💙كل عام وانتم بالف خير وعافيه اقترب العيد💙
سنودع شهر رمضان واتمنى العافيه نصيبكم💙
...نازك الحمراني.....
#عشق_المؤمنين
الجزء الواحد والعشرون
"عقيله"
مو كتلك ابو رامي رح تكسر ركابينا
هل كلمه غصه بگلبي
وهي تطعن بيه...
نزعت النقاب وندارت عليها دنجت راسي كتلها
-حسبي الله ونعم الوكي....
تقربت مني وهي مغضبه -شوفي بنت ناجيه مال تتحسبين بوجهي
رح أسكتلچ داده..
لآن توچ داخله بیتي....ماأحاچيچ
حتی مدکولین سمیره متعرف الواجب
بس اکلچ...
آشو لابسه ذهب....
اقتربت مني كلش...
وهي تتلمس الكلاده
جرت آیدي تتلمس المحابس..الثنين
-اكلچ هذا ذهبچ ثکیل آریده...حتی التراچي
-ها لا خاله
-ولچ تخلخلت ضلوعچ....
جرت آيدي حيل
أخذت المحابس....
مدت ايدها على صدري جرت الكلاده
أني أجر وهي أجر....والدي صاح
-عوفيها يامرأه خل ترتاح...
-لا أبو رامي ذهبها اريده.....عيوني الأبوي
الي طلع وتركني بيدها...
ِآقوی مني مكدرت أقاومها
أخذت محابسي" وكلادتي"
بس ذن چنت لابستهن...
رادت تاخذ آتراچي بس چانن تراجي برم
آم آلقفل
ولان يفلتن مني هواي
ماما صمغتهن بأميري..اليه
حتى بعد ميفلتن
حتى بالفاتحه مال أخوي علي
منزعتهن ظليت لابسه حجاب...
فهي رادت تنزعني منزعن...لأن تعبت
اخذتهن وهي تصيح الزوجة رامي...
-ندى تعالي اخذيها الغرفة الجهال..تنهمد وياهم
مدري أشاف بيها رجلها وذبها هل ذبه
ذبه الله يستر علينا....يارب
ها وعود كومي حركي نفسچ
خو مو خدم عندچ...
آجتني ندى آقتربت مني دكومني..
-الله يساعدچ خیه....
تعالي هاي ظالمه
والظالم سالم...
ربي يفكچ من شرها
تنوعتلها....بوجهه آزغيره عمرها أقل العشرين
متوسطة الجمال....
وجهه اصفر تعبانه من الحمل..جاوبتها
-اشكرچ ندی...
-آني عقيله....
أخذتني الغرفة أخواني
كبرانين صار سنين مشايفتهم..
كلمن ملتهي بلأي باد مالته يلعب بيه
رامي وسامي..اكبار
يشتغلون وي أبوي بصناعيه
قرأني بيدي مافاركني...
كعدت بزوية الغرفه.....
أقرأء قرأن
الحد ماتعبت نمت...اجتني ندى...
بيدها صينية العشاء...ماعون بيتنجان...وماعون طماطه
وكرصة خبز أزغيره...
وطلعت چیس بیه خبزه ثانیه...
تنوعت الها...
-لیش خبزه بصینیه وحده بلچیس...
جرت حسره...
-آووف شکلچ....ولو خاف اتچذبيني...
خيه كحفه موتتني جوع.....
كلشي حساب "وكتاب
شوفي حسبت اني وياچ بخبزه وحده
آخذت خبزه ثانيه بسر..
-سر....
ليش؟؟
-لا تتعجبين أني أول مزوجة رامي
شفت بخلها...
طبيعتي ماستحي من المايستحي
الخبز ذبته عليه....
كمت أخد عجين...
أوقبل لاتجي عمتي الحيزبونه..
لان تحسب ألشنك
وتحسب ألخبز خاف ينقص...
من تروح مني
اخبزهن وأخشهن بغرفتي
-ههههههه تعلميني بيها...
هاي زوجة ابوي...بس حرام غیبه
ندعي الله يهدي....باوعتلي ندى بضحكه
-يااا يهدي الله.....
أبد!
كفيلچ الله...
یهدي أبليس..
وما يهديها...
لچ مادكول چنتي حامل لازم تاكل
خيه بناتها أزوجن ورتاحن.....وبقيت أني
آلولد...مراضين عليها بس أمهم...
يله أكلي البيتنجان وتخيلي كباب سوك
والطماطه همبركر....
لان هذا العشاء اليومي...المکرر
ولج عمي يشتغل
وزوجي رامي...
الكل ينطيها وهي رح تموت بخلها
تنوعت آلآیدي ندى وهي صافنه
-أكلچ حلقتچ وین...
تری الحیزبونه ماآخذت غير محبسين
وكلاده...
خاشتها الحلقه....سباعیه
ذكرتني بحلقتي چان تصمیمها
صب ثکیل...
-لاندی وین آخشها...
-سولفیلی
خل آسولفلچ..حلقتي وين
-سولفي عقيله أشعدنا...ابتسمت الها الاريحيتها
-من أسبوع أخذتنا ماما للزياره...
وبيها رحنا الحضرت الأمام ألحسين عليه السلام
دخلنا المكان يسمو معرض ألحسين ع
يبيعون بيه حلقات رجاليه مستعمله
بيهن ورقه زغيره مكتوب عليها...
وجدت في شباك المطهر....
أشتريت وحده منهن
عجبتني الفكره انو تشمر حلقتك بشباك
لحتى يرجع لك زوجك أوزوجتك...
رجعت الداخل المرقد
كمت نزعت حلقتي من أيدي
وذبيتها بالشباك ....
دعيت يردلي زوجي ردآ جميلا...
-يعني شمرتي حلقتچ الذهب..
-اي لأن اهل البيت ماخاب من أمن بهم
