💙ليلة قدر مباركه على الجميع لاتنسو فضلها واحيائها💙
بارت سريع..للتوضيح
..نازك الحمراني...
الجزء السادس عشر
عقيله..
سوينا قائمه اني وغفران بلشغلات النشتريهن
الفلوس بيدي ...اصرف ومتخلص
وهاي أول مره اكمش هيچ مبلغ..
قسمنا طلعاتنا شفتات...
لوعماتي لو أني وغفران
بيومها بليل كاعدين أني وغفران بلغرفه...
ونرتب بلجنط مال نيشان ولكينا أكو نقص..کالتلي
-أكلچ عقيله شغله عجيبه سيد مهدي ليش مخابرچ
آو طلب رقم تلفون..
-أسكتي أني خايفه..بس يجوز يعرف تقاليدنا
ماعدنا خطیب یطیب وتطلع..
-ولچ بس یحاول...ماتذكرين عباس الله يرحمه
چان یراقب بابا یطلع آو یسافر لحتی یجي..
-كافي غفران مااريد أفكر بشي يخوف..خليني
عايشه الحظه.
-الله يتمم على خير الغايب عذره وياه....
طلعت من الغرفه...واسمع خالي وأمي يسولفون...يكلها
-إم أحمد السيد باقر كالنا خل سيد مهدي وعقيله
يكعدون سوه..
-أي صدك ليش لا ...
-وافقت بس أخوچ منع...
وکله آصیر عدکم یله...
خطیه لح مرتین...علمود الكعده
آخوچ وراه سالفه..
واني الضغط ماكلني..وكوه كاعد
بس كتله الأبو رامي أخوچ...لازم اشوفه الروئيه الشرعيه...
رفض؟؟؟
بس گلبي ناغزني كلش من اخوچ القاسي
واني عندي بضاعه
أحملها الأربيل بلكن هل مره اكدر أكمل بلفلوس
بنيان الغرف الورى بيتنا..
حتى علي يكعد هو وزوجته واكون مامقصره بينه وبين أحمد الي بنيتله قطعت ابوه
-الله يرزقك روح ابو علي وذا ماأجيت بيوم العرس
ترى معذور...
بداخلي ضجت خالي الي رباني ودللاني
مرح يجي بزواجي....
بس عذرته العيشه تريد...
وضجت من والدي ليش مانطاهم رقم موبايلي
وليش ماخلى سيد مهدي نكعد اني وياه سوه
رجعت الغفران سولفتلها بلي سمعته...تعصبت.
-ترى لا زعلين حتى هو هم خالي بس هذا
ابوچ شنو هسه عرفچ...
مایستحي من بابا هيچ یفشله
والله لو ادري اتعارك وياه لو شيصير
باچر آطلع من الجامعه واخذ علي أخوي...ونعاركه
مسوي روحه الاب الحنون...
-اسكتي غفران فدوه هذا ابوي مهما يكونو لاتحچین
ودور دکولین العلي...يعاركه لا لا
-عقيله انتي مادكليلي گلبچ اشکد فطير..مو كل اب
يسمى اب...
-اي بس يبقى اب لو شيسون (وبلوالدين أحسانآ)
يعني كل الوالدين ماقيم الوالدين المخطئين
أو المصلحين
لازم نحترمهم على حد سواء...
اشكرچ لان احترك كلبچ علیه...
مااعرف شلون آفارکچ
انتي واخوي علي..
دخل علي بهل لحظه وعيونه اليه...
-والله يااختي أنت شمعة هل بيت مااعرف شلون ترحين ونبقى اني وابوشامه مناكر....يعني محد يفاككنا
انشاء الله ترتاحين ويوم الغفران تزوجن أثنينچن
وعود هم تعالن زعلانات...
وتبچبچن يمي...
وتعال اخوي علي افزعلنا...عيونه له والغفران
-وانت اكيد تظل تكنك وماتفزعنا مو
-ههههه شلون مافزع اذا مافزعت الچن...
آلمنو أفزع...
بس اكلچن حبابات یابعد آخوچن
من تجن للبیت مسيرات آو حتی زعلانات
تعالن وحدچن اني اطيتچن وعد بلفزعه
آطني وعد مو جيبن قرودتچن ویاچن...
تری البیت هلکدوته....
وبي لوحات اني ارسمهن
اكيد يخربون احلامي...ويطشروهن وخصوص جهال ابو شامه يطلعون اهل طلايب مثلها...
تعصبت غفران
وهي تشمر عليه...مي بارد نهض عليها
