
التفت صارت عيوني بعيونه
وهو يحرك حاجبه...ويهمس وي روحي

-هذا أول يوم يا عبيس المكرود....تالي شلون
-ها شكلت وياي..
-لا صاحبي ابد مو يمك....صفنت عليه

-لادكول صاحبي اني أبنيه.....سمعت صوت وراي..اخوي علي جاي يروح للدوام....من شافني صاح

-هلا بلنسيب شلونك عباس...
شخبارك وي اخونا الثالث ابو شامه
أتنوعت الأخوي واني اشر بيدي بلخفيه..
اريده يسكت...غمزلي علي...
التفتت أجتي عقيله من بعيد تتمشى كال اخوي علي

-أجت خيتي الحلوه........
يله عباس أترخص خويه عينك على ابو شامه
واختي الحلوه...ترى أمانتك عقيله
ابوشامه كلف مينخاف عليه ههههه من راح علي

تقرب عباس مني وهو يحچي..
-يعني اكلك ابو شامه...لو إم شامه رفعت عيوني بخزره
وهو يرفع ايده بحركه عود رح اسكت كال

-العفو نبقى على ابو شامه احلى...
لا اشاقه انتي طفلتي
ومرية عباس ....خل يكولون ابوشامه..المهم اني
اشوفچ احلی حرمه...واحلی ابنیه..ياأم شامه
ركبنا بسيارة الجامعه...
كعدنا وهو ورانا اني وعقيله سوه...
وكل اشوي يشمر كلمه‌ويضحكنا...من نسكت ویرد يسولف وينكت..
وصلنا للجامعه اجى يوصلني للقسم
وكفت مقابيله...

-عباس عندي طلب منك...قبل لاندخل...
-عيون عباس"وعافيته"وگلیبه الآخذتيه...كولي مريتي
تصنم كلشي بيه من كلامه...وهو ینتقي كلمات راقيه
كلماته كل حرف منهن بيهن حنيه"وحب"
تمنيت الوقت يوكف ونبقى اني وياه...اشكد احبه
بس استحي اعبر عن حبي له...اشكد اريد اعترف له
انو هو من أول موقف نقذني بيه حبيته ..
بس لا لساني يقبل يتحرك....ولا نفسيتي..
لان دوم وي اخواني اني اخوهم الثالث..
الحد مااجت عقيله
بقو يعاملوها كأخت ويحترموها...واني بقيت الأخ الثالث بينهم...عباس عاملني أنثى..وهو يتغزل
وهو يحمني بكل موقف...حسسني أني أمرأه تريده
وتريد حبه النقي.. النظيف...

-حلو من سرح بالچ...بس شنو ردتي مني...

-ردت اكلك نلتقي بلحديقه مال كلية عقيله ..
-اي احسن حتى محد يكول علينا مكبلين..
-مكبلين يبووي
-قصدي ميكولون مخطوبين...ويشوهون سمعتنا الناس
لأن الجامعه نصها مكبله عيب احنا بوسطتهم مخطوبين"وعاقدين ههههه
-عباس
-غفران...ابتعدت عنه وهو يستفزني بكلامه الحلو
شفت ايناس...الي باركت اليه بلخطوبه...
طبيعتي مامحتكه بأي طالبه..بس تعجبت من ايناس
عيوني الها...