عشق المؤمنين

البارت التاسع

💙صيام مقبول💙
..نازك الحمراني....
#عشق_المؤمنين...
الجزء التاسع...
..

(إنّ العبد يكون له عند ربّه درجة لا يبلغها بعمله فيبتلى في جسده أو يصاب في ماله أو يصاب في ولده فإن هو صبر بلّغه اللّه إيّاها).

الألم ظل ماينحمل مااحس منو اليمي...ومنو اليجي
وجهي ملفوف بس عيوني طالعه..ومااريد افتحها
اخاف انصدم بلي اشوفه....
لان كلشي بيه مكسر....واعرفه
احس حتى راسي مكسوم نصين ..
ظليت طول هل فتره عایش عل مهدئات..
وذا ماكو...أصيج الغوث من الوجع...
وكل لحظه تمر...
ادعي  ربي يموتني ولا هل ألم..
الي مينجرع
احس أ نشلع كلبي... وي كل شهكه مني

تمر الساعه واليوم...والوجع وياهن...يكبر
بيومها كعدت بنص ليل مفعول لمهداء خلص......
بعد ماضربوني ابرتين...
صادف صيف..ومشغلين المكيف بغرفة المستشفى وصارت بارده راسي بقى  يصل عليه...
وي كل نفس أخذه
الوجع يزيد..أيدي اليسرى أوتارها مكطعه
اليمنى كوه حركتها..
خليتها على صدري...مجرد خليتها شهكة ألم
عرفت ضلعي مكسور...تلمست وشخصته ضلع السائب....ضربت بأيدي على الچربایه..
لآن هاي الحاله تصير من يتعرض واحد‌من الاضلاع للكسر ويكون ظلعين او اكثر  مکسورات
ويضل يعاني المصاب بهذه الحالة من شغلتين .
اولاً الوجع القوي بمنطقة الصدر
ثانياً ضيق في النفس
وي كل شهقه وزفير يزد هذا الالم
لان الجزء المكسور من الضلع
يتحرك بشكل معاكس عن بقية الاضلاع
واني اتلمس الوجع زاد
لا أرادين بچيت....
واني مأيس من كلشي..
وادعي على نفسي بلموت
فطنت على نفسي..وين حبي الرب العالمين..
وين الصبر عل بلاء...واني جازع...
استغفرت ربي...واني اصيح
ياربي مو قصدي اجزع...وتدري بيه ماجازع
يارب ماينحمل الوضع...ساعدني
أذكرت بساعتها امي الزهرأء عليها...وضلعها المكسور
وهي ريحانة الحبيب...شلون تحملت..

ندبتها واني بحسره عليها...ياسيدتي يازهراء
يمه يلزهره.. انتي تعرفين الم العظم من ينكسر
يمه واني هسه كلشي بيه مكسر
يمه ساعديني بعد ماتحمل 
امي يازهراء احلفج برضوا ضلوعه بكربله
اغيثيني خلصيني..
وي كل حچايه الوجع يكتلني..
صحت...يازهراء...
صوت اخوي سيد مجتبى..اجاني فتحت عيوني
مغوشه من الدمع...كلي

-يفيدك أخوك بعافيته...شبيدي عليك خويه..كتله بحركة موجوع

-روووووح...صيح للطبيب يضربني مهداء..
ولك اخوك يموت...
ركض لطبيب المقيم ...
جابه لمن ضربني أبره....
واني أندب الزهراء عليها السلام..
الى أن هدئت ورديت نمت

نمت واشوف بعالم الطيف..
نايم على چربایه...بس مو مال مستشفی..
واشوف مریه منقبه او من النور ماشفت وجهه
وكاعده يم راسي....
ما أمكن أشوفها زين لأن كلشي نوراني...بس سمعت
صوتها الي چان حنین کلش...دکلي

- ها يمه مهدي جزعت... كتلها
- يمه تعبت بس والله ماجازع...كامت وهي تحچي

- بس مشوارك طويل يمه...واني يمك
وراح أخفف عليك ...وبلحظه اجى رجال شاب بس خشن وطويل بضخامه  رفعت راسه اله......
وهي تحچي وياه