❤جمعه مباركه❤
#عشق_المؤمنين
...نازك الحمراني..
الجزء الثاني...
فتحت الباب سميره...جنت بطارمه انظف
دخل جدو ابو کامل متعصب
حتى ماكدرت اسلم عليه..
لان دخل وهو يصيح..بعلو صوته
-أطلع أبو رامي ولك اتبطل حفيدتي من المدرسه
هاي الأمانه...ترى وحق عليل كربلاء
أن سمعت عقيله هاي السنه ممداومه أخذها منك
سنه كامله ضيعتها عليها...
تريد أضيع بعد سنه....لك ماتستحي على روحك
سمعت كلام جدو واني فرحانه...
رحت للمطبخ...ركض
جبت كلاص مي... واني أركض فرحانه
جدو هنا...تقربت منه واني انطي المي
--جدو شلونك لاتتعصب موزين عليك...يصعد ضغطك
اخذ كلاص المي مني وهو يشرب
تقربت منه أحضنه..
مشتاقه النفسه الطيبه...الروحه الحلوه..
وهو حاضني....طاحت دمعته على خدي
رفعت راسي له...واني اتنوع الوجهه الحنين...كالي
-ياريحة ناجيه...ياريحة الحنينه شخبارج
من رحتي الحد هل لحظه...
جدج خلكه موزين....شلونچ یابنت الغالیه..
ياريحانتي...حظنته
-زینه الحمد الله....جاي أجاوبه...طلع والدي يرد على جدو
-حجي أبو كامل...جنت بلحمام اسبح وسمعت الكلته
بس لاتنسى هاي بنتي...وبكيفي
بس رح أحترم الدم البينا...شني تهددني..
تقرب جدو بعصبيه من بابا...
-شوف أبو رامي عندك حلين...
الاول ياأما ترجع عقيله للمدرسه..
ياأما أرجعها الحضني وحضن عمتها. .وأنت فكر زين بكلامي
-
-ارجعها حجي ابو كامل بس متشوفها اشطولها..
لاجيبنا الناقصه....برغم كلامهم چبیر علیه..
بس فهمته..
بس جدو بعصبیته زنخ بابا وهو یدفعه للحایط
-آیاك تحجي على عقيله هيچ...رح احترمك لآن چنت فیوم زوج بنتي... واني طالع هسه...
اريد البنيه ترجع للمدرسه...
ولك يتيمه خاف الله بيها....طلع جدو من البيت
وسميره اجتي عليه مغضبه...وهي جر أذني
-بنت ناجيه ترجعين للمدرسه وتلبسين عبايه...
لاعبالج.....
وتلبسين بوشي...چانت تحچي بعصبيه..
وهي تأشر الوالدي....بنتك عيونها صلفه وظخمه
اشلون أبو رامي ترد للمدرسه
يعني هم بنتك وهم يدخلون...خليته يصيح عليك
دخل يجي مره ثانيه...اله اطرده
تقرب والدي منها...معصب كمش ايدها الظهرها
-ولچ سویها وشوفي. ابكيفچ آطردي
هذا أبو المرحومه...ياحقيره هذا أبو ناجيه
عمي أبو كامل ليكوله يمشي...
ترجع عقيله للمدرسه...ضاعت عليها سنه كامله
ونلبسها عبايه وحجاب
وهذا اخر الكلام....دفعها وطاحت للكاع...
عيوني البابا...الي تنرفز على جدو...وهان زوجته
يجوز چان یحب ماما...
ركب درجته وراح...شي بداخلي مقهوره على بابا
برغم عصبيته...
لأن يرجع تعبان من الشغل...وكله دهن
وحتى نوبات أيده مجرحه...
برغم قساوته....بس شفت عنده حنيه....
ويجوز عصبيته بسبب سميره...
الي كلما يجي اسوي سالفه....ومشكله
وتوزه عليه
بقت الأيام تمشي مثل ماهيه...
بس تأزم الوضع
والدي كعد بلا شغل....وسميره دردم على راسه
وتريد افلوس من عنده...
بقى يشتغل عماله فتره.....ويجيب مسواك..
ومن توزع الفاكهه ماتذكرني...
بقيت اتحسر على شي اسمه فاكهه...
علمتني سميره عل خبز.....واول ماخبزت احتركت ايدي
بقيت ابچي....طاحت الخبزه بتنور
سميره شافتها طاحت تعصبت عليه...واني محتركه
نزعت انعالها وبقت تضرب بيه...وتفشر جرت ضفيرتي..
