💙مسائكم رحمه💙
#عشق_المؤمنين
.....نازك الحمراني...
الجزء الرابع....لا تنسون لايك"تعليق
عقيله........
....فلاش باك
بعد ان أخذني خالي اعالج عيوني...
بقيت بحضن جدو...واهلي...
عشت احلى ايام عمري...بين جدو...وعمتي وخالي
وخواني برضاعه..
جدو الي كل فتره ياخذني للزياره..
وشوكت مااكله...
كل فتره ياخذني المدينة الألعاب....
مثل طفله...رجع يباريني...
الدلال الي بحضن جدو...هو من لطف الله..
جدي صارلي الحصن الحصين اليه...
نبع الحنان...
حتى من أسهر على دراسه يخاف عليه...
حتى من أذكر جدتي وابچي...
يحضني...ويكلي..
-لاتبچین...اني موجود...
من الرابع الحد الصف السادس أدبي...
بدا صحته تضعف...
اي اكل ياكله يتقيئها...
اخذنا للطبيب....
تحاليل وسونارات...ماكو شي..
بدا ينحل...يضعف"تعلعل...
ومحد وكف على علته...ساعه يكولون قولون..
ساعه قرحه....
الحد بعد عدت تحاليل....
طلع بيه الخبيث....ويرادله جلسات كيمياوي..
واروح اني وياه أثناء العلاج....
أبرة الكيماوي توجع....
يضربونه خمسه سيسي...كل سيسي يبقى ساعات
لحتى يتحمل...الألم..
جدي ذبل كدام عيني....مثل ورقه صفره بخريف
واني مابيدي....بس الدعاء
حتى ردت أترك السادس أدبي وأبقى يمه
رفض..وهو يكلي
-بنت الغاليه....شهادتچ اسلاحچ...
........عوده لحاضر.....
طلعنا جدو من المستشفی
ومر يومين على وضع جدي مامستقر...
الوجع العنده تعبه...وهو يتألم
جدي الي دللاني....مريض
الي أحتواني مثل الأب.....الألم يمشي بجسمه
أدعي رب العالمين يحفظه ألي....وبنفس الوقت
أشوف متألم..
بعد ميفيد وياه العلاج...
لأن مرض والوجع...حرمه من الأكل
أكل آعضائه الداخليه....سوه عنده عجز ..
اشوفه يتلوى وهو يكلي روحي للدوام
أروح للمدرسه....وأرجع مباشره للغرفه مالته...
أشوفه شنو يحتاج...
برغم أبنه الي هو خالي أبو أحمد......
وبرغم عمتي أم أحمد"وغفران وكل البيت....
محد مقصر وياه...
بس يحتاجني ألي أكثر...
بليل كعدت أتوضاء...كملت الوضوء
حضرت عدت العشق الألهي
فرشت السجاده...
خليت السبحه"التربه"يمي كتاب القرأن"ومفاتيح الجنان
وستعديت الصلاة الليل....
دخلت العالم الرحمه..العالم العشق المريح
ماأعرف أوصف نفسي...من أختلي بهل صلاة
انسى هموم الدنيا كلها...واسشعر الروحيه الألهيه
الكل بهل وقت نايم...الى العاشقين...للرحمان
الكل هسه يتحلم....اله المقتربين لله...
الكل يفكر بهمه.... اله المتوكلين على الله..
كملت صلاة اليل ...أذن الفجر ختمت صلاتي
شلت عدت العشق الألهي...
وساعدت جدي يصلي...واني اسنده بركوع"وسجود
حضرتله الريوك...شعلت الصوبه..
خليت الخبزه على الصوبه لحتى أتكسب..
هو يحب هيچ یاکل...
